Архіў навін
Міжнародны семінар па міжуніверсітэцкім супрацоўніцтве
Міжнародны семінар “Міжунівэрсытэцкае супрацоўніцтва – ключ да сумеснага поспеху” ладзіцца 27–28 мая ў Гродненскім Дзяржаўным універсітэце імя Янкі Купалы.
Мэта правядзення семінара – развіццё сумесных праектных ідэй Еўрасаюзу і беларускіх партнераў.
Тэматыка папярэдніх семінараў, праведзеных у Гродне пры падтрымцы Сеткі ўніверсітэтаў рэгіёну Балтыйскага мора (BSRUN), была прысвечаная супрацоўніцтву ўніверсітэтаў і рэгіёнаў, універсітэтаў і гарадоў. Цяпер тэматыка сэмінара пашыраецца з мэтай абмеркавання пытанняў і накірункаў эфектыўнага ўзаемадзеяння ўніверсітэту з прадстаўнікамі дзяржаўнай, рэгіянальнай і муніцыпальнай уладаў, якія будуць запрошаныя да ўдзелу ў сэмінары.
Семінар накіраваны на прадстаўнікоў ВНУ (перадусім сябраў BSRUN), іншых арганізацый, зацікаўленых у развіцьці супрацоўніцтва з універсітэтамі рэгіёну Балтыйскага мора. Асаблівая ўвага будзе нададзена супрацоўніцтву з беларускімі партнерамі. Асноўная мэтавая група семінару – тыя, хто працуе альбо збіраецца працаваць над супольнымі праектнымі ідэямі для наступнай падачы заяўкі на фінансаванне з фондаў ЕС, у якім могуць удзельнічаць партнеры з Беларусі.
Сем сталічных школ набіраюць беларускамоўныя класы
Набор у першыя класы пачнецца з 1 чэрвеня.
Прапануем падрабязную інфармацыю, адрасы і кантакты.
Гімназія №4 (вул. Кунцаўшчына, 18) прапануе навучанне ў фізіка‑матэматычных, хіміка‑біялагічных і філалагічных класах. Даведка: e‑mail: gymn4.minsk.edu.by, т.258‑49‑71, 258‑49‑74.
Гімназія №9 (вул.Сядых, 10) — вывучэнне ўсіх прадметаў па‑беларуску, паглыбленае вывучэнне англійскай мовы, факультатыўнае — польскай.
Стыпендыі Фонда Генрыха Бёля
Фонд Генрыха Бёля прапануе замежным студэнтам стыпендыі для навучання ў дзяржаўных ці прызнаных дзяржавай вышэйшых навучальных установах Германіі, Швейцарыі ці краінаў-удзельніцаў Еўрасаюзу.
Апроч прыярытэтных накірункаў: культуралёгія, мастацтва, гуманітарныя і сацыяльныя навукі, фонд прапануе падтрымку таксама па эканоміцы, праву, інжынернай справе, медыцыне і прыродазнаўчым навукам.
Да ўдзелу ў конкурсе на стыпендыю запрашаюцца нямецкія і замежныя студэнты. Фонд надае асаблівую ўвагу падтрымцы студэнтаў з Усходняй Еўропы і маладых жанчынаў.
Патрабаванні да кандыдатаў з краінаў, якія не з'яўляюцца ўдзельніцамі Еўрасаюзу:
– кандыдаты мусяць быць залічаныя ў прызнаную дзяржавай вышэйшую навучальную ўстанову на момант пачатку выплаты стыпендыі;
– кандыдаты мусяць прадставіць пацверджанне, што яны ўжо маюць пачатковую прафесійную адукацыю (гэтая праграма прызначаная ў асноўным для асобаў, якія жадаюць атрымаць магістэрскую ступень);
– кандыдаты мусяць прадставіць пацверджанне добрага ведання нямецкай мовы.
Зараз Фундацыя прадастаўляе замежным студэнтам стыпендыі для навучання ў трэціх краінах на перыяд да 4 тыдняў.
Апошні тэрмін падачы заявак: 1 верасня (дата на паштовым штэмпелі).
Кантактныя дадзеныя:
Heinrich-Böll-Stiftung
Studienwerk
Schumannstr. 8
10117 Berlin
E-Mail: studienwerk@boell.de
Fax: 030/285 34–409
я інфармацыя – на сайце: elekcyi.org
Паводле рассылкі belngo.info
Магілёўскі аддзел адукацыі запрашае беларускамоўных бацькоў
Усе ахвочыя на працягу мая могуць напісаць заяву на навучання дзяцей на беларускай мове.
Аддзел адукацыі падтрымлівае ідэю навучання дзяцей на беларускай мове. З мэтай адкрыцця беларускамоўных класаў усе жадаючыя маюць магчымасць напісаць заяву і прадставіць яе ў кабінет №701 аддзела адукацыі Магілёўскага гарвыканкама.
Мы чакаем Вас на працягу мая 2010 года штодзённа з 8:00 да 17:00, чацвер — з 8:00 да 20:00 (абедзенны час з 13:00 да 14:00).
