Архіў навін
Лера Сом: Што чакае сёлетніх школьных выпускнікоў?
Грамадcкі рэдактар «Радыё Свабода» на гэтым тыдні" – настаўніца малявання полацкай школы №5 (а таксама пераможца мінулага конкурса «Ноўтбук для актыўнага настаўніка») Лера Сом.
– Як усё адбываецца насамрэч і што чакае сёлетніх школьных выпускнікоў?
– Прэзідэнцкая ўстаноўка: дзеці мусяць вучыць толькі першы і пяты параграфы, а не з першага па пяты цалкам!
Каб дзеці ды іхнія бацькі не паддаваліся паніцы праз тое, што сканчваць школу ды рыхтавацца да паступлення ў ВНУ даводзіцца ў паскораным тэмпе, негалосна загадана не ставіць нізкіх адзнак і не палохаць вучняў складанасцямі на іспытах.
Артыкул цалкам можна прачытаць на старонцы радыё Свабода
Барыс Клейн у Гродне
12 сакавіка ў Гродне адбудзецца прэзентацыя мемуараў Барыса Клейна “Недосказанное.Имена”.
Барыс Клейн – доктар гістарычных навук, прафесар, вядомы гарадзенскі гісторык, блізкі сябра Васіля Быкава і Аляксея Карпюка.
Ад пачатку 50-ых гадоў выкладаў на гістфаку гарадзенскага унівэрсытэту. Актыўна выступаў супраць знішчэньня помнікаў архітэктуры на Заходняй Беларусі. У сфэры ягоных навуковых інтарэсаў, перадусім, быў лёс паўстанцаў Кастуся Каліноўскага, гісторыя Заходняй Беларусі.
Барыс Клейн з 1992 года жыве ў ЗША. Першы раздзел яго новай кнігі “Недосказанное” – гэта ўспаміны аб жыцці заходнебеларускай Гародні, партрэты сучаснікаў і сяброў – Васіля Быкава, Аляксея Карпюка, Міхася Ткачова, Уладзіміра Барана (бацькі Аляксандра Мілінкевіча) ды інш.
Прэзентацыю будуць весці гарадзенскія навукоўцы Генадзь і Альбіна Семянчукі.
Пачатак прэзентацыі ў 18.30 па адрасе: Будзёнага 48а-44 (памяшканне Таварыства Беларускай Школы).
Паводле http://ruh-u-hrodna.livejournal.com/
Настаўніца талькаўскай школы Наталля Ільініч прапануе вашай увазе артыкул “Сістэма краязнаўчай працы ў школе”, які можа быць цікавы настаўнікам, якія займаюцца краязнаўствам ці маладым калегам, якія яшчэ толькі збіраюцца пачаць гэтую справу ў сваёй школе. У артыкуле сістэматызаваны формы і метады вывучэння роднага краю, выхавання будучых грамадзян сродкамі краязнаўства. Усё апісанае апрабаванае аўтарам за час шматгадовай працы ў Талькаўскай школе.
Метадычныя матэрыялы па краязнаўстве
Настаўніца талькаўскай школы Наталля Ільініч прапануе вашай увазе артыкул “Сістэма краязнаўчай працы ў школе”, які можа быць цікавы настаўнікам, якія займаюцца краязнаўствам ці маладым калегам, якія яшчэ толькі збіраюцца пачаць гэтую справу ў сваёй школе. У артыкуле сістэматызаваны формы і метады вывучэння роднага краю, выхавання будучых грамадзян сродкамі краязнаўства. Усё апісанае апрабаванае аўтарам за час шматгадовай працы ў Талькаўскай школе. Сцэнарыі апісваемых спраў, пытанні віктарынаў, памяткі, справаздачы паходаў, даследчыя працы вучняў, фатаграфіі з краязнаўчых спраў – гэта значыць вынікі ажыццяўлення прапануемай сістэмы краязнаўчай працы ў школе – можна знайсці на школьным краязнаўчым сайце talka.info
Cпампаваць артыкул (doc, 142 КБ)
Таксама прапануем сцэнар класнай гадзіны для вучняў 5–7 класаў пра жыццё і творчасць Якуба Коласа на Талькаўшчыне “Мне Загібелька лепш Парыжа...”, карысны для настаўнікаў не толькі Пухавіччыны, але любога рэгіёна Беларусі, дзе жылі ці нарадзіліся паэты, пісьменнікі, мастакі. Канечне ж, сцэнар можа быць цікавы і для настаўнікаў беларускай літаратуры, бо у ім ёсць цікавыя факты з жыцця класіка, якіх няма ў школьных падручніках.
Спампаваць сцэнар (doc, 100 КБ)
Настаўніца гарадзенскай школы №10 Ірына Сыско працягвае знаёміць нас са сваім унікальным курсам беларускай мовы для вучняў пачатковай школы, якія гадуюцца ў рускамоўным асяроддзі (а такіх сёння, вядома, абсалютная большасць). Гэтым разам прапануем вам яе дапаможнік «Выкарыстанне праектна-тэматычнага падыходу да засваення новай лексiкi на ўроках беларускай мовы».
