Архіў навін

Адкрытая канферэнцыя гарадзенскіх аматараў птушак

23 лютага Гарадзенскае абласное аддзяленне ГА “Ахова птушак Бацькаўшчыны” запрашае ўсіх ахвотных на адкрытую канферэнцыю АПБ.
Тут вы даведаецеся пра асаблівасці жыцця і ахову птушак ад вядучых арнітолагаў і аматараў назіранняў птушак з усёй Беларусі; першымі паглядзіце навукова-папулярны беларускі фільм “Сцежкай ваўка”, сустрэнецеся з яго рэжысёрам Ігарам Бышнёвым; возьмеце ўдзел у выбары найлепшых фотаздымкаў на абласной фотавыставе “Нашы птушкі-2007”, а таксама ў разнастайных спаборах і абмеркаваннях.

Асновы вучнёўскай даследчай працы па гісторыі

Праграма курса на выбар для вучняў 9 класа агульнаадукацыйных устаноў з 12-гадовым тэрмінам навучання, разлічаная на 17 гадзін (2 разы ў месяц на працягу года). Прадугледжваецца правядзенне практычных заняткаў. Пры планаванні навучальнага працэсу настаўнік мае права самастойна вызначаць колькасць гадзін на вывучэнне той ці іншай тэмы з улікам пазнавальных магчымасцей і інтарэсаў вучняў.

У дадатку да праграмы прыводзіцца прыкладная тэматыка даследчых прац вучняў 9 класа.

Самастойныя і кантрольныя работы па фізіцы

Складзеныя Юрыем Петуховым

7 клас:

Міні-праверачная работа па тэме «Раўнамерны і паступальны рух» (pdf, 34 КБ)

Міні-праверачная работа па тэме «Раўнанне раўнамернага руху» (pdf, 22 КБ)

Самастойная работа па тэме «Механічны рух» (pdf, 31 КБ)

Кантрольная работа па тэме «Механічны рух. Шчыльнасць» (pdf, 54 КБ)

Кантрольная работа па тэме «Рух і сілы» (pdf, 55 КБ)

Кантрольная работа па тэме «Ціск» (pdf, 65 КБ)

8 клас:

Міні-праверачная работа па тэме «Будова атама» (pdf, 27 КБ)

Кантрольна работа па тэме «Электрычны ток» (pdf, 46 КБ)

Таксама даступны архіў зыходнікаў матэрыялаў у фармаце .tex (zip, 9 КБ).

Дыстанцыйныя курсы Еўрапейскага гуманітарнага універсітэта

З 1 да 28 лютага 2008 года ў Еўрапейскім гуманітарным універсітэце (ЕГУ) даступная рэгістрацыя на курсы дыстанцыйнага навучання вясновага семестра 2007–08 навучальнага года. Для грамадзян і сталых рэзідэнтаў Беларусі навучанне на дыстанцыйных праграмах бясплатнае.


Для навучання ў дыстанцыйным фармаце ў вясновым семестры адкрыты 53 курсы па ўсіх кірунках навучання ва універсітэце: дызайн, медыя і камунікацыя, сучаснае мастацтва, турызм і рэкрэацыя, гісторыя Беларусі, паліталогія і еўрапейскія даследаванні, сацыяльная і палітычная філасофія, міжнароднае права. Выпускнікі дыстанцыйных курсаў атрымаюць пасведчанні і сертыфікаты ЕГУ, якія могуць быць улічаны пры паступленні на вочныя або завочныя бакалаўрскія праграмы ЕГУ або выкарыстаныя для падачы ў іншыя замежныя ВНУ, а таксама ў якасці пасведчання павышэння кваліфікацыі.


Навучанне ажыццяўляецца выключна праз Інтэрнэт; у адукацыйным працэсе выкарыстоўваюцца самыя сучасныя інфармацыйныя тэхналогіі і метады выкладання. Шэраг дысцыплін, такіх, як, напрыклад, «Геаграфія міжнароднага турызму і рэкрэацыі" або спецыяльная тэрміналогія па камунікатыўным дызайне, чытаюцца на замежных мовах: англійскай, нямецкай, французскай.


Падрабязная інфармацыя аб адукацыйных праграмах Еўрапейскага гуманітарнага універсітэта знаходзіцца на сайце ЕГУ па адрасе: www.ehu.lt.