Архіў навін
Праект для валанцёраў у Гродне
ГДА “Гродзенскі дзіцячы хоcпіс” абвяшчае набор кандыдатаў для ўдзелу ў адукацыйных трэнінгах “Валанцёр – чалавек добрай волі”.
Сустрэчы будуць адбывацца штомесяц. Дата бліжэйшых сутрэч – 25 студзеня, 28 лютага.
Патрабаванне да кандыдатаў – маладыя людзі ва ўзросце да 30 год, мабільныя, адказныя і якія маюць дакладную матэвацыю для таго, каб быць валанцёрам.
Палітычныя партыі будуць бараніць настаўнікаў ад беззаконня.
Юрысты і праваабаронцы налічылі пяць пунктаў парушэння заканадаўства Рэспублікі Беларусі ў дзеяннях загадчыцы Мінскага абласнога ўпраўлення адукацыі Таісы Данілевіч.
Сойм Партыі БНФ адпаведную заяву, у якой, у прыватнасці, гаворыцца: «15 студзеня 2010 года загадчыца Менскага абласнога ўпраўленьня адукацыі Таіса Данілевіч выставіла ўльтыматум шасьці настаўнікам – сябрам дэмакратычных палітычных партыяў: або яны пішуць заявы аб выхадзе з партыяў, або трацяць працу. У Менск у суправаджэньні кіраўнікоў раённых аддзелаў ці ўстановаў адукацыі былі выкліканыя: Натальля Ільлініч, настаўніца гісторыі, Партыя БНФ (Талька); Мікола Ляшчун, настаўнік замежных моваў, Партыя БНФ (Лагойск); Алесь Язьвінскі, настаўнік фізкультуры, КХП-БНФ (Нясьвіж); Уладзімір Парэйка, настаўнік геаграфіі, БСДП (Нясьвіскі раён); Сяргей Клімёнак, настаўнік фізкультуры, АГП (Вялейка); Надзея Агафонава, настаўнік-дэфэктоляг, АГП (Любань).
Прэтэнзіяў да якасьці пэдагагічнай працы выкліканых настаўнікаў не было.»
у дакуменце пералічаныя артыкулы заканадаўства, якія парушыла сваімі дзеяннямі сп-ня Данілевіч.
Партыя БНФ і іншыя афіцыйна зарэгістраваныя Міністэрствам юстыцыі партыі збіраюцца ініцыяваць зварот у органы пракуратуры з патрабаваннем расследавання фактаў дэманстратыўнага парушэння сп-няй Данілевіч палажэнняў Канстытуцыі і шэрагу законаў Рэспублікі Беларусь.
Тэкст заявы цалкам
Міхась Булавацкі
Пяціборства арыентавана на вучняў, якія маюць здольнасці і схільнасці да матэматыкі і прыродазнаўчых навук, але, каб не забылі, у якой краіне жывуць, ім прапануюцца яшчэ пытанні па гісторыі Беларусі і беларускай літаратуры. Мова, на якой пададзена праца, ацэньваецца пятым балам. Па суме пяці балаў і вызначаюцца пераможцы. Некаторым таленавітым маладым людзям пяціборства дапамагло ўсвядоміць ненармальнасць іх аднабокай матэматычнай адукацыі і яны адмыслова прыкладалі намаганні для пашырэння сваіх ведаў.
Пераможцы «Беларускага пяціборства-IX».
Алімпіядныя заданні
Міхась Булавацкі
13 студзеня 2010 года ў Магілёўскім універсітэце імя Аркадзя Куляшова праведзена “Беларускае пяціборства-IХ” – спаборніцтва сярод вучнёўскай інтэлектуальнай эліты, якое з 2001 года ладзіць сумесна з універсітэтам настаўніцкая суполка Таварыства беларускай мовы. Удзел у спаборніцтве ўзялі 36 навучэнцаў старшых класаў школ, ліцэяў і гімназій Магілёва і Магілёўскай вобласці.
Удзельнікам было прапанавана 4 заданні: матэматычная задача і пытанні з гісторыі Беларусі, беларускай літаратуры і прыродазнаўства. Кожнае заданне ацэньвалася пэўнай сумай балаў, пятым балам быў бал за мову, на якой падаваліся адказы і развязкі. Па суме пяці балаў і вызначаліся пераможцы. Упершыню ў гісторыі пяціборства сярод асноўных пераможцаў не было прадстаўнікоў абласнога цэнтра.
