Рыхтуемся да Свята апошняга званка: фанаграмы, ноты, вершы, танцы

Ізноў надыходзіць час развітання з вучнямі. З аднымі вы сустрэнецеся ў школе пасля летніх вакацый. Іншыя выпраўляюцца са школьнага гнязда ў дарослы свет. Спадзяемся, нашыя ранейшыя і новыя матэрыялы дапамогуць вам зрабіць Свята апошняга званка адметным і запамінальным.

Нашы настаўнікі
(муз., сл. Н.Ірванцова-Друцкага. З Альбома школьных песень)

фанаграма (НадзейкА)
мінусоўка

Першага верасня вы нас сустрэнеце
Позіркам строгім на школьным парозе,
Добрай усмешкай і мудрымі словамі –
Нашы настаўнікі.
Зноў павядзеце нялёгкай дарогай,
З вашай падтрымкай і дапамогай
Мы авалодаем новымі ведамі –
Нашы настаўнікі.

Нашы настаўнікі –
З удзячнасцю, з павагай і радасцю
Спяваем мы песню для вас.

Зменяцца рытмы модных мелодый,
Вашы трывогі – нашы прыгоды.
Рэхам мінулых гадоў назаўсёды –
Нашы настаўнікі.
Так нечакана апошні званок
Нас павядзе на апошні урок,
І развітацца прыходзяць да нас
Нашы настаўнікі.

Нашы настаўнікі –
З удзячнасцю, з павагай і радасцю
Спяваем мы песню для вас.

Могуць складацца ўмовы па-рознаму,
Але зразумець і дзяцей і дарослых
Нам дапамогуць, параюць, падкажуць
Нашы настаўнікі.

Нашы настаўнікі –
З удзячнасцю, з павагай і радасцю
Спяваем мы песню для вас.
З удзячнасцю, з павагай і радасцю
Спяваем мы песню для вас.

Песня пра канікулы
(муз. Т. Грыневіч, сл. А. Церашковай)

фанаграма (Адась Матафонаў)

Бэзу пах у вокны просіцца.
Май буяе на двары.
Развітаемся да восені,
Хутка стрэнемся, сябры!

Золкі нас чакаюць росныя,
Пыл няведамых дарог… …
Пасталелыя, падрослыя,
Пераступім зноў парог.

Сядзем мы на месцы звыклыя,
І праз нейкіх два-тры дні
Узгадаем пра канікулы:
Эх, кароткія былі!

Апошні званок
(муз., сл. Юрыя Несцярэнкі)

Aпошні званок (mp3)
Апошні званок (мінусоўка mp3)

Кветак букеты і віншаванні,
Радасці слёзы і сум развітання
Прыносіць з сабой да нас незнарок
Апошні званок.

Ты можаш не верыць – але гэта сёння
Мы ўзялі апошнія сшытак і дзённік
І нас запрашае апошні званок
На апошні урок!

Прыпеў:
Празвініць і заціхне апошні званок:
Усе на ўрок, усе на ўрок!
Вось і скончыўся школьны апошні наш год
Вясновым днём,
апошнім званком.

Ты падзяляеш маё хваляванне –
Невыпадковае наша спатканне,
І зразумець гэта нам дапамог
Апошні урок.

Жыццё адкрывае для нас сваю далеч,
Мы вольныя ажыццяўляць свае мары
І праводзіць нас на скрыжаванне дарог
Апошні званок.


Школьны званок
(муз. Т. Грыневіч, сл. С.Сокалава-Воюша)

фанаграма (Адась Матафонаў) wma 2,46 Mb

Веды ў падручніках спяць да пары,
Веды хаваюцца ў лічбах і словах,
Веды найлепшыя нашы сябры,
Іх абуджае для нас адмыслова:

Дзынь-дзынь, школьны званок,
Дзынь-дзынь – нам вестунок,
Дзынь-дзынь, значыць вось-вось
Вывучым новае штось.

Веды паўсюль, ды на школьным стале
З іх паўстае навуковае мора,
Веды ў камп’ютарах дрэмлюць, але
Мы іх знаходзім на маніторах.

Дзынь-дзынь, школьны званок,
Дзынь-дзынь – нам вестунок,
Дзынь-дзынь, значыць вось-вось
Вывучым новае штось.

Так, пераходзячы з класа ў клас,
Класныя веды ў жыццё пераносім,
Час праляціць – не пазнаеце нас
Мы за турботы вас перапросім.

Дзынь-дзынь, школьны званок,
Дзынь-дзынь – нам вестунок,
Дзынь-дзынь, значыць вось-вось
Вывучым новае штось.

Верш на апошні званок
(Алена Церашкова)

Бэзу пах у вокны просіцца.
Май буяе на двары.
Развітаемся да восені,
Хутка стрэнемся, сябры!

Золкі нас чакаюць росныя,
Пыл няведамых дарог…
…Пасталелыя, падрослыя,
Пераступім зноў парог.

Сядзем мы на месцы звыклыя,
І праз нейкіх два-тры дні
Узгадаем пра канікулы:
Эх, кароткія былі!

Смаргонскі вальс
фанаграма (гурт Вербіца) mp3 5,63 Mb

Падэспань
фанаграма (гурт Вербіца) mp3 5,89 Mb


Вальс развітання (муз. Т. Грыневіч, сл. С.Сокалава-Воюша)
словы
ноты pdf 125 kb
фанаграма mp3 3,17 Mb
караоке kar 3,5 kb
мінусоўка mp3 4,6 Mb

Школьны вальс (муз.У. Гаркушы, сл. В. Гіруць-Русакевіч)
словы
фанаграма mp3 4,03 Mb
мінусоўка mp3 5,5 Mb

Самая прывабная (муз. Т. Грыневіч, сл. С.Сокалава-Воюша)
словы
ноты pdf 316 kb
фанаграма mp3 5,05 Mb
караоке kar 7,55 kb
мінусоўка mp3 5,24 Mb

Першыя ўрокі (муз. Т Грыневіч, сл. С. Сокалава-Воюша)
словы
фанаграма mp3 4,46 Mb
мінусоўка mp3 4,56 Mb


Вальс: Тэарэтычныя і практычныя матэрыялы для падрыхтоўкі выпускнога балю