Як арганізаваны курс?
Курс складаецца з чатырох базавых модуляў. Вы можаце праходзіць іх у зручным для вас тэмпе, але мы рэкамендуем прытрымлівацца графіка трох тыдняў на 1 модуль, што дазволіць вам апрабаваць атрыманыя веды ў сваіх класах і адчуць змены.
У прапанаваным курсе няма экзаменаў і ацэнак у балах. Ён адрозніваецца ад іншых курсаў тым, што яго ўдзельнікі набываюць веды найперш праз уласную практыку ў сваіх школах або аўдыторыях.
Курс з'яўляецца адкрытым для ўсіх педагогаў, метадыстаў і іншых адукатараў. Зарэгістравацца на яго можна самастойна. Указанне імя і іншых асабістых дадзеных не з'яўляецца абавязковым. Адрас электроннай пошты ў сістэме не фіксуецца.
Студэнты могуць самастойна запісацца на курс праз URL: https://canvas.instructure.com/enroll/TGP8Y6.
Акрамя таго, яны могуць зарэгістравацца на https://canvas.instructure.com/register і выкарыстўваць наступны код далучэння: TGP8Y6
(Для тых, хто хоча атрымаць сертыфікат аб сканчэнні 40гадзіннага навучання, інфармацыя ніжэй. )
|
Нумар |
Тэматыка модуля |
Рэкамендаваны час |
|
I модуль |
Мэта і крытэрыі паспяховасці (НаШтоБуЗу) |
3 тыдні |
|
II модуль |
Зваротная сувязь у навучанні |
3 тыдні |
|
III модуль |
Пытанні і заданні для актыўнага навучання |
3 тыдні |
|
IV модуль |
Фарміруючая, актыўная ацэнка і падсумоўваючая адзнака |
3 тыдні |
|
Выніковы модуль |
Падвядзенне вынікаў, запаўненне анкеты. Паляпшаем курс разам. |
1 тыдзень |
Коратка пра змест працы
- Модулі з першага па чацвёрты – практычныя.
- Як удзельнік/удзельніца курса вы будзеце самастойна або пры дапамозе ментара знаёміцца з асновамі тэорыі і практыкай фарміруючага (актыўнага) ацэньвання і паступова ўводзіць на сваіх уроках і выхаваўчых занятках яго элементы.
-
Калі вы хочаце атрымаць дапамогу ментара, напрыканцы кожнага модуля вам трэба апісаць, як прайшло выкананне яго заданняў (у кожным модулі ёсць фармуляр для запаўнення), даслаць справаздачу на адрас KursFA2024@gmail.com, пасля азнаёміцца з каментаром і рэкамендацыямі ментара.
- Апошнія два модулі прысвечаны падсумаванню асваення фарміруючага ацэньвання. Вам будзе прапанавана анкета зваротнай сувязі пра курс і на выбар форма справаздачы: эсэ ці распрацоўка ўрока з выкарыстаннем фарміруючага ацэньвання, які будзе размешчаны на платформе для дапамогі наступным студэнтам курса.
Парады па арганізацыі працы
Падчас модуляў 1 – 4 мы рэкамендуем арганізаваць сваю работу наступным чынам:
На першым тыдні модуля:
- вы азнаёміцеся з дыдактычным матэрыялам модуля, размешчаным на платформе курса
- выканаеце міні-тэст, які замацуе набытыя вамі веды пры азнаямленні з дыдактычным матэрыялам
- расплануеце выкананне прапанаваных заданняў
На другім тыдні:
- выканаеце прапанаваныя заданні
- запоўніце фармуляр справаздачы і дашлеце яе ментару на адрас KursFA2024@gmail.com (пры жаданні)
На трэцім тыдні:
- азнаёміцеся з каментаром ментара да вашай справаздачы
- прымеце ўдзел у дыскусіях на форуме курса
У апошнім модулі курса:
- запоўніце анкету ацэнкі курса;
- напішаце невялікае эсэ (1–2 старонкі) «Фарміруючае ацэньванне ў маёй практыцы» або дашліце распрацоўку ўрока.
- сфармулюеце прапановы, якія змены неабходна ўнесці ў змест курса для яго паляпшэння.
Ацэнка і ўмовы заканчэння курса
-
Праца на курсе будзе ацэньвацца з дапамогай сродкаў фарміруючага ацэньвання. Гэта значыць, што падчас дыстанцыйнага навучання кожны ўдзельнік будзе мець дадатковую магчымасць на сабе адчуць перавагі і хібы гэтай тэхналогіі. Адзнакі ў балах выстаўляцца не будуць.
-
Нагадваем, фарміруючая ацэнка не разглядае ацэньванне як кантроль, яна выкарыстоўвае зваротную сувязь (каментаванне) для рэкамендацый па паляпшэнні эфектыўнасці навучання, стымулявання матывацыі навучэнцаў, прапануе браць на сябе адказнасць за сваё навучанне.
-
Удзельнікі курсаў могуць звяртацца з пытаннямі і прапановамі да ментара, тэхнічнага адміністратара праз электронную пошту або форум платформы. Важныя для ўсіх удзельнікаў пытанні прапануем змяшчаць у раздзел «Дыскусія». Вы можаце як далучыцца да пэўнай дыскусіі, так і пачаць новую.
-
Апошні выніковы модуль – падсумаванне – прадугледжаны для прапаноў і разважанняў на тэму актыўнай ацэнкі і паляпшэння курса.
Умовамі паспяховага заканчэння курса з’яўляюцца:
-
азнаямленне з дыдактычным матэрыялам кожнага модуля
-
выкананне заданняў кожнага модуля
-
прадстаўленне 4 справаздач, зацверджаных ментарам
-
напісанне выніковай працы
-
запаўненне анкеты ацэнкі курса
- Настаўнікі, якія скончаць курс і дашлюць 4 справаздачы аб практычных выніках, атрымаюць пасведчанне аб заканчэнні 40-гадзіннага курса.
Тэсты для самаправеркі не з'яўляецца абавязковымі, яны размешчаны ў якасці дапамогі ўдзельнікам курса. Яны дазволяць паглыбіць вашае разуменне матэрыялу.
Мы ўпэўнены, што пасля сканчэння курса настаўніцкая праца будзе прыносіць вам значна больш задавальнення.