Першае месца, на вялікае здзіўленне журы, заняла васьмікласніца Бабруйскай гімназіі № 3 Насця Жыркевіч. Справа ў тым, што спаборніцтва праводзіцца сярод навучэнцаў 9–11 класаў і заданні часта арыентаваныя на праграму дзевятага класа. Васьмікласнікі, здаралася, прымалі ўдзел у пяціборстве (прынцып арганізатараў – дапускаць усіх ахвотных), але іх вынікі былі далёкімі ад прызавых месцаў. А вось зараз такая нечаканая і даволі бліскучая перамога: акрамя галоўнага прыза Насця атрымае спецпрызы за лепшую мову і за лепшы адказ на пытанне па прырознаўстве. Яна на 20 балаў пераўзышла вынік Зміцера Клепчы, які заняў другое месца. Зміцер – прадстаўнік раённага цэнтра Бялынічы – зараз навучаецца ў 11 класе абласнога ліцэя № 3 (таму напалову магілёвец). На трэцім месцы Віталь Верашчага, дзевяцікласнік з Чавусаў. Віталь паказаў невысокія вынікі па ўсіх намінацыях, але яго развязак матэматычнай задачы журы прызнала лепшым, ён атрымае адпаведны спецпрыз. Найвышэйшы бал за матэматыку і ўзняў суму балаў Віталя да ўзроўня трэцяга месца.
Спецпрызамі адзначаны таксама Юры Ананіч (11 клас абласнога ліцэя № 3) за лепшы адказ на пытанне па беларускай літаратуры і Мікіта Каламійчанка (11 клас сярэдняй школы № 5 Магілёва) за лепшы адказ на пытанне па гісторыі Беларусі.
Перад пачаткам спаборніцтва была праведзена кніжная латарэя, у выніку якой кожны ўдзельнік атрымаў магчымасць адпаведна жэрабю выбраць адну-дзве кнігі з наяўных, сабраных актывістамі ТБМ. Сярод кніг былі сусветна вядомыя творы беларускай, рускай літаратуры і літаратуры іншых краін у перакладах на беларускую ці рускую мовы, слоўнікі, шахматныя дапаможнікі, літаратура па матэматыцы, фізіцы ды інш.
Заданні «Беларускага пяціборства»
Творчы конкурс «Тры бліны»
Конкурс складаецца з трох частак:
1. «Музычны Блін» – прымаюцца музычныя запісы гуртоў і асобных выканаўцаў. Запіс мусіць быць студыйнай якасці, а тэксты песень мець моладзевы, грамадскі, прававы ці сацыяльны накірунак. Гэтыя запісы будуць сабраныя на дыску пад назвай «Вольны – Права маладых». На дыску будуць змешчаныя таксама лепшыя работы па выніках двух іншых конкурсах-блінах.
2. «Відэа Блін» – прымаюцца відэаролікі да 5 хвілінаў, зробленыя любымі прыладамі і абсталяваннем для здымак відэа (ад прафесійнай камеры да мабілкі), у якіх арыгінальна і цікава распавядаецца пра жыццё, захапленні, творчасць і праблемы сучаснай моладзі.
3. «Фота Блін» – прымаюцца аўтарскія фотаздымкі, а таксама апрацаваныя фотаматэрыялы, малюнкі, карыкатуры, якія яскрава раскрываюць праблемы сучаснай моладзі.
Па выніках конкурсу у межах праекту «Права маладых» адбудзецца
міні-фестываль з прэзентацыяй дыска. На фестываль будуць запрошаныя
найбольш цікавыя ўдзельнікі і пераможцы конкурсу, што трапяць на складанку. Пераможцы атрымаюць каштоўныя падарункі і магчымасьць
паўдзельнічаць у творчых сустрэчах-абменах з моладдзю краінаў Заходняй
Еўропы.
Падрабязнасьці на http://dzedzich.org/wp/2009/12/23/try-bliny-nu-shto-paehali-volnaya-moladz/.
Адзін удзельнік можа прапанаваць не больш за тры работы.
Усе конкурсныя аўдыё-, фота- і відэаматэрыялы з пазнакай «Тры бліны» неабходна даслаць на e-mail: 3bliny@gmail.com ці паштовы адрас: 224000, Брэст, вул.Луцкая 6/1, кв.38 да 31 студзеня.
