Архіў навін
Агляд адукацыйных навінаў за тыдзень
- БДУ ў Топ-3000 найлепш прэзентаваных у Сеціве ўніверсітэтаў свету — на 1663 месцы. Ніводзін іншы беларускі ўніверсітэт нават не трапіў у спіс 3000. Бліжэйшыя па рэйтынгу беларускія ВНУ — Гарадзенскі дзяржаўны ўніверсітэт імя Янкі Купалы і Гомельскі дзяржаўны ўніверсітэт займаюць толькі 3161 і 4514 месцы адпаведна. >>>
- Нягледзячы на перавод выкладання гiсторыі на рускую мову, здаваць цэнтралізаванае тэставанне па гісторыі на беларускай мове пажадала 73 працэнты абітурыентаў.
Каб атрымаць 100 балаў на тэсце, трэба чытаць Быкава і слухаць NRM
Паводле Нашай Нівы
Еўрарадыё паразмаўляла з выпускнікамі, якія здалі тэсты на 100 балаў і зрабілі гэта без дапамогі рэпетытараў. >>>
ХІI моладзёвая археалагічная экспедыцыя
(Светлагорск, Гомельская вобласць)
30 ліпеня – 12 жніўня 2007 г. ў г. Светлагорску арганізуецца чарговая маладзёвая археалагічная экспедыцыя. Месца археалагічных раскопак: каля вёскі Адрубы Кабанаўскага сельскага Савета Жлобінскага раёна Гомельскай вобласці. Экспедыцыю наладжвае грамадскае аб’яднаньне “Таварыства беларускай мовы імя Францыска Скарыны”. Раскопкамі кіруе навуковы супрацоўнік Інстытута гісторыі Нацыянальнай Акадэміі навук Беларусі (г. Мінск). Прыём заявак на ўдзел у экспедыцыі – да 15 ліпеня.
Міхась Булавацкі, настаўнік вышэйшай катэгорыі Магілёў
bulavacki@mail.ru
Неяк пачаў гаварыць з заслужанай настаўніцай Беларусі Дз.Алейнікавай пра недахопы дзейных падручнікаў геаметрыі. Дзіна Канстанцінаўна ўсміхнулася і сказала: “А я не бядую, што падручнікі няўдалыя. Калі я навучу сваіх чытаць няўдалыя падручнікі, то яны змогуць разбірацца з іншымі матэматычнымі тэкстамі. А матэматыкі рэдка пішуць прыгожа і даступна.” Што ж, калі стаць на яе пазіцыю, то добраўспрымальныя падручнікі для матэматычных класаў і не патрэбныя.
Міхась Булавацкі, настаўнік вышэйшай катэгорыі Магілёў
bulavacki@mail.ru
Неяк пачаў гаварыць з заслужанай настаўніцай Беларусі Дз.Алейнікавай пра недахопы дзейных падручнікаў геаметрыі. Дзіна Канстанцінаўна ўсміхнулася і сказала: “А я не бядую, што падручнікі няўдалыя. Калі я навучу сваіх чытаць няўдалыя падручнікі, то яны змогуць разбірацца з іншымі матэматычнымі тэкстамі. А матэматыкі рэдка пішуць прыгожа і даступна.” Што ж, калі стаць на яе пазіцыю, то добраўспрымальныя падручнікі для матэматычных класаў і не патрэбныя.
Рух “За Свабоду” абвяшчае конкурс «Свабода – гэта…".
Жадаючыя прыняць удзел у конкурсе павінны даць сваё ўнікальнае азначэнне СВАБОДЫ, працягнуўшы фразу «Свабода – гэта…". Дзесяць лепшых вызначэнняў СВАБОДЫ будуць нанесеныя ў будучым у якасці надпісаў на кашулькі, а дзесяць аўтараў – пераможцаў атрымаюць каштоўныя падарункі.
Мэта конкурсу даць магчымасць кожнаму задумацца над тым, што такое СВАБОДА, як мы яе разумеем і ці варта баяцца свабоды. Усе вызначэнні Свабоды будуць апублікаваныя на сайце www.mlinkevich.org.
Настаўнік арганізаваў у Астраўцы выставу “Птушкі-2007”.
Паводле Belngo.info
Гасцёўня пры раённай бібліятэцы Астраўца прымала званых гасцей — фотамастакоў з Гродна, сябраў грамадскага аб’яднання “Ахова птушак Бацькаўшчыны” Георгія Гулеўскага і Зміцера Вінчэўскага. А запрасіў іх прыехаць у мястэчка вялікі аматар прыроды і знаўца птушынага свету настаўнік Станіслаў Памецька.
Лёс падручніка па гродназнаўству
Паводле Harodnia.com
Ужо колькі год у гарадзенскіх школах плануецца ўвесці курс Гродназнаўства. Дзеля гэтай мэты аўтарскі калектыў пачаў яго падрыхтоўку. Больш за год аўтарскі калектыў з гродзенскіх спецыялістаў Шведа, Госцева, Карнелюка, Дабрыяна, Чарнякевіча, Гардзеева і Гуменнага рыхтавалі новы падручнік. Літаральна месяц таму ён быў перададзены на рэцэнзаванне ў гарвыканкам. Падручнік чыталі мэр Гродна Антоненка, яго намеснік Лявонаў, ідэолагі Скробка, Амелька і Дубавец.
За ліцэй сапраўдны – з мовай і праўдай! 
Плакат з такім надпісам упрыгожваў залю, дзе на выпускную вечарыну сабраліся ліцэісты Беларускага гуманітарнага ліцэя, іх бацькі, настаўнікі, ды іншыя госці. Рэжысёр Валеры Мазынскі ўручыў выпускнікам ганаровыя дыпломы Таварыства беларускай школы «За вернасць беларускай мове, адданасць нацыянальнай школе і ідэалам вольнасці Беларусі". Гэта першы выпуск ліцэістаў, якія прыйшлі ўжо ў зачынены ліцэй у 2003 годзе і чатыры гады навучаліся ў падпольных умовах на прыватных кватэрах. Часам ад АМАПаўцаў і бабулек-суседак іх баранілі журналісты. Яны на вечарыне былі жаданымі гасцямі.
Вечарына адбывалася якраз у купальскую ноч. Гучала дуда Змітра Сідаровіча, купальскія спевы. Былыя талакоўцы Вера Кандраль і Ілля Арыстаў навучылі ўсіх прысутных беларускім гульням. А скульптар Генік Лойка адкрыў сваю скульптуру «Абарона ліцэя».
Аналітычны цэнтр «Стратэгія» запрашае ў Летнюю школу.
У гэтым годзе яна прысьвечана праектам разьвіцця пераходных краінаў у новым стагоддзі.
Да ўдзелу запрашаюцца аспіранты, выкладчыкі, вельмі разумныя (не па гадах) студэнты, захопленыя актыўныя людзі розных прафесій, у тым ліку з сферы бізнэсу. Шанцы патрапіць на школу рэзка ўзрастаюць, калі вы прадставіце сваю працу (артыкул, аналітычнае даследаванне, публікацыю, інтэлектуальны праект) па арыгінальнай тэме. Ваш удзел у Школе пачынаецца з вашых ідэй, вашых даследаванняў.