Архіў навін

Галіна Каржанеўская. На сцэне дня: Зборнік п'ес для лялечных і драматычных аматарскіх тэатраў
Мінск: БелДІПК, 2004

Галіна Каржанеўская ўмее сказаць пра важнае проста і вобразна. Гэта тычыцца як яе вершаў, так і драматургіі. Псіхалагізм, гумар і чалавечнасць — вось асноўныя асаблівасці яе п'ес для дзяцей і дарослых. У зборнік «На сцэне дня» увайшлі новыя творы драматурга, а таксама лепшае з раней напісанага і ўвасобленага на сцэнах аматарскіх і прафесійных тэатраў.

Апошні тэрмін падачы заявак – 20 лютага 2012 г.

Рэспубліканскае грамадскае аб’яднанне «Беларуская Асацыяцыя клубаў ЮНЕСКА» абвяшчае аб адкрыцці конкурсу для ўдзелу ў праекце «Сацыяльныя інтэрны».
На працягу 9 месяцаў з 1 сакавіка па 30 лістапада 2012 г. маладыя людзі ва ўзросце ад 18 да 25 гадоў змогуць прайсці стажыроўку ў Сакратарыяце РГА «БелАЮ».
Стажыроўка прадугледжвае неаплатную працу з гнуткім графікам (каля 8 гадзін у тыдзень), у тым ліку дыстанцыйную працу па-за офісам і ўдзел у адукацыйных мерапрыемствах. Графік працы індывідуальна для сябе вызначае сам стажор.
Адкрыты вакансіі на наступныя пасады: менеджар сацыяльных праектаў, менеджар культурных праектаў, спецыяліст па сацыяльнай працы, спецыяліст па сувязях з грамадскасцю / журналіст, спецыяліст па дыстанцыйным навучанні, дызайнер, перакладчык.

Калядныя матывы,
альбо гісторыя аб тым, як музыка свята выратавала

Эпізоднік дзіцячага каляднага канцэрта. Аўтар – Алёна Беланожка.
Дзеючыя асобы:
Шчодрык – носьбіт святочных жартаў і весялосці, увасабленне Шчодрага вечара.
Каза – нацыянальны сімвал урадлівасці і дабрабыту.
Музыка – музыкант, увасабленне ачышчальнае сілы музыкі.
Канямура – адмоўна-камічны персанаж.
Анчутка – адмоўна-камічны персанаж.
Ян Сякерка – кіраўнік вячорак.
Пан Фіндэперс – распарадчык балю.
Дзед Мароз...

Рэгістрацыя – з 1 снежня 2011 г. па 22 студзеня 2012 г.

Еўрапейскі гуманітарны ўніверсітэт запрашае навучэнцаў старэйшых класаў, цікаўных да сацыяльных навук, на дыстанцыйны курс «Дэмакратыя і правы чалавека: дыялог культур».
Курс распрацаваны як альтэрнатыва школьнаму прадмету «Грамадазнаўства».
Навучанне пройдзе на адукацыйнай платформе MOODLE з 16 студзеня па 1 красавіка 2012 г.
Курс можа быць скарыстаны для падрыхтоўкі да напісання профільного эсэ (абавязковы іспыт пры паступленні ў ЕГУ), а таксама для развіцця навыкаў крытычнага мыслення, акадэмічнага чытання і пісьма.
Па сканчэнні курса на базе ЕГУ будзе зарганізаваная тэматычная канферэнцыя для ўдзельнікаў.