Архіў навін
Міжнародная летняя школа ва Умані (Украіна)
Міжнародная летняя школа на тэму “Шляхі вывучэння ды інтэрпрэтацыі гісторыі Цэнтральнай і Усходняй Еўропы” адбудзецца з 4 па 11 ліпеня 2009 году ў горадзе Умань, Украіна.
Мэта школы — вывучэнне міждысцыплінарных мэтадалагічных праблемаў у даследніцкай галіне; азнаямленне з новымі падыходамі вядзення дасьледаванняў, якія тычацца інтэрпрэтацыі гістарычных падзеяў. Акцэнт будзе рабіцца на дасьледванні гістарычных падзеяў у краінах Цэнтральнай ды Усходняй Еўропы, аднак навукоўцы, якія займаюцца іншымі геаграфічнымі рэгіёнамі таксама запрашаюцца да ўдзелу.
Форма правядзення школы: удзельнікі мусяць зрабіць прэзентацыі сваіх даследаванняў, якія яны будуць дэманстраваць падчас заняткаў; лекцыі, дыскусіі, экскурсіі.
Да ўдзелу запрашаюцца: любыя даследчыкі (студэнты, аспіранты, навукоўцы) у разнастайных галінах — у тым ліку, сацыялогіі, паліталогіі, псіхалогіі, антрапалогіі, культуры.
Працоўная мова — англійская.
Усе выдаткі па харчаванні, пражыванні, навучанні, экскурсіях і праезду ў межах краіны бяруць на сабе арганізатары. Выдаткі на праезд удзельнікаў з іншых краінаў не аплочваюцца.
Апошні тэрмін падачы заявак на ўдзел: 15 красавіка 2009 году.
Падрабязную інфармацыю на англійскай мове чытайце ў файле.
Паводле рассылкі belngo.info
Стажыроўка для журналістаў
Дэпартамент грамадскай інфармацыі ААН абвесціў конкурс імя Рэхама Аль-Фары (Reham Al-Farra) на ўдзел у праграме стажыроўкі для журналістаў. Заяўкі прымаюцца ад журналістаў, якія працуюць у друкаваных СМІ, на тэлебачанні, радыё, у Інтэрнэт-выданнях.
Стажыроўка будзе адбывацца з 8 верасня па 16 кастрычніка 2009 году.
Апошні тэрмін падачы заявак: 10 красавіка 2009 году.
Падрабязнасці чытайце па-англійску на сайце: http://ngo.by/files/RAF%20Memorial%20Fellowship_Announcement(UKR).pdf
.
Форму заяўкі глядзіце ў файле.
Паводле рассылкі belngo.info
Зварот да настаўнікаў-краязнаўцаў
Шаноўныя калегі.
18 красавіка ва ўсім свеце па ініцыятыве ЮНЭСКА, ужо 26-ты раз, адзначаецца Міжнародны Дзень помнікаў і мясцінаў. У гэты дзень прынята звяртаць асаблівую ўвагу на адметныя помнікі гісторыі і культуры, каб мацней адчуць значнасць гістарычных мясцін і прыналежнасць да мінулага і будучыні свайго краю. У дачыненні да нашай краіны гэтае свята набывае асаблівае значэнне. Менавіта ў Беларусі з яе закінутымі храмамі, зруйнаванымі сядзібамі і зарослымі кустоўем могілкамі неабходна як найчасцей нагадваць грамадству пра нашу адказнасць перад нашчадкамі – захаваць і аднавіць тое, што мы яшчэ маем.
2009-ы год абвешчаны ў Беларусі Годам роднай зямлі. Гэта добрая нагода падтрымаць сусветную традыцыю святкавання Міжнароднага дня помнікаў і мясцінаў. Давайце ўключым свой патэнцыял у справу пашырэння ведаў пра гісторыка-культурную спадчыну Беларусі і асэнсавання яе значнасці! У прыватнасці...
ЕГУ праводзіць канферэнцыю і запрашае на дні адчыненых дзвярэй
16–17 мая 2009 года Еўрапейскі гуманітарны універсітэт праводзіць штогадовую навуковую канферэнцыю студэнтаў і аспірантаў “Еўропа 2009: новае суседства”, прысвечаную сучасным праблемам палітыкі, права і культуры ў еўрапейскім вымярэнні.
