Архіў навін

Еўрапейскі тыдзень з ЕГУ

Еўрапейскі гуманітарны універсітэт запрашае студэнтаў бакалаўрскіх, магістарскіх і аспіранцкіх праграм беларускіх, літоўскіх і замежных ВНУ прыняць удзел у міжкультурным праекце «Еўрапейскі тыдзень».

Праект задуманы з мэтай фармавання платформы для прэзентацыі Беларусі і
беларускай інтэлектуальнай супольнасці еўрапейскім калегам, а таксама для таго, каб азнаёміць беларусаў з працэсамі еўрапейскай інтэграцыі. Арганізатары «Еўрапейскага
тыдня» спадзяюцца, што гэтая падзея стане пачаткам усведамлення і фармавання ўласнай еўрапейскай ідэнтычнасці.

У рамках праекту мяркуецца правядзенне трохдзённай міжнароднай студэнцкай
канферэнцыі і праца трох секцый:

• Беларусь на межах Еўропы

• Еўропа як аб'ект вывучэння

• Цэнзура ў беларускіх медыя

Акрамя таго, удзельнікі канферэнцыі прымуць удзел у тэматычных круглых сталах з вядомымі беларускімі і замежнымі акадэмічнымі дзеячамі, палітыкамі, журналістамі і інш.
Падчас «Еўрапейскага тыдня» адбудзецца шэраг сустрэч з прадстаўнікамі еўрапейскіх арганізацый, фотавыстава і кінапаказы.

Даты правядзення мерапрыемства: 14 – 18 красавіка 2008 г. (Вільнюс, Літва).

«Пад сценамі старажытных замкаў"

Урок па курсе «Мая Радзіма – Беларусь» на падставе матэрыялаў Л. В. Базыльчык. Аўтар – Сыско Iрына Генрыхаўна – настаўнiца пачатковых класаў вышэйшай
катэгорыi. Удзельнiца семiнараў «Настаўнiк. Школа. Грамадства»,
стажыровак у навучальных установах Польшчы. Кiруе гуртком «Знаўцы роднай
мовы». Аўтар метадычнага дапаможнiка «Шляхi да роднай мовы» (выдавецтва
«Садзейнiчанне»). Паспяхова скончыла дыстанцыйныя курсы у ЕГУ «Сучасная
беларуская мова» i «Экскурсазнаўства».

Спампаваць матэрыялы (zip, 36 КБ)

На старонцы нашай галерэі можна пабачыць фотаздымкі з адкрытага ўрока (12 лютага 2008 года ў 4 “Г” класе СШ № 10 г. Гродна) і музейных заняткаў.

Праграма стажыровак у ЗША «Захаванне культурнай спадчыны»

У файлах IATP.gif і Anketa_udzelnika.doc вы знойдзеце апісанне конкурсу «Захаванне культурнай спадчыны», патрабаванні да ўдзельнікаў, інструкцыю па запаўненні анкеты і форму анкеты.


Апошні тэрмін падачы дакументаў: 1 красавіка 2008 году.


Анкеты дасылайце на электронны адрас: comcon@amcenter.by альбо на паштовы: г. Мінск, пр-т Незалежнасці 169, п. 512. Па пытаннях удзелу ў праграме звяртайцеся ў прадстаўніцтва карпарацыі American Center for Education and Research, Inc. па тэл.: (017) 2181264, (017) 2181267, (017) 2181268 (Вольга Прушак).

Паводле рассылкі belngo.info

Пачатак прыёмнай кампаніі ЕГУ

Еўрапейскі гуманітарны універсітэт распачынае прыём студэнтаў на дзённае і завочнае аддзяленні бакалаўрскіх праграм па ўсіх кірунках навучання ў ЕГУ: дызайн, гісторыя, філасофія, камунікацыя і інфармацыя, паліталогія і еўрапейскія даследаванні, міжнароднае права, сучаснае мастацтва, турызм і рэкрэацыя.


На бакалаўрскія праграмы прымаюцца грамадзяне Беларусі і іншых дзяржаў, якія маюць сярэднюю адукацыю. Навучанне ў ЕГУ забяспечвае шырокія перспектывы базавай і дадатковай вышэйшай адукацыі ў Еўропе на рускай і беларускай мовах і атрымання дыплома еўрапейскага ўзроўню. Студэнты ЕГУ таксама маюць разнастайныя магчымасці для самарэалізацыі ў акадэмічнай, прафесійнай і грамадскай сферы, у тым ліку праз удзел у міжнародных адукацыйных, творчых і навукова-даследчых праектах (праграмах абмену, замежных стажыроўках, канферэнцыях, летніх моўных школах, семінарах і інш.).