Архіў навін
«У нешчаслівага настаўніка не можа быць шчаслівых вучняў"
Новы навучальны год стартаваў з добрай навіны — усім педагогам абяцаюць падняць заработную плату. Прычым размова ідзе не пра сімвалічнае павышэнне заробкаў. Нарэшце галасы настаўнікаў, прафсаюзных лідараў і прадстаўнікоў галоўнага адукацыйнага ведамства былі пачутыя – піша газета Звязда, якая апошнімі месяцамі вяла на сваіх старонках дыскусію пра незайздросны стан беларускага настаўніка.
Ці сапраўды - свайго інтэрнэт-форуму ў беларускіх настаўнікаў няма? Чаму менавіта сайт «Звязды» пераўтварыўся ў стыхійны форум, дзе настаўнікі дзяліліся адно з адным праблемамі і спосабамі свайго «выжывання» ў школе?
Мы не ведаем, сябры. Пэўна, беларускі настаўнік не мае ўмення і жадання "марнаваць час" на інтэрнэт-пляцоўках. Пэўна, "сталая гвардыя" давярае толькі органам афіцыйнага друку. Пэўна, раней «не дужа пякло»...
Мы гатовы разам з вамі шукаць адказы – на гэтае і іншыя пытанні. А цяпер прапануем поўны тэкст нашых калег са Звязды – да вашай увагі і вашага абмеркавання .
Ваш Nastaunik.info.
Чытаць болей / каментаваць
PowerPoint-прэзентацыя «Ганібал» ад Nastaunik.info
Прадмет: Сусветная гісторыя. Гісторыя Беларусі.
Клас: V клас, другое паўгоддзе.
Тэма: Заваяванне Рымам Міжземнамор'я. Вайна Рыма з Карфагенам (Пунічныя войны). Паход Ганібала на Рым. Вынікі Пунічных войнаў.
Прэзентацыя выканана Станіславай Літвінчук (Nastaunik.info) паводле: Ганібал.
PowerPoint-прэзентацыя «Ганібал» ад Nastaunik.infoПрадмет: Сусветная гісторыя. Гісторыя Беларусі.
Клас: V клас, другое паўгоддзе.
Тэма: Заваяванне Рымам Міжземнамор'я. Вайна Рыма з Карфагенам (Пунічныя войны). Паход Ганібала на Рым. Вынікі Пунічных войнаў.
Прэзентацыя выканана Станіславай Літвінчук (Nastaunik.info) паводле: Ганібал. Мн.: «Юнацтва», 1982 (ілюстрацыі – Пітэр Коналі; тэкст – Рут Томсан, пераклад – А.Міхальчук); сканаванне – Максім Чарняўскі.
...Ты прысядзеш на адбітую капітэль, заплюшчыўшы вочы, прыслухаешся да ветру, і мудры антычны вецер, які памятае велічны поступ сланоў Ганібала, пашле табе сапраўднае суцяшэнне. Ты раптам зразумееш, што Карфаген прайграў Рыму і ўрэшце загінуў менавіта таму, што не меў такой дробязі, як карфагенскія пісьменнікі. Значыцца, яшчэ не ўсё страчана. (Уладзімір Арлоў)
Спампаваць прэзентацыю (2,98 Мб)
Раскаштаваная-ўпадабаная мінчукамі і гасцямі Вечарына шляхецкіх танцаў адбудзецца сёння!
Натхнёная першавераснёўскай лінейкай у беларускамоўнай гімназіі, дызайнер Вольга Кузьміч намалявала цудоўны беларускі РАСКЛАД ЗАНЯТКАЎ.
«Для маладых бацькоў у Беларусі не ў навінку самастойна рабіць размалёўкі, мапы ды іншыя дзіцячыя матэрыялы па-беларуску, бо ў краме не шмат знойдзеш.
Натхнёная першавераснёўскай лінейкай у беларускамоўнай гімназіі, дызайнер Вольга Кузьміч намалявала цудоўны беларускі РАСКЛАД ЗАНЯТКАЎ.
«Для маладых бацькоў у Беларусі не ў навінку самастойна рабіць размалёўкі, мапы ды іншыя дзіцячыя матэрыялы па-беларуску, бо ў краме не шмат знойдзеш. Вось і я зрабіла свой маленькі творчы ўнёсак у такую вялікую справу».