Паводле Нашай Нівы
Прапануем вам артыкул аб гісторыі насычанага жыцця нашага слаўнага земляка Гаўрылы Адрыянавіча Ціхава, а таксама аб яго цікавых даследаваннях у галіне астраноміі і біялогіі (пытанне жыцця на іншых планетах). Матэрыял надрукаваны ў газеце «Наша слова».
Аўтар – Леанід Лаўрэш.
Спампаваць артыкул (doc, 325 КБ)
Паводле pawet.net
Артыкул «Ціхаў Гаўрыіл Андрыянавіч»
Прапануем вам артыкул аб гісторыі насычанага жыцця нашага слаўнага земляка Гаўрылы Адрыянавіча Ціхава, а таксама аб яго цікавых даследаваннях у галіне астраноміі і біялогіі (пытанне жыцця на іншых планетах). Матэрыял надрукаваны ў газеце «Наша слова».
Аўтар – Леанід Лаўрэш.
Спампаваць артыкул (doc, 325 КБ)
Паводле pawet.net
Вучнёўская фотавыстава аб Першай сусветнай вайне
Фотавыстава “Памяць зямлі” адкрылася 8 красавіка ў Мінску у дзіцячай бібліятэцы № 14 (вул. Варвашэні, 11).
У экспазіцыі выставы фотаздымкі з экспедыцыі па лініі фронту Першай сусветнай вайны, якую ў 2008–2009 гадах ладзілі выхаванцы Вілейскага турклуба “Чарапашкі” пад кіраўніцтвам Міхася Петуха. Выстава прадоўжвае працаваць да 9 мая.
Летнія школы па правах чалавека і моладзі ў Вільні
Беларуская праваабарончая школа, арганізаваная міжнароднай супольнасцю праваабарончых арганізацыяў, абвяшчае конкурс на ўдзел у Летніх школах па правах чалавека на 2010 год.
У межах праграмы Школы ўдзельнікі азнаёмяцца з гісторыяй і філасофіяй правоў чалавека, а таксама сродкамі іх абароны на нацыянальным і міжнародным узроўнях.
Выкладчыкамі Школы будуць прадстаўнікі вядучых праваабарончых арганізацыяў Беларусі ды іншых краінаў, вядомыя і аўтарытэтныя спэцыялісты ў галіне правоў чалавека і права.
EVS запрашае валантэраў у моладзевыя праекты ў Эстоніі і Аўстрыі ў рамках праграмы Еўрапейскайга Саюза
1) Праект Еўрапейскай валантэрскай службы, якія адбудуцца 1.10.2010–1.06.2011 ў Таліне (Эстонія)
Праца валантэраў патрэбная ў моладзевых цэнтрах. Кандыдат пры запаўненні заяўкі павінен абраць моладзевы цэнтр ці цэнтры, у якіх ён\яна хацеў бы працаваць:
- Järve Youth Centre (спецыялізуецца на працы з мультымедыя)
- Kopli Youth Centre (спецыялізуецца на музыцы і мастацтве)
- Männiku Youth Centre (спецыялізуецца на мастацтве)
- Моладзевы інфармацыйны цэнтр
2) Цэнтр Карытас з горада Leonding (Austria) шукае валантэраў на тэрмін 6 месяцаў
пачынаючы з 1.09.2010 да 1.03.2011
Прынцып цэнтра Карытас - гэта "падтрымка інтэграцыі" падчас працы з людзьмі са спецыяльнымі патрэбамі. Галоўнае дзейнасць цэнтра злучана з падтрымкай і суправаджэннем людзей з абмежаванасцямі ў працэсе іх інтэграцыі ў грамадства. Валянтэр зможа працаваць у двух дэпартаментах цэнтра Карытас. Адзін з іх – гэта стацыянар (дзе жывуць і знаходзяцца людзі з абмежаванасцямі) і другі гэта інтэграцыйны дзіцячы садок разам з цэнтрам пазашкольнай актыўнасці.
Вясеннія он-лайн назіранні за птушкамі
/>
Грамадскае аб'яднанне «Ахова птушак Бацькаўшчыны» ладзіць он-лайн назіранне. Упершыню ў Беларусі можна 24 гадзіны ў суткі назіраць за жыццём сокала-пустальгі на гняздзе, якое птушкі зрабілі ў дэкаратыўнай нішы на шматпавярховіку ў Брэсце:
http://birdwatch.by/pustalga_brest
Дзякуючы ўэб-камеры з інфрачырвонай падсветкай падглядваць за птушкамі можна і ў цёмны час сутак. Сокал-пустальга абраны ў Беларусі Птушкай 2010 году. У нашай краіне гэты від занесены ў Чырвоную кнігу, агульны памер папуляцыі ацэньваецца ў 1200–1700 пар.
За ўсім, што адбываецца на гняздзе, штодня і штоночы назіраюць на нашым сайце ад 300 да 500 чалавек з Беларусі і іншых краін.
Запрашаем настаўнікаў біялогіі і іх вучняў да скарыстацца гэтай унікальнай магчымасцю.