Міхась Булавацкі, старшыня журы. Фота Надзеі Бацілавай
16 студзеня ў Магілёве адбылося «Беларускае пяці
Адмысловы прыз за найлепшы развязак матэматычных задач атрымае Ягор Лаўрэнаў з вёскі Пудаўня Дрыбінскага раёна. Маці, настаўніца матэматыкі, змагла далучыць сына да гэтай мудрай навукі. Але высокі бал у матэматыцы не вывеў Ягора ў прызёры спаборніцтва, бо балы ў гуманітарных намінацыях амаль нулявыя.
Трэцяе месца заняла васьмікласніца магілёўскай гімназіі № 1 Марыя Пілецкая. Яна не змагла развязаць матэматычныя задачы, але паказала высокія вынікі ў мове і літаратуры (настаўніца – Ганна Бандарэнка), чым і заслужыла свой прыз. Марыя атрымае і адмысловы прыз за найлепшы адказ на пытанне па літаратуры. Такі ж прыз будзе ўручаны і яе аднакласніку Змітру Юркову. 
Марыя Пілецкая
Ганна Бандарэнка
Другое месца ў адзінаццацікласніцы бабруйскай гімназіі № 3 Настассі Жыркевіч. Наста ўвогуле застанецца легендай беларускага пяціборства, бо ўдзельнічала ў гэтым спаборніцтве чатыры разы і кожны раз займала прызавыя месцы – два першыя месцы (2010 і 2012) і два другія (2011 і 2013). 
Настасся Жыркевіч
На гэты раз яна прывяла з сабой сястру Ангеліну, васьмікласніцу той жа гімназіі. І малодшая перамагла, атрымаўшы больш высокія балы, чым у старэйшай сястры, па ўсіх намінацыях, акрамя мовы. У Насты ж па мове самы высокі бал і яна атрымае адмысловы прыз за найлепшую мову. Ангеліне Жыркевіч, акрамя галоўнага прыза, будзе ўручаны адмысловы прыз за найлепшыя адказы на пытанні з прыродазнаўства. Гэткі ж прыз атрымае васьмікласнік магілёўскай гімназіі № 1 Алесь Гаўрыленка. 
Ангеліна Жыркевіч
Адмысловы прыз за найлепшыя адказы на пытанні з гісторыі Магілёўшчыны журы вырашыла не прысуджаць. Чарговы раз можна выказаць шкадаванне аб нізкай якасці гуманітарнай адукацыі ў школах Беларусі, асабліва адукацыі, датычнай гісторыі, мовы і літаратуры сваёй краіны.
«Беларускае пяці