Замовіць выдрукаваны асобнік можна праз сайт Нашыя дзеткі – там сем’і разам друкуюць для сваіх малых. Калі ж Мінск далёка альбо ёсць магчымасць выдрукаваць самастойна – прапануем файлы для запампоўкі.
Спампаваць А3 (4,72 MB)
Спампаваць А4 (2,98 MB)
З 6 па 19 верасня
Адукацыйны інтэрнэт-кірмаш – выдатная магчымасць сустрэць у адным месцы прапановы ліцэйнага, магістэрскага, паслядыпломнага, доктарскага і MBA-навучання, моўных школ, вышэйшых курсаў і курсаў ад прадпрыемстваў, прапанаваныя заходняй суседкай - Польшчай.
На старонках Targiedukacyjne.Gazeta.pl i Uczsiejezykow.pl змешчаны прэзентацыі больш чым 140 вучэльняў, школ ды фірмаў з усёй Польшчы, дзякуючы якім можна пазнаёміцца з рознымі адукацыйнымі прапановамі, умовамі набору ды праграмамі навучання.
Таксама на старонках Кірмаша можна паўдзельнічаць у конкурсах з узнагародамі.
ПЕРАПІС-2009: ДЛЯ 60% БЕЛАРУСКАЯ МОВА – РОДНАЯ
Радыё Свабода
Параўнальна з мінулым перапісам колькасць насельніцтва скарацілася на 5,5%. Перапіс прайшоў у Беларусі 14–24 кастрычніка 2009 году. Ён каштаваў 21 мільярдаў рублёў.
У Беларусі жыве 9,504 мільёны чалавек.
Роднай мовай беларускую назвалі 60% насельніцтва кріаны. Дома на ёй размаўляе 30% насельніцтва. У часе мінулага перапісу (1999) роднай мовай беларускую назвалі 73,6%.
Чытаць болей / каментаваць
Апошні тэрмін падачы працаў: 30 верасня 2010 г.
Задзіночанне Беларускіх Студэнтаў абвесціла літаратурны конкурс "Зачаруй казкай".
Да ўдзелу запрашаюцца маладыя аматары слова, якія складаюць казкі на беларускай мове.
Каб прыняць удзел, неабходна даслаць свай твор на электронны адрас: kazka2010@gmail.com.
Па выніках конкурсу будзе надрукаваны зборнік казак для дзяцей, а пераможца атрымае падарунак.
Навучальныя выданні на Адукацыйным партале
Да ўвагі настаўнікаў, навучэнцаў і бацькоў! На сайце Нацыянальнага інстытута адукацыі выкладзены першыя раздзелы беларускамоўных навучальных выданняў:
- Юхнель Н.В., Навумава А.Г. Англiйская мова. Вучэбны дапаможнiк для 7 класа агульнаадукацыйных устаноў з беларускай мовай навучання. стр. 1--63;
- Свiрыдзенка В.I. Беларуская мова. Ч.1. Вучэбны дапаможнiк для 2 класа агульнаадукацыйных устаноў з беларускай і рускай мовамі навучання. стр. 1--43;
- Будзько А.П., Урбановiч I.Ю. Нямецкая мова. Вучэбны дапаможнiк для 8 класа агульнаадукацыйных устаноў з беларускай мовай навучання. стр. 1--57;
- Лапiцкая Л.М., Дземчанка Н.В., Калiшэвiч А.I., Юхнель Н.В., Волкаў А.В., Сеўрукова Т.Ю. Англiйская мова. Вучэбны дапаможнiк для 8 класа агульнаадукацыйных устаноў з беларускай мовай навучання. стр. 1--69;
- Бельскi А.I., Цiтова Л.К. Беларуская лiтаратура. Вучэбны дапаможнiк для 6 класа агульнаадукацыйных устаноў з беларускай і рускай мовамі навучання. стр.1--67;
а таксама –
-ІНСТРУКЦЫЯ аб парадку фарміравання культуры вуснага і пісьмовага маўлення ў агульнаадукацыйных установах Рэспублікі Беларусь.