Архіў навін

Конкурс адукацыйных выданняў

Рэспубліканскае грамадскае аб’яднанне “Таварыства беларускай школы” з мэтай пашырэння выпуску газет і часопісаў, якія выхоўваюць грамадзянскія пачуцці, праводзіць конкурс адукацыйных друкаваных выданняў. У ім могуць прымаць удзел газеты, часопісы і інш., што выпускаюцца пераважна па-беларуску як у адукацыйных установах (школах, факультэтах і г.д.), апрача афіцыйных газет у сярэдніх спецыяльных установах і ВНУ, так і незалежна ад іх. Выданні павінны быць асветнай тэматыкі (адукацыйныя, краязнаўчыя і г.д.), якія скіраваны на выхаванне грамадзянскіх пачуццяў, нацыянальнай свядомасці. На адрас аргкамітэта конкурса (220029 Мінск-29, а/с 64) дасылаецца (ці даносіцца) да 20 сакавіка не менш за два нумары, пажадана разам з кароткай прэзентацыяй выдання, выкананай ў электронным варыянце, аб’ёмам да адной старонкі А4, шрыфт 19 пунктаў, якая можа быць выкарыстана ў часопісе “Летапіс ТБШ”. У прэзентацыі – сціслы расповед пра газету, брашуру, асобныя матэрыялы, фотаздымкі.

Журы ТБШ у красавіку 2009 г. ганаруе дыпломамі ўсе годныя выданні і вызначыць з іх тры пераможцы, якія будуць асобна адзначаны. Тэл. для даведак 8029–7520821.

Літаратурная імпрэза ў дзіцячай бібліятэцы

Гурток журналістыкі Установы “Палац пазашкольнай работы “Золак”, дзіцячая бібліятэка № 14 запрашаюць на літаратурна-музычную імпрэзу з удзелам перакладчыцы Марыі Мартысевіч, паэта Усевалада Сьцебуракі, бардаў Паўла Кузіча і Вілена Клімкіна.

Сустрэча адбудзецца 18 лютага а 16-й гадзіне ў памяшканні дз. бібліятэкі № 14 па адрасе вул. Варвашэні, 11.

Уваход вольны.


Праезд:

ад ст.м. “Аўтазаводская” аўт. №22 да прыпынку “Магазін”:)

ад ст.м. “Магілёўская” пешшу.

Кантакты: 8–029-619–80–53 (Аля).

Паводле budzma.org

Конкурс стыпендый Каледжаў міжнароднай супольнасці

Адборачная камісія Камітэту Каледжаў міжнароднай супольнасці праводзіць чарговы конкурс на атрыманне стыпендый для навучання з 2009/10 н. г. ў наступных каледжах:

Міжнародны Адрыятычны каледж у Італіі (United World College of the Adriatic);

Паўночны міжнародны каледж Чырвонага крыжа ў Нарвегіі (Red Cross Nordic United World College).

Навучанне ў Каледжах міжнароднай супольнасці (United World Colleges, UWC) вядзецца па сістэме Міжнароднага бакалаўрэата (International Bacalaureat Organization, IBO), на англійскай мове, тэрмін навучання – 2 гады. Па выніках навучання праводзіцца экзамен на атрыманне дыплому, які дае магчымасць працягнуць навучанне ва ўніверсітэтах большасці краін свету.

Да ўдзелу ў конкурсе запрашаюцца навучэнцы, якія будуць мець узрост 16 – 17 год на 1 верасня 2009 г. Конкурс праводзіцца ў 2 туры. На І-ы тур удзельнікам конкурсу неабходна даслаць заявы, дакументы і эсэ на тэму «Школа маёй мары» да 27 сакавіка 2009 г. на электронны адрас uwcblr@gmail.com

Падрабязную абвестку і прыклад эсэ гл. на http://svetlahorsk.belarda.org/index.php?ent=6

Традыцыі беларускай педагогікі
Беларуская зямля дала свету шмат выдатных педагогаў. Найвядомейшы з іх – ураджэнец Оршы Леў Выгоцкі, тэорыя якога склала аснову вядомай кожнаму настаўніку сістэмы развіццёвага навучання Эльконіна-Давыдава. Але не ўсе ведаюць, што ў 1970-я гг. тэорыі Выгоцкага сталі выклікаць цікавасць у амерыканскіх псіхалагаў. У наступнае дзесяцігоддзе ўсе асноўныя працы Выгоцкага былі перакладзеныя і леглі, разам з працамі Жана Піяжэ, у аснову сучаснай адукацыйнай псіхалогіі ЗША.
А зусім нядаўна адкрылася, што вядомы кампазітар і палітычны дзяяч Міхал Агінскі таксама валодаў педагагічным талентам. Прапануем пачытаць ліст кампазітара да свайго сына, калі той выпраўляў яго вучыцца з Залесся ў Італію. Парады бацькі будучаму студэнту напачатку XIX стагоддзя не страцілі актуальнасці дагэтуль.

/