У аснове гульні – матэрыялы гродзенскага Дома-музея Максіма Багдановіча, біяграфічныя звесткі, творчасць паэта. У гульнявой форме школьнікі атрымліваюць інфармацыю пра дзяцінства і гродзенскі перыяд жыцця паэта, яго атачэнне, гарадское асяроддзе таго часу.
Інтэрактыўная гістарычная віктарына, якая расказвае пра гісторыю Рэчы Паспалітай ад моманту яе паўстання і да канца існавання. У выніку гулец атрымлівае дыплом надання шляхецтва.
Навошта патрэбны Еўрапейскі Саюз? Чаму і як ён быў заснаваны? Як ён працуе? Чаго ён ужо дасягнуў, і з якімі новымі выклікамі ён сустракаецца сёння? Як павялічыць удзел грамадзянам у яго дзейнасці?
Паскаль Фантэйн – эксперт ЕС і былы ўніверсітэцкі лектар – разглядае гэтыя і іншыя пытанні ў сваёй папулярнай кнізе. Цяпер і па-беларуску!
Раней мы ўжо рэкамендавалі настаўнікам беларускай мовы і літаратуры наведаць сайт іх калегі Алены Мігаль. Цяпер жа з радасцю падказваем яе новы рэсурс.
Блог, прысвечаны загадкам на беларускай мове – народным і аўтарскім. Рэсурс мае ўжо ладную колькасць матэрыялаў: казкі-загадкі, пытанні-загадкі, шматлікія тэматычныя падборкі, у тым ліку пра школу. Аўтары – Migalayte (Алена Мігаль) і Maria Semenova.
Даслала Алена Панкратава, Орша. Тры распрацоўки мерапрыемстваў, арыентаваных на развіццё нацыянальнай і грамадзянскай культуры вучняў: 1. Урок-экскурсія «Жыццёвы і творчы шлях Максіма Багдановіча»; 2. Факультатыўны занятак у форме дзелавой гульні «Вобраз Еўфрасінні Полацкай у сучасным беларускім мастацтве»; 3. Пазакласнае інтэрактыўнае мерапрыемства, прысвечанае Міжнароднаму дню роднай мовы.
Флэш-гульні для маленькіх, якія дапамогуць вывучыць літары, навучыцца чытаць склады, словы.
У прэзентацыі гомельскай настаўніцы А.В.Юрчанкі каротка разгледжаныя асновы метада гульнёвых тэхналогіяў, а таксама разнастайныя гульні для выкарыстання на ўроках беларускай мовы
Артыкул разглядае ролевую гульню, як метад, які можа выкарыстоўвацца не толькі ў пазашкольнай працы, але і на ўроку. Прадстаўлена методыка правядзення ролевай гульні і апісаны чатыры прыклады ролевых гульняў для ўрокаў матэматыкі, геаграфіі, ЧГД і экалогіі.
Дапаможнік змяшчае абгрунтаванне, пакрокавы мануал і матэрыялы ўнікальнай алімпіяды для старшакласнікаў. Аўтар – педагог-наватар Міхась Булавацкі. У дадатку прапануецца спіс літаратуры і задачы беларускіх матэматычных алімпіяд.
