Архіў навін
Да ўвагі школьных рок-гуртоў
Шанец для маладых музыкаў: летняя складанка ад Студфармату і Беларускай Музычнай Альтэрнатывы.
Выданне музыкі на дыску — мара для кожнага маладога гурта, і апошнім часам такіх магчымасцяў для калектываў усё больш. У Мінску рыхтуецца новая музычная складанка пазітыўнай і эксперыментальнай музыкі, да ўдзелу ў якой запрашаюцца ўсе ахвотныя ды амбітныя.
Такія салянкі — не навіна ў беларускай музыцы, але цяпер арганізатары мэтаскіравана жадаюць адшукаць новыя таленты і зоркі кватэрнікаў і выступаў у пабах. Можна чакаць, што яны вас знойдуць, а можна даслаць свой запіс на пошту. Патрабаванні да стылю творчасьці даволі шырокія: музыка мае быць пазітыўнай і не вельмі цяжкай, а песні маюць выконвацца на беларускай мове. Рок, ска, рэггі, любыя эксперыменты вітаюцца.
Прадусара для сябе знайсці цяжка, але якому музыку лёгка ў Беларусі? Зараз выйсці ў сьвет вам дапамогуць StudFarmat і БМА. Запісы і інфармацыю пра сябе можна дасылаць на пошту studfarmat@gmail.com да 5 мая.
Паводле Нашай Нівы
Тры вольныя месцы ў беларускім садку
Засталіся 3 вольных месцы (17 запісалася, магчыма 20 чалавек) у групе 3‑4 год у дзіцячым садку №570 па вул.Чайлыткі 8, тэрмін звароту — па жнівень 2009 г. Кантакт — +375 29 395 73 99 Дар’я
Паводле Нашай Нівы
Стыпендыі на навучанне і даследчую дзейнасць у Нарвегіі
Нарвежскі ўрад заснаваў стыпендыі, якія спрыяюць абмену дактарантамі/аспірантамі і маладымі даследчыкамі з іншых краін. Стыпендыі адчыненыя ва ўсіх галінах, у тым ліку прыкладное і выканаўчае мастацтва. Іх можна атрымаць у акрэдытаваных нарвежскіх універсітэтах, даследчых інстытутах, каледжах і іншых арганізацыях універсітэцкага ўзроўню.
Стыпендыя пакрывае выдаткі на дзесяцімесячнае прыбыванне ў Нарвегіі. Іх могуць атрымаць дактаранты, аспіранты і спецыялісты, якія атрымалі ступэнь доктара, кандыдата не болей за 6 гадоў таму. Кандыдаты мусяць валодаць англійскай альбо нарвежскай (дацкай, шведскай) мовамі.
Стыпэндыі даюцца на 1–10 месяцаў цягам аднаго навучальнага году. Асенні семестр – з сярэдзіны жніўня да сярэдзіны снежня, веснавы – з сярэдзіны студзеня да сярэдзіны чэрвеня. Памер стыпендыі – 12 000 нарвежскіх кронаў у месяц для дактарантаў і 15 000 кронаў для кандыдатаў навук. Акрамя таго, пры доўгім прыбыванні вылучаецца 10 000 кронаў на абсталёўванне.
Штогод стыпендыі вылучаюцца прыкладна на 8 млн.кронаў і іх атрымліваюць каля 100 чалавек.
Да заявы на стыпендыю неабходна прыкласьці запрашэнне нарвежскага боку.
Апошні тэрмін падачы заявак: 22 красавіка 2009 году.
Больш падрабязную інфармацыю можна атрымаць у Міждзяржаўнай асацыяцыі паслядыпломнай адукацыі па тэл. 495 434–24–38.
Паводле рассылкі belngo.info
Канферэнцыя па культуры і медыях у Вільні
Канферэнцыя на тэму «Культура і медыі: лакальныя і глабальныя аспекты» адбудзецца 22–23 мая ў Вільні. Галоўнай мэтай сустрэчы будзе аналіз і ўзмацненне сувязі паміж медыямі і культурай на глабальным і лакальным узроўнях.
Працоўныя мовы – англійская і літоўская.
Удзел ў канфэрэнцыі бясплатны. Арганізатары могуць пакрыць выдаткі на пражыванне і харчаванне, але не кампенсуюць выдаткі на праезд.
