Агульныя парады і крытэрыі ацэнкі (наштобузу) для напісання эсэ

Беларуская літаратура
Беларуская мова
Руская мова і літаратура

Памятаем, што актыўная (фарматыўная)  ацэнка мае мэту не дыягнаставаць узровень ведаў, а максімальна спрыяць, каб якасць выканання любой работы вучня была максімальна высокай.  Для гэтага вучню загадзя паведамляюцца крытэрыі ацэнкі, каб ён ведаў, як зрабіць работу якасна і лепш да яе падрыхтавацца.  Крытэрыі ацэнкі можна выставіць да любой работы: праверачнай, дамашняй, лабараторнай або да напісання рэферата. Прапануем крытэрыі ацэнкі для напісання эсэ.

 

Напішы эсэ на адну з дзвюх (ці больш) прапанаваных тэм.

 

Агульныя парады

1. Ты не павінны/а прытрымлівацца прапанаванай ніжэй інструкцыі. Аднак яна можа быць карыснай, асабліва калі ў цябе няма досведу напісання эсэ;
2. Уважліва прачытай тэмы. Не спяшайся пісаць, паразважай;
3. Сфармулюй для сябе галоўныя думкі і ідэі, запішы іх;
4. Складзі план эсэ.
5. Пасля таго, як падрабязны план складзены – прыступай да напісання;
6. Пакінь дастаткова часу для праверкі памылак, рэдакцыі тэксту; (раім напісаць эсэ спачатку ў тэкставым рэдактары, напрыклад, Word).
 

Крытэрыі ацэнкі:

1. Эсэ ўключае тры асноўныя часткі:
Уводзіны: выразна абазнач тэму або выкажы праблему, якая цябе клапоціць;
Галоўная частка: падрабязней  апішы свае думкі наконт тэмы або растлумач свае прапановы, шляхі вырашэння праблемы.
Заключэнне: пастарайся зрабіць выснову, якая злучае твой тэкст у адно цэлае
2. Выкарыстай максімальна 700 словаў.
3. Не забывайся, што кожная асобная думка павінна быць вылучаная абзацам;
4. Пішы шчыра. Эсэ павінна паказаць менавіта тваё ўласнае меркаванне;
5. Эсэ павінна быць напісана без памылак.

Поспехаў!