Архіў навін
Дэмакратыя ў школе: Летняя Акадэмія ў Польшчы
Летняя Акадэмія ў супрацы з Міністэрствам нацыянальнай адукацыі Польшчы, Цэнтрам развіцця адукацыі, Еўрапейскім цэнтрам Вергеланд, Радай Еўропы.
Штогадовая Летняя Акадэмія прапануе сумеснае навучанне дырэктараў школ, настаўнікаў, прадстаўнікоў бацькоўскіх камітэтаў і няўрадавых арганізацый Паўночнай, Цэнтральнай, Усходняй Еўропы і Каўказу ў абсягу міжкультурнага разумення, правоў чалавека і дэмакратычнай грамадзянскасці.
Краязнаўчыя семінары ў Гродне
Інстытут прыкладной гісторыі сумесна з грамадскім аб’яднаннем “Фонд імя Льва Сапегі” і Гарадзенскай абласнай арганізацыяй «Таварыства Беларускай Мовы» у партнерстве з Еўрапейскім універсітэтам “Віядрына”, Германія, праводзіць два адукацыйныя семінары з мэтай распрацоўкі турыстычных маршрутаў па памежным рэгіёне Гарадзеншчыны ды Беласточчыны з выкарыстаннем досведу Інстытута ў гэтай галіне. Адукацыйная праграма скіраваная найперш на краязнаўцаў Гарадзеншчыны ды Беласточчыны, якія жадаюць стварыць у рэгіёне магчымасці для беларускіх і замежных турыстаў з мэтай азнаямлення з культурай і гісторыяй гэтага краю.
Семінары адбудуцца 4–6 чэрвеня 2010 г. на Беласточчыне і 15–17 кастрычніка 2010 г. на Гарадзеншчыне.
Заключная аднадзённая канферэнцыя запланаваная на сярэдзіну снежня 2010 году.
Прыём прац для зборніка да 450-годдзя Шацілак
Арганізацыйны камітэт ІІ гісторыка-краязнаўчай канферэнцыі ў г. Светлагорску Гомельскай вобласці, якая адбылася 16 красавіка 2010 г., прымае артыкулы для зборніка навуковых і краязнаўчых працаў. Зборнік прысвячаецца 450-годдзю першых пісьмовых звестак аб Шацілках (зараз – Светлагорск).
Артыкулы прымаюцца ад удзельнікаў канферэнцыі і іншых аўтараў, даследаванні якіх звязаны з Шацілкамі і краем. Вітаецца ўдзел настаўнікаў і выкладчыкаў. Зборнік будзе перададзены ў бібліятэкі і навучальныя ўстановы. Прыкладная тэматыка:
Артыкулы прымаюцца ў электронным выглядзе да 15 мая 2010 г. на эл. адрас szacilki450@gmail.com і ў гісторыка-краязнаўчым музеі г. Светлагорска (вул. Зялёная, 1). Поўная абвестка – на http://svetlahorsk.belarda.org
Конкурс праектаў для падтрымкі працы са старэйшымі школьнікамі
Асацыяцыя па міжнародных пытаннях (Чэшская рэспубліка) запрашае настаўнікаў беларускіх адукацыйных установаў прыняць удзел у конкурсе міні–праектаў.
Да ўдзелу ў конкурсе прымаюцца праекты, якія накіраваны на рэалізацыю ідэй старэйшых школьнікаў, а таксама ініцыятывы з боку настаўнікаў, мэтай якіх з’яўляецца павышэнне і падтрымка актыўнасці школьнікаў, вырашэнне праблемаў у школе, рэалізацыя грамадскіх праектаў, накіраваных на падвышэнне сацыяльнай і грамадзянскай кампетэнцый старшакласнікаў, правядзенне пазакласных мерапрыемстваў і інш.
Час рэалізацыі праектаў: 1 Чэрвеня 2010г. – 31 снежня 2010 г.
