- Вучні ў Беларусі набралі ніжэйшы за сярэдні паказчык АЭСР у галіне чытання, матэматыкі і прыродазнаўства.
- У параўнанні з сярэднім паказчыкам АЭСР у Беларусі меншая доля вучняў паказала самы высокі ўзровень валодання (узровень 5 ці 6) па меншай меры ў адным прадмеце; у той жа час меншая доля вучняў дасягнулі мінімальнага ўзроўню ведаў (узровень 2 і вышэй) па меншай меры ў адным прадмеце.
Што вучні ведаюць і ўмеюць рабіць у галіне чытання
• У Беларусі 77% вучняў дасягнулі ўзроўню чытання як мінімум 2-га ўзроўню (у сярэднім па АЭСР: 77%). Як мінімум, гэтыя навучэнцы могуць ідэнтыфікаваць асноўную думку ў тэксце ўмеранай даўжыні, знайсці інфармацыю, заснаваную на відавочных, хаця часам і складаных крытэрыях, і могуць зрэагаваць на мэту і форму тэкстаў, калі ім яўна загадана гэта зрабіць.
• Каля 4% навучэнцаў Беларусі маюць высокія паказчыкі ў чытанні, гэта значыць, што яны дасягнулі ўзроўню 5 ці 6 у тэсце па чытацкай пісьменнасці PISA (у сярэднім па АЭСР: 9%). На гэтых узроўнях навучэнцы могуць засвоіць доўгія тэксты, апераваць абстрактнымі паняццямі або знаходзіць парушэнне логікі і выяўляюць адрозненні паміж фактам і меркаваннем, абапіраючыся на няяўныя падказкі, якія тычацца зместу альбо крыніцы інфармацыі.
У 20 сістэмах адукацыі, у тым ліку ў 15 краінах АЭСР, больш за 10% 15-гадовых навучэнцаў мелі высокія паказчыкі
Што вучні ведаюць і ўмеюць у матэматыцы
• Прыблізна 71% навучэнцаў Беларусі дасягнулі ўзроўню матэматыкі 2 і вышэй (у сярэднім па АЭСР: 76%). Як мінімум, гэтыя навучэнцы могуць інтэрпрэтаваць і распазнаваць без прамых інструкцый, як (простая) сітуацыя можа быць прадстаўлена матэматычна (напрыклад, параўнаць адлегласці пры наяўнасці двух розных маршрутаў, альбо палічыць грошы пры абмене з адной валюты ў іншую )
• У Беларусі 7% навучэнцаў набралі ўзровень 5 ці вышэйшы (у сярэднім па АЭСР: 11%).
Шэсць азіяцкіх краін і эканомік маюць найбольшую долю навучэнцаў, якія зрабілі гэта: Пекін, Шанхай, Цзянсу і Чжэцзян (Кітай) (44%), Сінгапур (37%), Ганконг (Кітай) (29%), Макао (Кітай)
(28%), Кітайскі Тайбэй (23%) і Карэя (21%). Гэтыя вучні могуць мадэляваць складаныя сітуацыі матэматычна і ў стане выбраць, параўнаць і ацаніць адпаведныя стратэгіі вырашэння праблем.
Што вучні ведаюць і могуць рабіць у навуцы (прыродазнаўчыя навукі)
• Каля 76% навучэнцаў у Беларусі дасягнулі 2-га ўзроўню і вышэй (у сярэднім па АЭСР: 78%).
Як мінімум, гэтыя навучэнцы могуць распазнаць правільнае тлумачэнне знаёмых навуковых з'яў і могуць выкарыстоўваць такія веды, каб зрабіць у простых выпадках на падставе дадзеных дакладная высновы.
• У Беларусі 3% навучэнцаў атрымалі высокі ўзровень (узровень 5 ці 6) у навуцы (сярэдні паказчык АЭСР: 7%), гэта значыць, што яны валодаюць высокай кваліфікацыяй.
Гэтыя навучэнцы могуць творча і аўтаномна прымяняць свае прадметныя веды ў самых розных сітуацыях, у тым ліку ў незнаёмых.
(Пераклад іншых частак дакладу па Беларусі з'явіцца ў бліжэйшы час)