Архіў навін
Праектная дзейнасць: Чэшскі досвед развіцця прынцыпу learning by doing у сярэдніх школах
16 – 17 жніўня 2010 г. у Вільні прайшоў метадычны семінар для настаўнікаў “Праектная дзейнасць. Чэшскі досвед развіцця прынцыпу learning by doing у сярэдніх школах”, зарганізаваны Асацыяцыяй міжнародных пытанняў (АМО) і Асацыяцыяй па выхаванні грамадзянскасці і дэмакратыі (SVOD).
Праектная дзейнасць – выкарыстанне ў педагагічным працэсе г.зв. метаду праектаў, распрацаванага ў 20-я гг. ХХ ст. Заснавальнікі метаду, амерыканскія педагогі Дж.Д’юі ды У.Г.Кілпатрык прапанавалі будаваць навучанне на актыўнасці і практычнай дзейнасці саміх дзяцей, з абавязковым улікам і выкарыстаннем іх асабістых інтарэсаў.
Адначасова з даследаваннямі амерыканскіх педагогаў ідэі праектнага навучання ўзніклі і ўкараняліся на нашых землях. Рускі філосаф М.Ф. Фёдараў распрацаваў прынцып адзінства тэарэтычных ведаў і практычнага дзеяння. Педагог Станіслаў Шацкі (паходзіў з этнічна беларускай Смаленшчыны) у 1905 г. зарганізаваў невялікую групу супрацоўнікаў, якая актыўна ўжывала праектныя метады ў навучальна-выхаваўчай практыцы. У 1931 г. у СССР метад праектаў быў забаронены пастановай ЦК ВКП(б), традыцыя была перарваная…
Тым часам, у ЗША і краінах Еўропы метад праектаў плённа развіваўся, здабыўшы заслужаную папулярнасць дзякуючы рацыянальнаму спалучэнню тэарэтычных ведаў і іх практычнага прымянення пры вырашэнні канкрэтных навучальных праблемаў. Вядома, з часам метад праектаў зазнаў пэўную эвалюцыю – але яго сутнасць па-ранейшаму застаецца нязменнай: стымуляваць жаданне вучняў шукаць, выпрабоўваць і ажыццяўляць рашэнні актуальных праблемаў.
«Праект – гэта не даклад, не рэферат і нават не навуковае даследаванне. У сённяшняй педагогіцы праектам прынята лічыць тэхналогію вырашэння пэўнай практычнай праблемы і стварэнне пэўнага прадукту», – зазначаюць беларускія настаўнікі, знаёмыя з метадам.
Рэдакцыя Nastaunik-info паўдзельнічала ў семінары, на якім чэшскія педагогі Марцін Матэйка і Радэк Прохазка дзяліліся з беларускімі калегамі ўласным досведам з абсягу праектнай дзейнасці. Цягам наступных дзён мы будзем выкладаць для вас, шаноўныя сябры, тэарэтычныя асновы метаду праектаў, а таксама свае назіранні і напрацоўкі, здабытыя на гэтым адукацыйным мерапрыемстве.
Прэзентацыя «Метад праектаў": спампаваць
Грантавы конкурс Еўракамісіі
Еўракамісія абвясціла пра грантавы конкурс у межах праграмы "Інвеставанне ў людзей", мэтай якой з’яўляецца павышэнне якасці жыцця ў краінах-партнэрах Еўразвязу.
Тэма конкурсу – “Барацьба супраць дзіцячай працы”.
Памер гранту – ад 25 000 еўра да 1 000 000 еўра.
Апошні тэрмін падачы заявак – 10 верасня.
Анкета знаходзіцца па спасылцы
Трэнінг для настаўнікаў і адукатараў ад Еўрапейскай Камісіі
Еўракамісія ў супрацоўніцтве з AHA Moments запрашае на трэнінг “Autobiography of Intercultural Encounters”. Ён адрасуецца адукатарам ў галіне міжкультурных камунікацый, а таксама настаўнікам, якія цікавяцца методыкай навучання.
Курс адбудзецца ў Балгарыі (Сафія) з 18 па 20 кастрычніка. Мова трэнінга – ангелійская. Каб прыняць удзел у трэнігу, звяжыцеся непасрэдна з арганізатарамі, запоўніце анкету. Выбраным удзельнікам арганізатар верне грошы за транспарт ды іншыя кошты.
