Архіў навін
7 мая 
Заўтра ў Мінску пройдзе вялікае свята, прымеркаванае да Міжнароднага дня астраноміі. Яго арганізатарамі выступаюць абсерваторыя БДУ, Мінскі гарадскі планетарый і клуб аматараў астраноміі «Аш-ню».
З 17.00 да 22.00 у парку імя Горкага будуць устаноўлены 20 тэлескопаў рознай магутнасці.
Усе ахвотныя змогуць бясплатна разгледзець сонечныя плямы, а пасля заходу сонца — месяцавыя кратэры і горы, у цемры — планету Сатурн.
Забаўляльна-навучальны часопіс для дзетак 
Даслала Ірына Бурносенка на конкурс «Адукацыя для свабоды. Ноўтбук актыўнаму настаўніку».
Пілотны нумар сучаснага дзіцячага часопіса па-беларуску. Створаны супольнымі намаганнямі бацькоў-валанцёраў.
Тэма нумара – Вялікдзень.
«Гарбузік»: забаўляльна-навучальны часопіс для дзетак Даслала Ірына Бурносенка на конкурс «Адукацыя для свабоды. Ноўтбук актыўнаму настаўніку».
Пілотны нумар сучаснага дзіцячага часопіса па-беларуску. Створаны супольнымі намаганнямі бацькоў-валанцёраў.
Тэма нумара – Вялікдзень.
Урок па кнізе «Я з вогненнай вёскі» для 11 класа (базавы і паглыблены ўзроўні навучання). Даслаў Юры Мянькоў, Баравабудскі навучальна-педагагічны комплекс.
Аб мінулым дзеля будучыні
Урок па кнізе “Я з вогненнай вёскі”.
Даслаў Юры Мянькоў (Баравабудскі навучальна-педагагічны комплекс) на конкурс «Адукацыя для свабоды. Ноўтбук актыўнаму настаўніку».
Прадмет: беларуская літаратура.
Клас: 11 (базавы і паглыбленны ўзроўні навучання).
14–15 мая 
Дарагія сябры, шаноўныя калегі!
Еўрапейскі Гуманітарны Універсітэт запрашае актыўных настаўнікаў на сустрэчу-знаёмства ў Вільню. Вы зможаце агледзець універсітэт, задаць пытанні кіраўніцтву ЕГУ, спланаваць вандроўкі школьнікаў з Беларусі на Вільню, наведаць канцэрт гурта Ляпіс Трубяцкой.
Такім чынам, калі маеце візу і ахвоту патрапіць у гасціннае месца з кампаніяй аднадумцаў – хутчэй лістуйце на nastaunik.info@gmail.com (колькасць месцаў абмежаваная).
Глядзі пільна - будзе Вільня!
Белсат ТВ 
«У краіне амаль адсутнічаюць беларускамоўныя дзіцячыя садкі. А колькасць вучняў, што навучаюцца на мове тытульнай нацыі, скарацілася да 18 %. Аднак цяпер вёска вымірае, а ў горадзе далёка не кожны дзед ці бабуля валодае мовай продкаў», – адзначаецца ў звароце сакратарыяту Таварыства беларускай мовы імя Францішка Скарыны.
ТБМ прапаноўвае стварыць Усебеларускі бацькоўскі камітэт трох узроўняў для забеспячэння навучання дзяцей па-беларуску. Пра гэта гаворыцца ў звароце, прынятым ў Менску 29 красавіка на пасяджэнні кіраўніцтва ТБМ. Яго аўтары звяртаюць увагу на тое, што пасля рэферэндуму 1996 г. і адпаведных зменаў у Канстытуцыі і Законе аб мовах прыйшла ў заняпад сістэма бесперапыннай беларускамоўнай адукацыі ў Беларусі.
Сродкі навучання на аснове лічбавай лабараторыі па фізіцы “Архімед” 
Даслаў Аляксандр Сядзяка (СШ №30 г. Мінска) на конкурс «Адукацыя для свабоды. Ноўтбук актыўнаму настаўніку».
Прапанаваны комплекс лічбавых сродкаў навучання мае тры ўзроўні ўжывання:
- дэманстрацыйны: вучань на ўроку бачыць адначасова фізічную з’яву і матэматычную сувязь фізічных велічыняў у графічным выглядзе;
- лабараторны: скарыстаўшы атрыманыя графікі, вучань атрымлівае дакладны матэматычны выгляд фізічнага закону;
- даследчы: вучань сам эксперыментальным чынам шукае і ўстанаўлівае фізічныя заканамернасці прыродных з’яў.
27 красавіка – 1 мая
«Фэст экскурсаводаў» разлічаны перш за ўсё на тых людзей, што кожны дзень, ідучы на працу ці заняткі, праходзяць міма унікальных помнікаў архітэктуры і нават не здагадваюцца пра гэта.
Экскурсіі ў гэтыя дні правядуць як прафесійныя экскурсаводы, так і выкладчыкі гісторыі, краязнаўцы, настаўнікі. Яны падзеляцца сваімі ведамі з усімі, хто неабыякавы да гісторыі свайго дома, вуліцы і горада.