Архіў навін

Летняя крэатыўная школа
Kaospilot – адна з самых вядомых крэатыўных школ Даніі запрашае прыняць удзел у летняй школе, якая адбудзецца 20–25 жніўня 2007 года ў Вільні.
Kaospilot School прапаноўвае альтэрнатыўную адукацыю ў галіне сацыяльнага і інавацыйнага мэнэджмэнту з мэтай  навучыць прадпрымальнікаў і сацыяльных інаватараў творча і паспяхова рэалізоўваць свае ідэі. Адукацыйны мэтад  палягае на ідэі таго, што толькі той, хто ў стане эфектыўна арганізаваць сваю ўласную дзейнасць, здольны быць лідэрам для іншых.
Ранейшыя выпускнікі школы здзейснілі унікальныя сацыяльныя праекты ў Даніі, Сэрбіі, Кубе і іншых краінах. 
Удзельнікамі летняй школы могуць стаць дзве асобы з кожнай арганізацыі / ініцыятыўнай групы, адзін з гэтых двух мусіць свабодна пісаць і размаўляць па-ангельску.
Для ўдзелу ў школе вам трэба мець праект ці ідэю будучага праекта, які вам дапамогуць рэалізаваць Kaospilot, а таксама запоўніць адну anketa на абодвух удзльнікаў і даслаць яе да 15 чэрвеня на англійскай мове на KaosPilots_school@yahoo.com. 
Падрабязнасці пра праект.

Курс семiнараў «Як рэкламаваць дзейнасць грамадскiх арганiзацыяў у СМІ".
Фундацыя «Новы стаў" (Люблiн, Польшча), пачынае курс адукацыйных семiнараў «Як рэкламаваць дзейнасць грамадскiх арганiзацыяў у сродках масавай iнфармацыi». Гэты праект будзе праводзiцца як цыкл навучальных заняткаў для прадстаўнiкоў няўрадавых арганiзацый з заходняй Беларусi. Плануецца ўдзел 15 чалавек з Берасцейскай, Гарадзенскай i Мінскай (За выключэннем Мінска) абласцей.
Заняткi адбудуцца ў канцы чэрвеня-пачатку лiпеня 2007 года, у Насутове непадалёк ад Люблiна.
Заяўкі прымаюцца да 12–00 10 чэрвеня 2007г. Вынiкi адбору стануць вядомыя 13 чэрвеня 2007г. >>>

Раздаткі праверачных работ па курсу анатоміі (9 клас)
Аўтары даслалі свае напрацоўкі з наступным суправаджэннем:
«З задавальненнем чытаем разам з жонкай ваш сайт.  Сёння зпампавлі тэсты па біялогіі, мы ўдзячны аўтару за такую магчымасць. Мы таксама хочам прапанаваць настаўнікам, асабліва якія працуюць у 9 класе ў беларускамоўных школах, свае напрацоўкі праверачных работ па курсу анатоміі. Спадзяемся што яны будуць карыснымі для практыкаў і зменшаць час на падрыхтоўку самастойных і кантрольных работ.
З павагай і надзеяй на супрацу,
Алена Ясевіч, настаўнік біялогіі УА «гімназія №4 г.Смаргонь»
Аляксандр Ясевіч, кіраўнік гуртка «Тэарытычныя асновы біялогіі" УА «СРЦТДМ».

Камплект матэрыялаў утрымлівае:
Раздаткі
- Трох кантрольных работ з курсу анатоміі;
- Чатырох самастойных работ па тэмах: “Страваванне”, “Выдзяляльная сістэма”, «Дыханне», «Крывяносная сістэма»;
-  Прыкладнае тэматычнае планаванне: Біялогія 9 клас ( 51 гадзіна, 2/1 г у тыдзень)
Спампаваць камплект матэрыялаў

Агляд адукацыйных навінаў за тыдзень
- У ЕГУ змогуць вучыцца не толькі беларусы. Студэнты з Украіны, Расеі й краінаў Эўропы атрымаюць мажлівасць платна навучацца ў Еўрапейскім гуманітарным універсітэце ў Вільнюсе. >>>
- Мінадукацыі: у Беларусі 35 тысяч дзяцей знаходзяцца ў сацыяльна небяспечным стане. 10 тысяч чалавек (з 12 500) не пакрываюць выдаткі на ўтрыманне дзяцей >>>
- У Брэсце падпісана дамова аб супрацоўніцтве паміж Брэсцкім дзяржаўным тэхнічным універсітэтам (БрДТУ) і Хух-Хотоскім прафесійным інстытутам (Кітай). >>>
- За 4 гады ў Беларусі будуць закрытыя 353 школы. Гэта звязана з тым, што да 2011 года колькасць навучэнцаў сярэдніх школ скараціцца да 1 мільёна чалавек. Такімі звесткамі падчас падзяліўся міністр адукацыі Аляксандр Радзькоў, прадстаўляючы праграму агульнай і сярэдняй адукацыі на 2007 – 2016 гады. >>>
- У Лондане прайшла нарада міністраў, адказных за вышэйшую адукацыю, з 45 краінаў Еўропы. Яны абмяркуюць ход Балонскага працэсу, мэта якога — стварыць агульнаеўрапейскую прастору вышэйшай адукацыі да 2010 г. >>>
- У Беларусі змяншаецца колькасць дзяцей >>>
- Дакументаліст Віктар Корзун прадставіў  сваю новую стужку «Беларускі фронт, альбо размовы пра мову». Фільм неаднаразова выклікаў воплескі. Карціна руйнуе плаксівыя “моўныя” стэрэатыпы і сведчыць пра трываласць беларускай нацыі. Фільм можна набыць ў традыцыйных месцах распаўсюду >>>
 – Група бацькоў вучняў 4-га «А» класа адной з школ Партызанскага раёна г. Мінска падалі заяву ў гарвыканкам на правядзенне пікету.  Праблема складаецца ў тым, што ўжо чатыры гады адзін вучань тэрарызуе не толькі аднакласнікаў і ўсю школу, але і ўвесь мікрараён. >>>
- Дзе шукаць недзяржаўны летнік?  Што рабіць, калі вы не хочаце адправіць сваё дзіця ў стандартны летнік ад прадпрыемства, ведамства ці БРСМ? Дзе шукаць летнік, дзе з вашым дзіцём будуць размаўляць па-беларуску? >>>
- Вучняў не трэба заахвочваць, каб падымалі руку, калі хочуць адказаць на ўроку, бо гэта можа шкодзіць нясмелым дзецям — рэкамэндавала ў пятніцу брытанскае адукацыйнае ведамства. >>>