Анкета-заяўка знаходзіцца па адрасе www.ahamoments.eu
Апошні тэрмін падачы анкеты – 9 верасня.
я інфармацыя па тэл. ++359 898 60 46 41; ++ 35 9 2 967 1063; ++359 899 96 36 23, і па электронных адрасах leah.@ahamoments.eu , yananoel@gmail.com.
Паводле «Кронікі Гарадзненшчыны»
Школа маладога журналіста распачынае новы набор!
Грамадcкае аб’яднанне “Цэнтр “Трэці Сектар” абвяшчае набор у Школу маладога журналіста -14.
ШМЖ – гэта 7-месячныя курсы, якія складаюцца з тэарэтычнага і практычнага блокаў. Тэарэтычная частка прысвечаная асновам журналістыкі («Уводзіны ў журналістыку», «Прававыя і этычныя аспекты працы журналіста», «Жанры журналістыкі", «Асаблівасці газетнай, радыё- і інтэрнэт- журналістыкі" і многія іншыя ).
Практыку навучэнцы праходзяць у рэдакцыі інтэрнэт-газеты і радыё “Твой стыль“, а таксама ў відэарэдакцыі. Выкладчыкі і трэнеры ў ШМЖ — практыкуючыя прафесійныя журналісты беларускіх і замежных сродкаў масавай інфармацыі, а таксама псіхолагі, юрысты, філолагі.
Праект “Школа маладога журналіста” (ШМЖ) існуе з 1997 года. За 13 год ШМЖ прайшло больш за 270 хлопцаў і дзяўчат. Некаторыя з іх сталі лаўрэатамі нацыянальных і міжнародных узнагарод у галіне журналістыкі. Выпускнікі ШМЖ працуюць сёння ў газетах «Вечерний Гродно», «Гродзенская праўда», «Перспектива»,"Наша Ніва", «Белорусы и Рынок», на тэлеканале АНТ, а таксама ў замежных СМІ.
Да ўдзелу ў праекце “Школа маладога журналіста -14“ запрашаюцца гарадзенскія юнакі і дзяўчаты ад 16 да 25 гадоў. Заявы на ўдзел прымаюцца з 16 жніўня да 15 верасьня па адрасе: Гродна, вул. Будзёнага, 48а -11, з 12:00 да 17:00 (акрамя суботы і нядзелі).
Больш падрабязную інфармацыю можна атрымаць па тэлефонах: 8 (0152) 75 71 72; 8 (029) 7 830 845.
Паводле «Кронікі Гарадзненшчыны»
Сустрэча «Маладыя і актыўныя»
Запрашаем актыўных маладых людзей з Беларусі, якія ведаюць польскую мову, прыняць удзел у сустрэчы моладзі пад назвай «Маладыя і актыўныя», якую арганізуе 3 – 13 верасня 2010 г. Фундацыя «Новы Стаў" (Люблін, Польшча) yf просьбe канцsлярыі Сената Рэспублікі Польшчы.
Сустрэча будзе адбывацца ў гарадах Люблін (адкрыццё праграмы, знаёмства) і Новы Сонч (удзел у Эканамічным форуме маладых лідэраў). Плануецца, што гэта будзе 11-дзённы сустрэча 36 моладзевых лідэраў польскіх асяродкаў з Літвы, Беларусі і Украіны, якія прадстаўляюць польскія ўстановы, няўрадавыя арганізацыі (найперш моладзевыя) і школы. Сустрэча будзе праходзіць у форме практычных заняткаў на атрыманне лідэрскіх навыкаў. Сустрэча таксама будзе выдатнай магчымасцю для ўсталявання кантактаў з маладымі людзьмі з Польшчы і Еўропы. Больш падрабязную інфармацыю Вы можаце знайсці тут:
– Праграма сустрэчы
– Інфармацыя пра сустрэчу
– Інфармацыя пра Эканамічны форум маладых лідэраў
– Анкета на ўдзел у сустрэчы
Праект скіраваны на маладых людзей ва ўзросце 18–30 гадоў, пасяджэнні будуць праходзіць на польскай і ангельскай мовах. Шанец патрапіць на 11 дзён у еўрапейскі моладзевы асяродак ёсць у кожнага. Калі вы зацікаўлены паўдзельнічаць у сустрэчы, неабходна даслаць анкету на адрас: j.lis@eds-fundacja.pl. Адзіным і выключным крытэрам адбору ўдзельнікаў з Беларусі будзе чарговасць атрымання запоўненых анкет.
