ЛАШУК Аляксей Аляксандравіч
(нар. 13.08.1980) выкладчык кафедры міжнароднага прыватнага і еўрапейскага права Беларускага дзяржаўнага універсітэта.
Скончыў Беларускі дзяржаўны ўніверсітэт, па спецыяльнасці юрыст-міжнароднік і Цэнтральна-еўрапейскі ўніверсітэт (Будапешт, Венгрыя), па спецыяльнасці магістар права. Аспірант 3-га году навучання па спецыяльнасці «грамадзянскае, прадпрымальніцкае, сямейнае, міжнароднае прыватнае права» на кафедры міжнароднага прыватнага і еўрапейскага права БДУ
З 2005 г. працуе выкладчыкам на кафедры міжнароднага прыватнага і еўрапейскага права факультэта міжнародных адносінаў БДУ. Выкладае міжнароднае гандлёвае права (па-беларуску) для студэнтаў Факультэта міжнародных адносінаў, Эканамічнага факультэту БДУ ў аб'ёме 22 лекцыйных і 16 сэмінарскіх гадзінаў (групы па 40–65 студэнтаў), а таксама міжнароднае прыватнае права (семінарскія заняткі), грамадзянскае права (семінарскія заняткі)
Мае публікацыі,у тым ліку, у інтэрнэт часопісе “Праўнік” Рыхтуе да выдання дапаможнік для студэнтаў юрыдычных і эканамічных спецыяльнасцяў ВНУ Беларусі па «Міжнародным гандлёвым праве» (на першым этапе – ў форме канспекта лекцый.
