Данута Стэрна: Каментары да новага навучальнага года з АА

Нагадваем, што сёлетні набор на курсы дыстанцыйнага навучання «Актыўная ацэнка» доўжыцца да 27 верасня!

Ці методыка Актыўнай ацэнкі дзейсная толькі падчас працы са слабымі вучнямі? Ці «НаШтоБуЗУ» абмяжоўвае мысленне дзяцей і іх крэатыўнасць? Гэтыя сумневы і выклікі актыўнай ацэнкі каментуе эксперт Цэнтра грамадзянскай адукацыі Данута Стэрна:

Падчас працы з вучнямі па методыцы актыўнай ацэнкі, сапраўды, прасцей заўважыць вынікі слабейшых вучняў. Так адбываецца таму, што паспяховаць гэтых вучняў знаходзіцца пад асаблівым наглядам настаўнікаў і бацькоў, а значыць, і вынікі заўважыць прасцей. Аднак, актыўная ацэнка – гэта такая стратэгія навучання, якая спрашчае вучням атрыманне ведаў і адкрыванне новых рашэнняў. Стымуляцыя вучня з’яўляецца роляй настаўніка. Актыўная ацэнка эфектыўная ў працы з кожным вучнем. Настаўнікам, якія баяцца абмежавання мацнейшых вучняў, я б прапанавала прымяненне некалькіх тэхнік, якія дапамагаюць у працы з вучнямі рознага узроўня падрыхтоўкі:

1. Паспрабуйце паставіць мэты ўрока разам з вучнямі так, каб сярод іх знайшліся мэты, адпаведныя для розных вучняў. Вы можаце на аснове мэтаў папрасіць вучняў прапанаваць «НаШтоБуЗУ».

2. Пастарайцеся дыферэнцыяваць «НаШтоБуЗУ» пад розныя мэты і магчымасці розных вучняў. Гэты можа быць базавае і паглыбленнае «НаШтоБуЗУ» .

3. У працы з вучнямі, якія добра спраўляюцца з навукай, трэба звярнуць асаблівую ўвагу на чацвёрты пункт зваротнай сувязі, каторы змяшчае падказкі, у якім кірунку вучань павінен развівацца далей (што ён можа дадаткова прачытаць альбо выканаць, як ён можа паглыбіць свае веды і дзе можа шукаць натхненне).

4. Уключыце больш паспяховых вучняў ў сяброўскую дапамогу. Супольная праца са слабейшымі вучнямі не толькі замацоўвае веды, але і дапамагае паглядзець на дадзеную тэму з іншай перспектывы, дапамагае развівацца і адным, і другім. Вядома, што найлепей чалавек вучыцца, калі тлумачыць нешта іншаму.

5. Задаючы дамашнюю работу, памятайце аб дыферынцыяванні заданняў і пакідайце магчымасць выбару. Гэтак кожны вучань будзе мець магчымасць выбраць заданне, адпаведнае ягоным здольнасцям і інтарэсам. Даванне вучням магчымасці выбару – лек ад розных настаўніцкіх балячак. Ён датычыць не толькі дамашняй работы, але і планавання ўрока з варыянтамі.

Мы заахвочваем вас дзяліцца настаўніцкімі думкамі на гэтую тэму. Настаўнікі з Польшчы з радасцю даведаюцца, як беларусы пераадольваюць гэтыя цяжкасці.

Зычу ўсім вучням і настаўнікам Беларусі плённай працы ў новым навучальным годзе!

Данута Стэрна.