У Расіі адбудзецца сапраўдная рэформа адукацыі.

Расійская адукацыя набліжаецца да цывілізаваных краінаў.
У Расіі да 2013 года адбудзецца сапраўдная рэформа адукацыі: фінансаванне школаў будзе залежыць ад таго, колькі вучняў захочуць там вучыцца.
Школы ва ўсіх расійскіх рэгіёнах да канца 2012 гады павінны перайсці на «нарматыўна-падушавое» фінансаванне, калі «грошы ідуць за вучнем», а зарплата настаўнікаў павінна разлічвацца ў адпаведнасці з новымі сістэмамі аплаты працы, заявіў у пятніцу кіраўнік Міністэрства адукацыі і навукі РФ Андрэй Фурсенка.
«Для ўсіх рэгіёнаў сёння пастаўленыя выразныя рэалістычныя тэрміны для завяршэння пераходу на нарматыўна-падушавое фінансаванне – тры гады», – сказаў Фурсенка, выступаючы на паседжанні прэзідыўма савета пры прэзідэнце РФ па рэалізацыі прыярытэтных нацыянальных праектаў і дэмаграфічнай палітыкі ў Цюмені.
На яго думку, нарматыў павінен усталёўвацца не толькі для ўстановы, але і для кожнага дзіцяці, з улікам яго спецыфічных патрабаванняў, у прыватнасці, для дзяцей з абмежаванымі магчымасцямі здароўя. «Нарматыў для іх павінен вытрымлівацца, нават калі гэтае дзіця захоча вучыцца не ў спецыялізаванай установе, а ў звычайнай школе», – растлумачыў Фурсенка.
Ён таксама адзначыў, што сродкі павінны даходзіць да школ у поўным аб'ёме, практыка пераразмеркавання сродкаў паміж моцнымі і слабымі школамі павінна быць ліквідаваная. Фурсенка зазначыў, што паспяховы пераход на нарматыўна-падушавое фінансаванне не магчымы без паўнавартаснай фінансава-гаспадарчай самастойнасці школ.
Міністр лічыць, што школа павінна сама распараджацца сродкамі з удзелам школьных Саветаў. «У гэтым выпадку важна, каб бухгалтар падпарадкоўваўся не заснавальніку, не муніцыпалітэту, а дырэктару школы», – адзначыў Фурсенка. Ён паведаміў, што міністэрства на федэральным узроўні адмяніла ўсе тыпавыя штатныя расклады для школ. «Мы лічым, што тое ж самае павінна быць зроблена ў кожным рэгіёне і муніцыпалітэце. Тыпавыя штатныя расклады супярэчаць як заканадаўству, так і задачы пашырэння самастойнасці школ», – падкрэсліў Фурсенка. Па яго словам, школа сама павінна вырашаць, які штатны расклад для яе аптымальны. «А пытаць мы павінны са школы за вынік», – дадаў ён.
Наступным крокам стане ўвяденне ў дзеянне закона аб удасканаленні прававога становішча дзяржаўных муніцыпальных устаноў, паведаміў міністр. «Школа зможа атрымоўваць фінансаванне без разбіўкі па артыкулах выдаткаў, а такім чынам, выкарыстаць іх больш гнутка і эфектыўна», – сказаў Фурсенка.
Паводле сайта Новости мира образования