Сума падтрымкі: aд 50$ да 500$
Тэрмін падачы заявак: да 15 мая 2010 г.
Пра вынікі будзе паведамлена да 1 чэрвеня 2010 г.
Запоўненую заяўку дасылайце на адрас: miniprojekty.cz@gmail.com
Праект ажыццяўляецца пра падтрымцы Міністэрства замежных спраў Чэшскай рэспублікі.
Форма заяўкі
Канспект шасці заняткаў, прысвечаных прадухіленню і развязанню канфліктаў (з раздаткавымі матэрыяламі).
Склалі Алеся Чарняўская, Ніна Чумак.
Спампаваць канспект (doc, 200 KБ)
Развязванне канфліктаў. Заняткі для школьнікаў.
Канспект шасці заняткаў, прысвечаных прадухіленню і развязанню канфліктаў (з раздаткавымі матэрыяламі).
Склалі Алеся Чарняўская, Ніна Чумак.
Спампаваць канспект (doc, 200 KБ)
Школа зялёнага актывіста
Калі Вас цікавіць, як адзін чалвек можа змяніць усё навокал, знайсці аднадумцаў, сяброў, зрабіцца лідэрам руху да пазытыву – штогадовая Школа зялёнага актывіста для Вас!
Экалагічнае таварыства “Зялёная сетка” запрашае ўсіх зацікаўленых у экалагічнай тэматыцы да ўдзелу ў трэнінгах Школы зялёнага актывіста.
Школа складаецца з трэнінгаў двух узроўняў – пачатковага і прасунутага.
Трэнінгі пачатковага ўзроўню адбудуцца 17–18 красавіка, 1–2 траўня, 29–30 мая.
У праграме:
– Чаму мы тут?
– Гісторыя экалагічнага руху. Ад экстрэмізму да бюракратычнай перапіскі
– Глыбінная экалогія. Аднаўленне сувязі з Зямлёй. Заняткі на прыродзе
– Біярэгіяналізм. Мы тут нарадзіліся
– Права на навакольнае асяроддзе
– Змены клімта. Нязручная праўда
– Што такое ўстойлівае развіццё
– Наша агульная будучыня. Што я магу змяніць сам? Дзеля чаго і з кім аб’яднацца?
– Асноўныя інструменты экалагічнага актывіста
Каб запісацца на трэнінг, неабходна запоўніць анкету і адправіць яе на эл.адрас ecodomik@gmail.com.
Анкета ўдзельніка – тут.
Паводле Кронікі грамадзкага жыцьця Гарадзеншчыны
Універсітэт Залатога Веку – для сталых жыхароў Гродна
Шаноўнае спадарства! Калі вам 50+ і вы лічыце, што жыццё павінна быць актыўным і насычаным, калі вам цікава сустракацца і навучацца – гэтая прапанова для Вас!
Запрашаем Вас узяць удзел у прэзентацыі ўнікальнага праекта – «Універсітэт Залатога Веку», адрасаванага актыўным сталым гарадзенкам і гарадзенцам!
«Унівэрсытэт Залатога Веку» – гэта цікавыя сустрэчы з цікавымі людзьмі, магчымасць навучыцца таму, на што раней не хапала часу, быць карысным іншым людзям.
У праграме «Універсітэту» – агульныя лекцыі і дыскусіі пра псіхалогію сталага ўзросту, асновы здаровага харчавання, спосабы падтрымання добрай фізычнай формы, дагляду за сваім знешнім выглядам, юрыдычныя аспекты, з якімі могуць сутыкнуцца сталыя людзі.
Добры дзень, паважаная рэдакцыя.
Апошнім часам я, мае знаёмыя і былыя калегі актыўна абмяркоўваем сітуацыю, у якую пастаўлены шэраг настаўнікаў Мінскай вобласці. З адной з іх, менавіта, з Наталляй Ільініч, мне даводзілася сустракацца, размаўляць.