Спампаваць дапаможнік (doc, 630 КБ)
Спампаваць прэзентацыю да тэмы «Лясныя жыхары» (ppt, 0,8 МБ)
Тэматычны падыход пры вывучэнні беларускай мовы
Настаўніца гарадзенскай школы №10 Ірына Сыско працягвае знаёміць нас са сваім унікальным курсам беларускай мовы для вучняў пачатковай школы, якія гадуюцца ў рускамоўным асяроддзі (а такіх сёння, вядома, абсалютная большасць). Гэтым разам прапануем вам яе дапаможнік «Выкарыстанне праектна-тэматычнага падыходу да засваення новай лексiкi на ўроках беларускай мовы».
Спампаваць дапаможнік (doc, 630 КБ)
Спампаваць прэзентацыю да тэмы «Лясныя жыхары» (ppt, 0,8 МБ)
Спампаваць прэзентацыю «Вавёрка» (ppt, 1 МБ)
Спампаваць прэзентацыю «Умкіны казкі" (ppt, 1,4 МБ)
Беларуская энцыклапедыя Зэльвеншчыны
Унікальная інфармацыйна-краязнаўчая вэб-пляцоўка ствараецца на Зэльвеншчыне.
Пад адным электронным «дахам» сабраныя цікавыя матэрыялы па гісторыі Зэльвенскага раёну, мапы, архіўныя фотаздымкі, літаратурныя творы, мясцовыя кулінарныя рэцэпты, а таксама навіны, якія тычацца гэтага кутка Гарадзеншчыны.
Галоўным рэдактарам Беларускай энцыклапедыі Зэльвеншчыны з'яўляецца вядомы зэльвенскі грамадзкі дзеяч і краязнаўца Юры Качук.
Менавіта ён у свой час заснаваў унікальны па змесьце часопіс «БЭЗ», быў выдаўцом мясцовай газэты «Зяльвяначка», адным з аўтараў кнігі «Традыцыйныя стравы Беласточчыны і Гарадзеншчыны».
Вось што пішуць стваральнікі пляцоўкі ў сваім вітальным артыкуле: «Уявіце сабе, што Мара, якая жыла з намі больш за пяць год, зьдзейсьнілася! І бэз нават у лютым расквітнеў. Мы спадзяемся, што бэз будзе квітнець ужо заўжды, дзякуючы і Вашай, і нашай Веры – Веры ў Дабро. Добрае няхай будзе Вечным, – няхай сціпла і годна квітнее не толькі ў маі, але і, у адрозьненні ад сапраўднага бэза, Заўжды».
Пазнаёміцца са зместам вэб-пляцоўкі можна па адрасе zelva-bez.com.
Паводле www.t-styl.info
Пошук выхавацеляў
Шукаем 2 педагогаў для працы ў беларускамоўнай групе дзетак 3–4 год у дзіцячым садку ў Сухарава.
Падрабязнасці можна высьветліць па тэл. +375 29 395 73 99
Летняя школа юных фізікаў у Канадзе
Канадскі інстытут тэорыі фізікі Перыметр (Perimeter Institute for Theoretical Physics) у г. Ватэрлоо (Антарыа) прапаноўвае бясплатныя летнія двухтыднёвыя праграмы Міжнароднай летняй школы юных фізікаў (International Summer School for Young Physicists – ISSYP – 2009) для замежных навучэнцаў ва ўзросце 17–18 гадоў, якія валодаюць англійскай мовай, у перыяд з 8 па 22 жніўня 2009 году.
Інстытут бярэ на сябе выдаткі па знаходжанні і навучанні. Замежныя навучэнцы забяспечваюць праезд туды і назад да міжнароднага аэрапорта Пірсан у г. Таронта, а таксама медыцынскую страхоўку.
Праграмы Міжнароднай летняй школы юных фізікаў Інстытута тэорыі фізікі Перыметр атрымалі афіцыйную падтрымку Канадскай камісіі па справах ЮНЭСКА. Поўную інфармацыю аб інстытуце і яго праграмах можна знайсці на вэб-сайце інстытута – www.perimeterinstitute.ca.
Анкету ўдзельніка і інструкцыю па яе запаўненні можна знайсці па адрасе www.youngphysisists.ca. Апошні тэрмін падачы анкеты – 19 сакавіка 2009 году.
Паводле сайта Міністэрства адукацыі
Метадычны дапаможнік «Вывучаем мацерыкі, або маленькія адкрыцці на вялікай карце», складзены настаўніцай сярэдняй школы №2 г. Бярозы (Брэсцкая вобл.) Ірынай Пабожнай можа дапамгчы настаўнікам геаграфіі ў сістэмным абагульняючым выглядзе разгедзіць такія геаграфічныя характарыстыкі мацерыкоў, як геалагічная і гідралагічная будова, клімат, склад насельніцтва, гаспадарка і г.д.
Спампаваць матэрыял (0,86 МБ)