Архіў навін
Конкурс эсэ для старшакласнікаў “Абяры сваю будучыню” – 2008
Вышэйшая школа камерцыі і права імя Лазарскага ў Варшаве, ВШЛ (Wyzszа Szkolа Handlu i Prawa im. Ryszarda Lazarskiego, WSHiP; Lazarski School of Commerce and Law, LSC) праводзіць конкурс эсэ для вучняў. У конкурсе могуць браць удзел вучні старэйшых класаў агульнаадукацыйных школаў, ліцэяў, гімназіяў і іншых навучальных установаў, што даюць поўную сярэднюю адукацыю, у тым ліку з Беларусі.
У гэтым годзе Лазарскі прапануе удзельнікам конкурсу паразважаць над вельмі важнай і цікавай грамадскай з’явай – фармаваннем грамадскай думкі.
Ад вучняў з Беларусі да ўдзелу ў конкурсе прымаюцца эсэ на беларускай,
англійскай ці польскай мовах. Вучні 11-х класаў, зацікаўленыя ў атрыманні
зніжкі на англамоўную адукацыю ў LSC, павінны пісаць эсэ па-англійску.
Ацэньвацца будзе выключна змест эсэ, таму выбар мовы з прапанаваных да ўдзелу ў конкурсе не будзе ніякім чынам уплываць на вынікі конкурсу.
Пераможцы конкурсу атрымаюць ўзнагароды, у тым ліку права на зніжку аплаты для навучання ў ВШЛ.
Падрабязная абвестка, дадатковая інфармацыя і прыклад эсэ мінулага году:
http://svetlahorsk.belarda.org/info/abviestki/
Тэрмін прыёму працаў: да 10 сакавіка 2008
Конкурс анімацыйных сюжэтаў «Ні згубіцца, ні знікнуць мне не дазволіў...»
Конкурс ладзіцца ў межах праекта «Адкрыты свет інфармацыйных тэхналогій» пры фінансавай падтрымцы Праграмы падвышэння камп'ютэрнай пісьменнасці кампаніі Microsoft. Мэты конкурсу: адлюстраванне ролі падзеяў альбо дзейнасці людзей, якія дапамаглі пераадолець складаную жыццёвую сітуацыю альбо рэалізавацца ў прыватным альбо прафесійным плане.
Праграма для моладзі “Гісторыя Беларусі і грамадзянская адукацыя”
Грамадскае аб'яднанне «Адукацыйны цэнтр «ПОСТ» запрашае да ўдзелу ў семінары для моладзі і студэнцтва “Гісторыя Беларусі і грамадзянская адукацыя моладзі”, які адбудзецца недалёка ад г. Мінска 1–3 лютага 2008 г.
Семінар будзе ўключаць працу над наступнымі тэмамі:
- Гісторыя і трагедыя Другой сусветнай вайны на тэрыторыі Беларусі як тэма для грамадзянскай адукацыі моладзі;
– Вайна як выклік для мірнага насельніцтва, прыклады грамадзянскай мужнасці падчас акупацыі;
- Моладзь і памяць аб Другой сусветнай вайне, міфы ў мінулым і сучаснасці;
– Супраціў антычалавечым і антыдэмакратычным дзеянням учора і сёння.
Гэты семінар з'яўляецца першым этапам моладзевай праграмы ГА «Адукацыйны цэнтр «ПОСТ», запланаванай на 2008 год у супрацоўніцтве з партнёрамі з Літвы, Нарвегіі, Нямеччыны і Ізраіля.
Выказаць сваю цікавасць да ўдзелу ў праграме альбо атрымаць дадатковую інфармацыю можна, звязаўшыся з каардынатарам праграмы Аляксандрам Каралевічам.
Тэл./факс: +375 17 298 16 59, +375 17 269 90 34
Маб. тэл. +375 29 6532531,
Эл. пошта: center_post@tut.by
Праграма падтрымкі структур дапамогі інвалідам
Нямецкі фонд дапамогі інвалідам “Акцыя – Чалавек” ладзіць праграму падтрымкі стварэння і развіцця базавых структур у Цэнтральнай, Усходняй і Паўднёва-Усходняй Еўропе.
Мэта праграмы: падтрымка праектаў, накіраваных на рэальнае паляпшэнне умоваў жыцця людзей з абмежаванымі магчымасцямі і асаблівымі сацыяльнымі складанасцямі.
Заяўкі прымаюцца ад недзяржаўных арганізацый Нямеччыны ў партнэрстве з арганізацыямі ці групамі з іншых краін, у тым ліку Беларусі.
Дзень Адчыненых Дзвярэй Амерыканскага Цэнтра
29 студзеня 2008 году ў 16.00 адбудзецца «Дзень Адчыненых Дзвярэй Амерыканскага Цэнтра: праекты, магчымасці, кірункі дзейнасці" па адрасе пр. Незалежнасці 169 (былы пр. Ф. Скарыны), каб. 512 (паўднёвае крыло). Калі ласка, пацвердзіце свой удзел па тэлефоне 218–12–64 або электроннай пошце advising@amcenter.by
Лаўрэатамі конкурсу па Мінску і Мінскай вобласці сталі 6 настаўнікаў:
Юрый Міхайлавіч Бандарэнка, дырэктар Мінскай беларускай нацыянальнай гімназіі №4, настаўнік фізікі, аўтар дапаможнікаў для школы;
Уладзімір Кірылавіч Мартысюк, настаўнік матэматыкі СШ №168 г. Мінска;
Міхась Аляксандравіч Тычына, выкладчык літаратуры Беларускага гуманітарнага ліцэя імя. Я.
Чарговы выпуск бюлетэня «Куток настаўніка»
Адукацыйны цэнтр «ПОСТ» прапануе вам новы выпуск электроннага інфармацыйна-метадычнага бюлетэня. У новым нумары разглядаюцца пытанні выхавання грамадзянскасці ў школьнікаў, методыка вывучэння гісторыі і структуры Еўрапейскага Саюза, і іншая карысная інфармацыя.
Спампаваць бюлетэнь (pdf, 662 КБ)
Беларускае пяціборства-VII – прыемнае і сумнае…
Міхась Булавацкі
На пачатку года ў Магілёве праведзена “Беларускае пяціборства-VII” – спаборніцтва для старшакласнікаў, схільных да матэматыкі, на веданне імі гісторыі сваёй краіны, яе мовы і літаратуры. Тым самым найбольш здольныя навучэнцы могуць вызначыць (найперш для сябе!) узровень іх агульнай адукацыі, адукацыі, якая не толькі дазволіць ім засвоіць тую ці іншую спецыяльнасць, але й дапаможа стаць гарманічна развітым чалавекам, свядомым грамадзянінам сваёй краіны. Апошняму школьная сістэма сучаснай Беларусі не надае дастатковай увагі, што сведчыць аб неразумнасці сённяшняга дзяржаўнага ўладкавання.
Чарговы нумар інфармацыйна-метадычнага бюлетэня для настаўнікаў
студзень 2008
Кароткі змест бюлетэня:
- «Што было? Што будзе?..»; навагодні роздум пра асноўныя адукацыйныя падзеі мінулага года;
- Як праводзілі рэформу адукацыі ў былой ГДР – інтэрв'ю з доктарам Гельмутам Габэрлантам;
- За што судзяць настаўніцу, якую намінавалі на званне «Беларускі настаўнік года»
- Адукацыйныя і метадычныя навіны.
Бюлетэнь цалкам можна спампаваць тут (PDF, 352 KB)