Конкурс “Беларусь гэта…”
У Брэсце распачалася акцыя-конкурс для моладзі «Беларусь гэта...», у межах якой плануецца выпрацаваць найлепшы сімвал Беларусі.
«Культура кожнага народу мае свае сімвалы. Яны прэзентуюць унікальнасць і непаўторнасць кожнай краіны, яе адметныя рысы. Нідэрланды пазнаюць па ветраках і цюльпанах, Аўстралію па кенгуру, Японію па катана і сакэ, Расію па самавару і матрошках. А з чым у замежнікаў, а перадусім у нас саміх, асацыюецца Беларусь? З бульбай, трактарамі - ці наогул ні з чым?»– так распавядае пра сваю ідэю яе арганізатар, жыхар Брэста Віктар Клімус.
Усім ахвотным прапануецца апісаць і даслаць на конкурс сваё бачанне найлепшага сімвалу Беларусі.
Паводле вынікаў конкурсу будзе выраблена сувенірная прадукцыя з сімваламі-пераможцамі. Кожны з актыўных удзельнікаў дыскусіі будзе мець магчымасць атрымаць сабе значак, бірульку ці іншы сувенір з абранай выявай. А аўтары трох найлепшых прэзентацый будуць узнагароджаны.
На конкурс прымаецца тэкст не большы за 12 сказаў. Ён мусіць пачынацца са словаў “Беларусь гэта...”, а далей мець назву і апісанне той рэчы ці з'явы, якой беларусы могуць сапраўды ганарыцца. Тэкст павінен змяшчаць абгрунтаваны адказ на пытанне, чаму гэты сімвал варты пашаны. Прапанаваныя сімвалы могуць быць любымі: прадметы побыту і тэхналогіі рамёстваў, артэфакты розных станавых пластоў і гістарычных эпох, міфалагічныя персанажы і іншыя элементы культуры. Вобразы могуць мець канкрэтнае ўвасабленне альбо быць абстрактнай з'явай. Але яны мусяць быць дакладна беларускія, пажадана ўнікальныя (не мець аналагі ў іншых культурах), і не з'яўляцца дзейнай сімволікай арганізацый і ўстаноў.
Прапановы можна дасылаць на электронны адрас lubluganarus@gmail.com
я інфармацыя – у сацыяльнай сетцы “Укантакце” http://vkontakte.ru/club19072840
Стыпендыі на навучанне ў Гішпаніі
Агульны дэдлайн 15 снежня 2010 г.
Дэдлайн на атрыманне студэнцкай візы – 12 жніўня 2010 г.
Стыпендыі для грамадзян з постсавецкай прасторы, памерам у 600 еўра, у якасці дапамогі пры аплаце выдаткаў на залічэнне і навучанне за ўвесь курс цалкам. Навучанне можа доўжыцца як адзін, так і два семестры. Для студэнтаў, якія не валодаюць гішпанскай мовай, магчыма навучанне на англійскай. Па заканчэнні навучання студэнты атрымаюць дыплом-сертыфікат, які падцярджае навучанне ва Універсітэце Кадыса. Дадатковая інфармацыя на www.auhr.es/es/
Паводле http://adukacyja.info
Пазакласныя заняткі
Тэма: здаровы лад жыцця
Клас: 6 клас
Аўтар: Вольга Рамановіч, Маладзечанскі р-н
Сцэнарый мерапрыемства па здаровым ладзе жыцця я праводзіла ў 6 класе. Сам клас у мяне невялікі, усяго 6 чалавек, таму ролю вядоўцы я ўзяла на сябе. Але, у залежнасці ад узросту і колькасці ўдзельнікаў, колькасць вядоўцаў можа быць любой і словы могуць размяркоўвацца на жаданне арганізатара. Змест таксама можа змяняцца – напрыклад, можна памяншаць або павялічваць колькасць «выспаў" у залежнасці ад часавага рэзерву.