Архіў навін
90 гадоў таму, 25 сакавіка 1918 г. у Мінску была абвешчана незалежнасць Беларускай Народнай Рэспублікі Няхай той перыяд гісторыі называюць перыядам рамантызму, але без яго мы б не змаглі перажыць перыяд ВЯЛІКАЙ ХЛУСНІ – так назвала Івонка Сурвілла савецкі перыяд нашай гісторыі – і стварыць незалежную дзяржаву – Рэспубліку Беларусь. А каб навесці парадак ўжо ў сваёй краіне – трэба не лгаць нашым дзецям, не скажаць гістарычныя факты ды вынікі выбараў. І тады мы разам, усім народам, будзем адзначаць сапраўдны Дзень Волі у сапраўды вольнай Беларусі.
Са святам!
Ваш Настаўнік.інфо
Сёння — працяг агульнанацыянальнай дыктоўкі
Сваім удзелам у акцыі вы далучаецеся да святкавання Дня Волі 25 Сакавіка і ўшаноўваеце 90-я ўгодкі БНР, урад якой надаў роднай мове дзяржаўны статус.
Сёння ў Палацы мастацтваў дыктоўку ладзяць Згуртаваньне беларусаў свету «Бацькаўшчына» і мастацкая суполка «Пагоня». Дыктоўка пройдзе ў вялікай актавай залі палацу (вул. Казлова, 3, станцыя мэтро «Плошча Перамогі), і пачнецца а 16.30.
ЕГУ аб'яўляе набор студэнтаў
ЕЎРАПЕЙСКІ ГУМАНІТАРНЫ УНІВЕРСІТЭТ у Вільні абвяшчае набор студэнтаў на бакалаўрскую праграму «Гісторыя Беларусі і культурная антрапалогія» (дзённая і завочная форма навучання)
«Гісторыя Беларусі і культурная антрапалогія» – гэта
• фундаментальная падрыхтоўка ў галіне гуманітарных і сацыяльных навук
• грунтоўныя веды па беларускай, еўрапейскай і сусветнай гісторыі, культурнай антрапалогіі, археалогіі, этналогіі
• авалоданне дзвюма замежнымі мовамі
• атрыманне дыплома бакалаўра гісторыі дзяржаўнага
«Нашым дзеткам» – 2 гады!
Парталу «Нашыя дзеткі" споўнілася 2 гады. Віншуем, дарагія калегі! Ваш партал створаны для першых і самых галоўных настаўнікаў – бацькоў. Зычым вам плёну і натхнення! Няхай больш у нашай краіне расце беларусаў. Шчыра ваш,
https://nastaunik.eu/
Чытаць навіны «Нашых дзетак»
Internet у дапамогу настаўніку замежнай мовы: www.dw-world.de
Адной з хатніх старонак на ўласным ці працоўным камп’ютары ў настаўніка нямецкай мовы можа стаць старонка радыёстанцыі “Deutsche Welle”. Акрамя стужкі навінаў, краіназнаўчай інфармацыі пра Германію, рэдакцыя сайта прапаноўвае чытачам і слухачам раздзел “Deutschkurse”.
DW змяшчае распрацаваныя матэрыялы як для выкладання нямецкай мовы, так і для самастойнага навучання.
Такія матэрыялы на занятку будуць у радасць як настаўніку, так і дзецям!
Большасць матэрыялаў грунтуецца на актуальных навінах службы “Нямецкая хваля”, уключае аўдыёзапісы і тэксты да іх, працу над лексікай, граматыкай, вымаўленнем і падыходзіць для навучэнцаў старэйшых класаў ці студэнтаў, якія гатовы да працы з аўтэнтычнымі тэкстамі і навінамі.
Адной з хатніх старонак на ўласным ці працоўным камп’ютары ў настаўніка нямецкай мовы можа стаць старонка радыёстанцыі “Deutsche Welle”. Акрамя стужкі навінаў, краіназнаўчай інфармацыі пра Германію, рэдакцыя сайта прапаноўвае чытачам і слухачам раздзел “Deutschkurse”.
DW змяшчае распрацаваныя матэрыялы як для выкладання нямецкай мовы, так і для самастойнага навучання.
Такія матэрыялы на занятку будуць у радасць як настаўніку, так і дзецям!
Большасць матэрыялаў грунтуецца на актуальных навінах службы “Нямецкая хваля”, уключае аўдыёзапісы і тэксты да іх, працу над лексікай, граматыкай, вымаўленнем і падыходзіць для навучэнцаў старэйшых класаў ці студэнтаў, якія гатовы да працы з аўтэнтычнымі тэкстамі і навінамі.
Конкурс «Педагог-псіхолаг году»
Міністэрства адукацыі ў 2008 годзе праводзіць чарговы рэспубліканскі конкурс педагагічных працаўнікоў у намінацыі «Педагог-псіхолаг году».
Дадатковыя ўмовы арганізацыі і правядзенні Конкурсу, узор заяўкі для ўдзелу ў яго фінале і кароткую інфармацыя для падрыхтоўкі да фіналу глядзіце тут.
Заяўкі і інфармацыю аб удзельніках фіналу Конкурсу прымаюцца Акадэміяй паслядыпломнай адукацыі да 1 чэрвеня 2008.
Выстава Яўгена Куліка
19 сакавіка ў мінскім Палацы мастацтваў (вул. Казлова, 3) адчыняецца выстава твораў славутага беларускага мастака‑графіка, аўтара эталону герба «Пагоні» Яўгена Куліка (1937–2002).
Пачатак а 17-й.
Паводле Нашай Нівы
Дзень Адчыненых Дзвярэй Амерыканскага Цэнтра ў Мінску
9 красавіка 2008 году ў 16.00 адбудзецца «Дзень Адчыненых Дзвярэй Амерыканскага Цэнтра: праекты, магчымасці, кірункі дзейнасці" па адрасе пр. Незалежнасці 169 (былы пр. Фр. Скарыны), каб. 512 (паўднёвае крыло). Калі ласка, падцвердзіце свой удзел па тэлефоне 218–12–64 або электроннай пошце advising@amcenter.by
Паводле Amcenter.by
Новы інфармацыйны рэсурс
Для спецыялістаў сацыяльнай сферы створаны новы інфармацыйны рэсурс – Інфармацыйна-пошукавая сыстэма «Бібліятэка сацыяльнага работніка», якая размешчаная на сайце Беларускай асацыяцыі сацыяльных работнікаў: http://basw-ngo-by.net/page.php?parent=0&issue_id=2899
Паводле рассылкі belngo.info