Магчымыя тэмы для выступаў (але не абавязкова імі абмяжоўвацца):
* Уплыў медыяў на сацыяльнае жыццё.
* Медыі і канструяванне ідэнтыфікацыі (нацыянальнай, этнічнай, гендэрнай).
* Пасярэдніцтва палітыкі, штодзённае жыццё і грамадская сфера.
* Арт-медыі і іх месца ў сучаснай культуры.
* Месца тэорыі медыяў у сучасным гуманітарным дыскурсе.
Каб прыняць удзел у канферэнцыі, неабходна даслаць заяўку і рэзюмэ (да 1500 знакаў) па адрасе arunas_mickevicius@yahoo.com і vilius.dranseika@fsf.vu.lt.
Апошні тэрмін падачы заявак: 1 мая 2009 году.
Паводле рассылкі belngo.info
Сцэнар распрацаваны настаўніцай музыкі мінскай школы №67 Наталляй Мікалаеўнай Пятніцкай.
Спампаваць сцэнар
Спампаваць тэксты песень
Сцэнар Калядаў
Сцэнар распрацаваны настаўніцай музыкі мінскай школы №67 Наталляй Мікалаеўнай Пятніцкай.
Спампаваць сцэнар
Спампаваць тэксты песень
Творчы конкурс “Сямейны альбом. 1989–2009”
Запрашаем прыняць удзел у конкурсе, прысвечаным 20-ай гадавіне ад моманту падзення Берлінскага мура і аб’яднання Германіі.
Да ўдзелу ў конкурсе, які ладзіцца Інстытутам імя Гётэ ў Мінску, можна дасылаць сямейныя гісторыі ў выглядзе фотаздымкаў, калажоў, малюнкаў, фільмаў, што адлюстроўваюць імгненні таго пераломнага моманту ў жыццях не толькі немцаў, але і беларусаў.
Мовы конкурса: нямецкая, беларуская, руская.
Апошні тэрмін – да 30 верасня.
Працы трэба дасылаць на эл.пошту volontaer@minsk.goethe.org альбо звычайнай поштай з пазнакай «Сямейны альбом» на адрас Інстытута імя Гётэ ў Мінску: Вул. Фрунзе 5, 220034 Мінск.
Паводле Кронікі грамадзскага жыцьця Гарадзеншчыны
Летнік для аматараў птушак
З 25 красавіка да 5 траўня ў Тураве (Гомельская вобл.) Грамадская арганізацыя “Ахова птушак Бацькаўшчыны” ладзіць летнік па кальцаванні кулікоў ды іншых водна-балотных відаў птушак.
Летнік адбудзецца на базе станцыі кальцавання птушак “Тураў”.
Да ўдзелу запрашаюцца ўсе зацікаўленыя асобы, старэйшыя за 18 год, перавага аддаецца студэнтам.
Выйшаў новы даведнік даведнік для абітурыентаў ССНУ
Даведнік для абітурыентаў сярэдніх спецыяльных навучальных устаноў выйшаў у выдавецтве «Вышэйшая школа». Зараз выпускнікі 2009 гады могуць азнаёміцца з правіламі прыёму, поўнай і дакладнай інфармацыяй аб формах навучання, спецыяльнасцях і спецыялізацыях, кваліфікацыях, якія можна атрымаць у выніку навучання, уступных выпрабаваннях, леташнім прахадным бале, прыкладным плане прыёму, кошце навучання. Нялішняй будзе інфармацыя аб магчымасці атрымаць месца ў інтэрнаце. У даведніку адзначаныя спецыяльнасці, на якія прымаюцца асобы з абмежаванымі фізічнымі магчымасцямі, а таксама змешчаныя новыя праграмы ўступных выпрабаванняў на 2009 г.
Паводле газеты Звязда
Гэтую маляванку зрабілі вучоныя-эколагі Іна Зеніна і Валер Дранчук разам з мастаком Пётрам Арлоўскім. Кніжка вытрымала два перавыданні, мае шмат добрых водгукаў педагогаў-дашкольнікаў і настаўнікаў пачатковых класаў. Яны адзначаюць, што кніга мае выразны прыродаэтычны змест, вучыць дзетак любіць і заўважаць сваё. А зараз вы самастойна зможаце раздрукаваць размалёўкі для сваіх дзетак.
Калі ласка, пампуйце МАЛЯВАНКА