Архіў навін

Прэзентацыі да ўрокаў гісторыі Беларусі

Шэраг прэзентацый, зробленых настаўніцай ліцэя г. Барані Таццянай Лабанавай.

Прэзентацыя “Барока” (ppt, 2,4) для 7 класа (і не толькі. Яе магчыма выкарыстовываць на любых уроках па гісторыі Беларусі і на пазакласных мерапрыемствах) змяшчае ў сабе шэраг фотаздымкаў з сайта “Глобус Беларусі” і распавядае пра яскравую старонку беларускай культуры часоў Вялікага княства Літоўскага.

Прэзентацыі па культуры Беларусі першай (ppt, 3,3 МБ) і другой (ppt, 1,6 МБ) паловы 19 ст. змяшчаюць набор слайдаў з тэкставай і нагляднай інфармацыяй. Улічваючы той факт, што тэмы па культуры амаль што заўсёды неяк дрэнна ўспрымаюцца вучнямі, магчыма, такая форма дапаможа настаўніку прадставіць тэму інакш.

Прэзентацыя “Беларусь у час Кастрычніцкай рэвалюцыі. Утварэнне БНР” (ppt, 1,7 МБ) (для 11 класа) змяшчае шэраг дакументаў, карт, выяў, фактаў, якія дапамогуць утварыць агульную карціну, склаўшуюся па беларускім нацыянальным пытанні ў 1917–1918 гг. Гэты матэрыял дапаможа настаўнікам і вучням арганізаваць размову, дыскусію па прапанаваным пытанні. Гэты матэрыял добра ўспрымаецца падрыхтаванай аудыторыяй, гатовай да размовы па гэтым пытанні.

Урокі геаграфіі па тэхналогii развiццёвага навучання

Настаўнiца геаграфii
гiмназii №10 г. Маладзечна Галiна Дрокiна даслала шэраг сваіх распрацовак урокаў. Адна з іх – гэта ўрок 8 клас па тэме «Прыродныя зоны Паўднёвай Амерыкi» з выкарыстаннем тэхналогii развiццёвага навучання.


Спампаваць матэрыял (doc, 292 КБ)

Таксама прапануем вам яе цікавыя ідэі для правядзення апошніх заняткаў па геаграфіі, калі ўсім вучням хочацца як мага хутчэй разысціся, але ўрок належыць правесці. У такім выпадку трэба зрабіць так, каб час урока не прайшоў дарэмна ні для настаўніка, ні для навучэнцаў

Спампаваць артыкул (doc, 56 КБ)

Урок па біялогіі на тэму “Кровазварот”

Арыгінальную распрацоўку ўрока, зробленую на добрым інфармацыйна-тэхналагічным узроўні, даслала нам настаўніца гарадзенскай гімназіі №6 Гелена Гупянец.

Урок праводзіўся восенню 2008 года ў дзевятым класе, дзе біялогія выкладалася на базавам узроўнні. Большасць вучняў у гэтым класе знаходзілася на 4 і 5 узроўнні навучання па біялогіі.

Складанасць зместу ўроку “Кровазварот” для вучняў заключаецца ў тым, што ўявіць сабе працэсы руху крыві ў арганізме, пераўтварэння артэрыальнай крыві ў вянозную па падручніку амаль што немагчыма.
Арганізацыя працэсу навучання перш за ўсе звязана з пастаўленымі мэтамі (знаходзяцца ў распрацоўцы ўроку), і мала таго, з асэнсаваннем і прыняццем іх вучнямі. Пастаўленныя мэты адпавядаюць запатрабаванням, магчымасцям і ўзроставым асаблівасцям вучняў.

Для дасягнення гэтых мэтаў былі падабраныя заданні, накіраваныя на ўменні выбіраць галоўны матэрыял, параўноваць, усталеўваць сувязі паміж будовай і функцыямі крывяноснай сістэмы. У пачатку ўроку ствараецца пралемная сітуацыя, якая вырашаецца напрыканцы ўрока.

Спампаваць матэрыял (doc, 205 КБ)

Спампаваць прэзентацыю (ppt, 1,35 МБ)

Спампаваць анімацыю «Сасуды» (exe, 2,8 МБ)

Спампаваць анімацыю «Кругі кровазвароту» (exe, 3,1 МБ)

Пазакласныя мерапрыемствы “Праяўленні гвалту над дзецьмі і ахова правоў дзіцяці. Гандаль людзьмі”

Гэты матэрыял па прававым выхаванні дапаможа настаўніку ў даступнай для дзяцей форме пазнаёміць іх з асноўнымі палажэннямі «Канвенцыі аб правах дзіцяці" і некаторымі артыкуламі «Усеагульнай дэкларацыі правоў чалавека»; дапамогуць адкрыць жыццё ва ўсёй яе поўнасці, шанаваць шчасцем і добрымі чалавечымі пачуццямі. Аўтар – настаўніца глыбоцкай школы №3 Лідзія Раманчук

Спампаваць матэрыял (doc, 240 КБ)

Спампаваць прэзентацыю «Заставайся свабодным!» (ppt, 1,27 МБ)