Паводле http://dzedzich.org/
Летні семінар у Германіі
Theodor-Heuss-Kolleg запрашае актыўных маладых людзей ва ўзросце 18–25 год да ўдзелу ў семінары, прысвечанаму развіццю ўласных праектаў.
Падчас 13-цідзённага праекту маладыя людзі будуць мець магчымасць абмяняцца ідэямі і натхніцца на ўласныя праекты. Для ўдзелу неабавязкова мець досвед у рэалізацыі праектаў.
Працоўная мова семінару – нямецкая. Дадатковая інфармацыя – на старонцы Theodor-Heuss-Kolleg.
Дэдлайн падачы заявак – 27 лютага 2010 года.
Паводле ADUKACYJA.info
Стыпендыі ў Берліне для валанцёраў
Акрамя валанцёрскай працы ў стыпендыятаў Marion-Dönhoff-Stiftung будзе магчымасць паўдзельнічаць у праграме, прысвечанай палітычнай адукацыі, пазнаёміцца з рознымі аспектамі Германіі і яе палітыкай, грамадствам, культурай.
Для ўдзелу ў валанцёрскай службе ў Берліне неабходнае жаданне працаваць у грамадскай арганізацыі ў Германіі, веданне нямецкай мовы, досвед працы ў грамадскім сектары.
Валанцёры атрымаюць стыпендыю, якая пакрывае кошты пражывання, медыцынскую страхоўку, візу, праяздны квіток на транспарт, дарогу з роднага гораду да Берліна і назад, а таксама 300 еўра кішэнных штомесяц.
Дадатковая інфармацыя даступная на старонцы DRA http://www.austausch.org/freiwilligenagentur/deutschland/aktuelle-ausschreibung.html.
Матывацыйны ліст, СV i анкету неабходна даслаць па-нямецку на e-mail: susanne.konschak@austausch.org да 28 лютага.
Паводле ADUKACYJA.info
Літаратурная сустрэча на сядзібе ТБМ у Мінску
19 студзеня 2010 году на сядзібе ТБМ імя Ф. Скарыны (Мінск, вул. Румянцава, 13) у межах праекта “Дыялог” адбудзецца сустрэча з вядучым навуковым супрацоўнікам Інстытута мовы і літаратуры НАН Беларусі Веранікай Курцовай на тэму: “Сучаснае беларускае маўленне і яго адлюстраванне ў правапісу”.
Час сустрэчы – 19.00. Уваход вольны.
Паводле рассылкі belngo.info
Настаўнікам загадалі выбіраць: партыя альбо праца
Паводле Радыё Свабода
Настаўнікаў са школаў Мінскай вобласці, якія з'яўляюцца сябрамі зарэгістраваных у Міністэрстве юстыцыі партый, у абласным упраўленні адукацыі папярэдзілі, што ім належыць выбраць: праца альбо сяброўства ў партыях. Настаўнікі апавялі, што былі ўражаныя паводзінамі кіраўніцы ўпраўлення Таісы Данілевіч. Яна пагражала ім цяжкімі наступствамі. У кабінет кіраўніцы ўпраўлення адукацыі Менаблвыканкама кіраўнік мясцовага аддзела адукацыі заходзіў са сваім настаўнікам, які «праштрафіўся». Іншыя чакалі сваёй чаргі ў прыёмнай і чулі ўсё, што адбывалася ў кабінеце.
У 12:30 там было 12 чалавек. Апошні выйшаў у 16:10.
Дайэн Равіч
Дайэн Равіч – прафесар Калумбійскага ўніверсітэта, і аўтар некалькіх кніг па адукацыі, такіх як “Школа, якую мы заслугоўваем” і “Неспакойны Крыжовы паход”. Прафесар Равіч з’яўляецца старшынёй камітэта міжнароднага праекта AFT «Адукацыя для дэмакратыі". .
Драматычныя змены, якія адбыліся ва Усходняй Еўропе, здзівілі ўвесь свет. Вы і вашы ўсходнееўрапейскія суседзі пішуць гісторыю, а ўвесь свет назірае. Мяне запрасілі, каб паразважаць з вамі пра прыроду навучання дэмакратыі ў дэмакратычным грамадстве.