Да ўдзелу ў канферэнцыі запрашаюцца студэнты бакалаўрскіх і магістарскіх праграм, аспіранты беларускіх, літоўскіх ВНУ і ВНУ іншых краін.
Секцыі канферэнцыі:
- Права і дэмакратыя: выклікі часу
- Беларусь і еўрапейская ідэнтычнасць
- Беларусь-Літва: гісторыя і памяць
- Музей у кантэксце культур
- Мастацтва і філасофія ў сучасным свеце
- Медыятэксты: чытанне, разуменне, крытыка
- Прыватнае vs публічнае ў кантэксце гендэрнай тэорыі
- Палітыка і грамадства: сучасныя палітычныя даследаванні
Працоўныя мовы канферэнцыі: беларуская, руская, англійская. Па выніках канферэнцыі плануецца выданне зборніка навуковых прац, найбольш цікавыя даклады будуць адзначаныя дыпломамі ЕГУ.
Заяўкі на ўдзел і тэзісы прымаюцца да 5 мая 2009 г. на электронны адрас: science @ ehu.lt (тэма – “Europe 2009”). Праз гэты самы адрас можна атрымаць кансультацыю па арганізацыі і правядзенні канферэнцыі. Студэнты, магістранты, аспіранты, якім патрабуецца візавая падтрымка, павінны даслаць заяўкі да 5 красавіка 2009 г.
Да ўвагі абітурыентаў і іх бацькоў: 25 красавіка і 23 мая 2009 года – дні адчыненых дзвярэй у ЕГУ.
Праявім прафесійную салідарнасць са звольненай настаўніцай Мар'янай Груздзіловіч!
Як паведаміла Радыё Свабода, падставай для звальнення з цэнтру SOL у Мінску стала дыскусія выкладчыцы англійскай мовы з 13-гадовай навучэнкай (дачкой палкоўніка МУС), якая заявіла, што ў Дзень Волі на вуліцы выходзяць “тупыя ўроды з апазіцыі” і нешта крычаць. Спадарыня Груздзіловіч не пагадзілася, заявіўшы, што сама наведвае апазіцыйныя акцыі і бачыць там пераважна інтэлігентных людзей. Аднак менавіта ў Дзень Волі загадам кіраўніцтва цэнтру SOL у Мінску выкладчыца была звольненая на падставе абвінавачання ў парушэнні статуту арганізацыі.
На наступны ж дзень у падтрымку настаўніцы, звольненай за палітычныя перакананні і з парушэннем заканадаўства, узнялася кампанія салідарнасці. За дзень толькі ў цэнтральны офіс брытанскай кампаніі ў сувязі са звальненнем супрацоўніцы цэнтру SOL у Мінску прыйшло каля 130 электронных лістоў.
Настаўнік.інфо прапануе далучыцца да кампаніі і праявіць салідарнасць з каляжанкай. Дасылайце электроныыя лісты на solminsk@nsys.by, і ў цэнтальны офіс кампаніі ў Вялікабрытаніі на адрас sol@sol.org.uk.
Тэкст ліста па-англійску можна скапіяваць тут
Прэса пра звальненне Мар'яны Груздзіловіч
Выкладчыцу звольнілі з-за БНР
Мар’яна Грузьдзіловіч зноў расчаравала “SOL Minsk”
Ванда Дармаян: «Гэта хлусня, што яе звольнілі за палітыку»
Брытанскі цэнтр SOL даслаў першыя адказы на лісты з Беларусі
Матэрыял з досведу патрыятычнага выхавання
Сваім досведам выхаваўчай працы ў мінскім дзіцячым садку №534 падзялілася выхвальніца Святлана Купрэйчык
Спампаваць матэрыял (doc, 153 КБ)
ТБМ набірае вучняў 7—9 класаў на бясплатныя курсы беларускай мовы
Сакратарыят «Таварыства беларускай мовы імя Франішка Скарыны» 18 сакавіка абвясціў набор вучняў 7—9 класаў Мінска і Мінскага раёна на бясплатныя курсы беларускай мовы, гісторыі і літаратуры.
