Архіў навін
Набор у завочную Школу маладога журналіста
Гарадзенскае грамадскае аб’яднанне “Цэнтр “Трэці сектар” абвяшчае новы набор на дыстанцыйнае навучанне ў Школе маладога журналіста для жыхароў Гарадзенскай вобласці.
Да ўдзелу запрашаюцца хлопцы і дзяўчаты ад 16 год, якія спрабуюць пісаць, альбо толькі хочуць паспрабаваць сябе ў журналістыцы; ня маюць магчымасці рэгулярна наведаваць заняткі, але згодныя вучыцца праз інтэрнэт і прыязджаць на кансультацыі.
Заявы прымаюцца да 10 красавіка.
Першая сустрэча ладзіцца ў Гродне 19 красавіка.
Больш падрабязную інфармацыю, анкеты ўдзельнікаў можна атрымаць, звярнуўшыся на электронную пошту trecisektar@yahoo.com. Кансультацыі – па тэлефонах 784 32 21, альбо (0152) 75–71–72.
Паводле «Кроніка грамадзкага жыцьця Гарадзеншчыны»
Новы нумар «Кутка настаўніка»
У чарговым выпуску бюлетэня «Адукацыйнага цэнтра «ПОСТ"" разглядаюцца пытанні рэалізацыі стратэгіі ўстойлівага развіцця ў школе, фармавання грамадзянскіх кампетэнцый у вучняў, распавядаецца пра Асацыяцыю беларускіх гайдаў, прапануецца іншая цікавая інфармацыя.
Спампаваць бюлетэнь (pdf, 877 КБ)
Якімі кампетэнцыямі павінны валодаць трэнер нефармальных адукацыйных праграм у галіне правоў чалавека? Адказ на гэтае пытанне з апорай на досвед грамадскага аб'яднання маладых навукоўцаў «ВІТ» прапануе Сяргей Салей.
Паводле wgcre.net
Кампетэнцыі трэнера адукацыйных праграм у галіне правоў чалавека
Якімі кампетэнцыямі павінны валодаць трэнер нефармальных адукацыйных праграм у галіне правоў чалавека? Адказ на гэтае пытанне з апорай на досвед грамадскага аб'яднання маладых навукоўцаў «ВІТ» прапануе Сяргей Салей.
Паводле wgcre.net
Валантэрства для еўрапейскай культурнай спадчыны
Фонд Баторага сумесна з нямецкім фондам «Памяць, адказнасць і будучыня» запрашае няўрадавыя арганізацыі з Польшчы, Літвы і Украіны, якія дзейнічаюць у галіне абароны помнікаў архітэктуры і культурнай спадчыны, і якія маюць досвед працы з валантэрамі альбо моладдзю, падаваць заяўкі на атрыманне грантаў у межах конкурсу «Мэморыя. Валантэрства для еўрапейскай культурнай спадчыны» («Memoria. Wolontariat dla europejskiego dziedzictwa kulturowego»). Беларускія арганізацыі могуць прымаць удзел толькі ў якасці партнераў арганізацыяў з пералічаных вышэй краінаў. Заяўкі падаюцца на польскай альбо нямецкай мовах.
Апошні тэрмін падачы заявак: 31 сакавіка 2008 году.
Падрабязную інфармацыю чытайце на сайце http://rus.ngo.pl/strona/331808.html
Паводле рассылкі belngo.info
Далучайцеся да конкурсу артыкулаў і нататак
Ідзе апошні тыдзень конкурсу артыкулаў і нататак для сайта «Адукацыя і асвета ў галіне правоў дзяцей і моладзі".
Падрабязнасці глядзіце на сайце: http://wgcre.net/?cat=13
Праект для журналістаў і блогераў
Праект накіраваны на падтрымку беларускіх блогераў і журналістаў. Ён дае магчымасьць падвысіць свой прафесійны ўзровень праз семінары ды стажыроўкі за мяжой у партнерскіх выданнях; пашырэння чытальніцкае аўдыторыі рэгіянальных навінаў; пашырэння чытальнасці беларускіх навінаў на Захадзе праз публікацыю ў партнерскіх выданнях.
Паводле рассылкі belngo.info
Навучанне еўрапейскаму супрацоўніцтву ў Галандскім універсітэце
MATRA прымае заяўкі на стыпендыю для навучання еўрапейскаму супрацоўніцтву ў Галандскім універсітэце Твэнтэ ў Школе Менеджменту і Кіравання па спецыяльнасці «Дзяржаўная адміністрацыя». Працягласць навучання 2 гады. Стыпэндыя цалкам пакрывае выдаткі для студэнтаў з Беларусі. Студэнты мусяць мець ступень бакалаўра грамадскай адміністрацыі альбо ў набліжанай галіне сацыяльных навук, мець сярэдні бал 6,5 у тэсьце IELTS і быць маладзейшымі за 35 гадоў.
Апошні тэрмін падачы заявак: 1 чэрвеня 2008 году.
Дадатковая інфармацыя: http://pa.graduate.utwente.nl/tracks/pgm/,
www.cross-agency.nl
Паводле рассылкі belngo.info
Валантэрская праграма ў Германіі
Фонд Марыян Дзьёнхофф (der Marion-Dönhoff-Stiftung) запрашае да ўдзелу ў шасцімесячнай валантэрскай праграме, якая прадугледжвае працу ў грамадскіх арганізацыях Бэрліна.
Валантэры, якія пройдуць конкурсны адбор, атрымаюць стыпендыю і магчымасць прайсці курс навучання, які пазнаёміць іх з рознымі аспектамі жыцця Германіі, яе палітыкай, грамадствам і культурай.
Патрабаванні да ўдзельнікаў: грамадзянства Беларусі, Украіны альбо Расіі; вольнае валоданне нямецкай мовай; занятасць у сацыяльнай сферы.
Апошні тэрмін падачы заявак – 31 сакавіка.
Заяўкі дасылайце на эл. адрас susanne.konschak@austausch.org.
я інфармацыя – па тэлефоне: +49 (0)30 44 66 80 27.
Паводле «Кроніка грамадзкага жыцьця Гарадзеншчыны»
“МедыяБарКэмп” у Літве
6–8 чэрвеня Шведскі міжнародны ліберальны цэнтр ладзіць у Літве “МедыяБарКэмп”.
Да ўдзелу запрашаюцца ўсе зацікаўленыя блогеры, кліпмэйкеры, падкастары, актыўныя карыстальнікі інтэрнэту.
Праграма будзе фармавацца з прэзентацый і выступаў удзельнікаў. Асноўная мэта – стымуляванне развіцця новых медыяпраектаў у Беларусі і суседніх краінах.
Асаблівая ўвага надаецца медыяпраектам, якія прадстаўляюць пункт гледжання пэўнай групы (не тэлеканалам і радыёстанцыям, а людзям), удзельнікам, якія маюць досвед працы з сучаснымі медыя-тэхналёгіямі і маюць што сказаць.
Дадатковая інфармацыя, узор заяўкі – на вэб-старонцы: www.mediabarcamp.com.
З пытаннямі звяртайцеся на эл. адрас mediabarcamp@gmail.com
Паводле «Кроніка грамадзкага жыцьця Гарадзеншчыны»