Аўтар: Лілія Арыстава, настаўніца матэматыкі Рэчыцкага раённага ліцэю.
Слова ад аўтара
Каб зацікавіць старшакласніка чытаць газеты і абмяркоўваць артыкулы, вырашыла для сябе памяняць методыку падачы тэмы: вывучыла і стала карыстацца прыёмамі і метадамі медыяадукацыі.
Сёння старшакласнікі мала чытаюць газеты, усю інфармацыю можна знайсці ў сацыяльных медыя. Бацькі не выпісваюць газет. Вакол усё толькі і кажуць пра іх закрыццё. Ці можна абысціся без "папяровых" навін, ці лёгка журналістам пісаць і ці змогуць яны чымсьці іншым займацца? Адкуль бяруцца навіны ў сацыяльных сетках? На інфармацыйных гадзінах мы вырашылі адказаць на гэтыя лёгкія пытанні. Шукаем адказ ужо другі месяц.
Мэта інфармацыйнай гадзіны: вучні пазнаёмяцца з рубрыкамі газет, артыкуламі іх аўтарскімі назвамі, суаднясуць змест і загаловак, знойдуць, у чым адрозненне нацыянальнай, абласной газеты ад раённай.
Падрыхтоўка і абсталяванне : На дошцы дзве газеты (мясцовая і нацыянальная), на партах лісты. Настаўнік загадзя выразае артыкулы з газет і адразае загаловак ад артыкула. Гэтыя часткі ён прымацоўвае да розных лістоў паперы, каб у кожнага вучня аказаўся або артыкул без загалоўка, або загаловак без артыкула.
План класнай гадзіны.
- Настаўнік раздае ўсім навучэнцам класа лісткі паперы. На адных лістах замацаваны загалоўкі артыкулаў, а на іншых – часткі артыкулаў без загалоўка.
- Вучні выконваюць заданне: адны павінны напісаць некалькі сказаў, якія раскрываюць назву артыкула або здагадацца пра што гэты артыкул, другія чытаюць гатовы артыкул, вылучаюць галоўнае і спрабуюць даць яму загаловак.
- Настаўнік просіць размясціць на дошцы свой ліст з выкананым заданнем у той газеце, якой адпавядае змест і пракаментаваць свой выбар: чаму вырашылі размясціць яго ў мясцовай ці агульнанацыянальнай газеце.
- Вучні прэзентуюць свае матэрыялы.
- Настаўнік просіць вучняў знайсці і аб'яднаць загаловак і артыкул, прааналізаваць супадзенні і адрозненні.
- Падвядзенне вынікаў можна правесці вакол наступных пытаннях:
- функцыі рэгіянальнай і нацыянальнай прэсы;
- функцыя загалоўка;
- чаму па выходных у сацыяльных сетках таксама зацішша?
Практычнае ўвасабленне ў 11 “В” класе Рэчыцкага ліцэю.
Увага! Папярэдняя інфармацыйная гадзіна была ў форме сумоўя: уладальнік і рэдактар газеты набіралі артыкулы для рубрык. Рубрыкі абвяшчаліся раней, а вучні, маючы заказ, пра што пісаць, прэзентавалі сябе як журналісты.
Для аналізу былі выбраны газеты«Знамя Юности» і мясцовая "Дняпровец". Навучэнцы (журналісты) павінны былі размясціць артыкул на той частцы дошкі, для якой газеты ён быў напісаны.
Работы вучняў.
Вучні пішуць кароткі змест (ідэю) артыкула пад гатовым загалоўкам.
Вучні вылучылі галоўную думку і прыдумалі назву артыкула.
Параўнанне сваёй работы з арыгіналам. Аналіз супадзенняў і адрозненняў.
У класе быў адзін эксперт, які вывучыў абедзве газеты раней. Ён распавёў класу, што агульнага ў газет, чым яны адрозніваюцца: папера, рубрыкі, як падпісваюцца журналісты і г.д. Потым падказваў, хто правільна размясціў свой артыкул, а хто не.
Пры падвядзенні вынікаў вучні разглядзелі асноўныя падзеі і намецілі план на наступную інфармацыйную гадзіну.