Дзейнасць курсаў, на якіх будуць выкладаць вядомыя беларускія навукоўцы, пісьменнікі і грамадскія дзеячы, прадугледжана аб'яднаць з экскурсіямі па Беларусі і іншых краінах. Прычым падчас навучання ўдзельнікі курсаў змогуць атрымаць дапамогу ў падрыхтоўцы да тэстаў за курс базавай і сярэдняй школы.
Арганізацыйны збор вучняў адбудзецца 15 красавіка ў 18.00 у сталічнай сядзібе ТБМ (Мінск, вуліца Румянцава,13. Тэлефон: 284 85 11).
Паводле naviny.by
Міжнародны семінар па відэа-журналістыцы
Міжнародны сэмінар па відэа-рэпартажах для рускамоўных падлеткаў ладзіць Дзіцячы фонд ААН у Кіеве.
Семінар ладзіцца з 13 да 17 мая.
Удзельнікі сэмінару атрымаюць навыкі здымкі рэпартажаў, мантаваньня відэа-матэрыялаў для таго, каб удзельнічаць у стварэньні міжнароднай моладзевай праграмы.
Па сканчэнні семінара ўдзельнікі працягнуць працаваць у сваіх краінах, вырабляючы да размяшчаючы свае сюжэты на Інтэрнэт-партале ЮНІСЭФ.
Мова семінара – руская і англійская.
Удзельнікі будуць рабіць відэасюжэты па-руску з англійскімі субтытрамі.
ЮНІСЭФ пакрывае ўсе выдаткі ўдзельнікаў.
Для падачы заяўкі кандыдат мае быць ва ўзросце ад 13 да 19 гадоў. Досвед правядзення здымак ёсць пажаданай, але не абавязковай умовай удзелу. Больш важна, каб было багата цікавых ідэй і гісторый, якімі вы б хацелі падзяліцца з іншымі. Калі кандыдат на ўдзел ёсць валянтэрам грамадскай альбо студэнцкай арганізацыі, гэта неабходна адзначыць у лісце.
Для ўдзелу неабходна даслаць рэзюмэ на англійскай альбо рускай мове і кароткі ліст да арганізатараў, з якога мусіць быць зразумела, чаму Вы – найлепшы кандыдат для ўдзелу ў праекце. Электронны адрас для заявак: cschuepp@unicef.org.
Апошні тэрмін падачы заявак – да 31 сакавіка.
Адбор удзельнікаў ладзіцца па выніках разгляду заявак.
Паводле рассылкі Кронікі грамадзскага жыцьця Гарадзеншчыны
Каментвваць
Стажыроўка для маладых актывістаў у Чэхіі
Праграма «Стажыроўка імя Паўла Цігрыда» прадугледжаная для маладых людзей (25–30 гадоў), якія займаюцца актыўнай грамадскай дзейнасцю ў Беларусі. Стажыроўку арганізуе Асацыяцыя па міжнародных пытаннях www.amo.cz.
Галоўная мэта – даць магчымасць удзельнікам стажыроўкі азнаёміцца з працэсамі трансфармацыі ў Чэхіі, дзейнасцю ўрадавага і няўрадавага сектароў, а таксама магчымасць паўдзельнічаць у працы чэшскіх грамадскіх арганізацыях на пазіцыі стажора.
Арганізатары кампенсуюць выдаткі на візы, стархоўку, праезд, пражыванне. Удзельнікам стажыроўкі прадастаўляецца стыпендыя.
Праграма складаецца зь дзвюх частак:
– першая частка адбудзецца з 3.05.2009 да 29.05.2009,
– другая частка адбудзецца з 29.05.2009 да 28.06.2009.
Зацікаўленыя ва ўдзеле ў стажыроўцы імя Паўла Цігрыда мусяць даслаць у бліжэйшы тэрмін ліст, які пацьвярджае зацікаўленасць, на адрас mailto:spt@amo.cz, і ім перашлюць анкету для запаўнення.
Апошні тэрмін падачы запоўненых анкетаў: 15 красавіка 2009 году.
Паводле рассылкі belngo.info
Каментвваць
Урокі з выкарыстаннем разнастайных актыўных методык навучання (развіццё крытычнага мыслення, узаеманавучанне, метад «Шэсць капелюшоў мыслення» і інш.) нам даслала настаўніца івацэвіцкай школы №1 Вольга Брыч