Архіў навін
Гражына Шалкевіч, Твой стыль 
Традыцыйны фестываль-кірмаш народных майстроў пройдзе ў Гродне 27 лютага.
“Казюкі” ладзяцца з мэтай адраджэння даўняй традыцыі першых веснавых кірмашоў, якія на Гродзеншчыне і Віленшчыне вядомыя з канца 18 ст. Пачынаючы з 1690 г. гэтыя кірмашы называюцца “Казюкі”, бо праводзіліся 4 сакавіка, у дзень св. Казіміра. Майстры мелі магчымасць дэманстраваць работы зробленыя за зімовы перыяд. Лічылася, як пройдзе гандаль у гэты дзень – такі будзе і ўвесь год.
Алена Спасюк, naviny.by 
Сістэма адукацыі Беларусі адчувае дэфіцыт кадраў. І прычына не ў тым, што беларускія ВНУ рыхтуюць недастатковую колькасць спецыялістаў. І нават не ў невялікім заробку настаўнікаў...
Яўген Лівянт, які мае два дзесяцігоддзі настаўніцкага стажу і зарабляе апошнім часам рэпетытарствам, упэўнены, што са школы выкладчыкі сыходзяць зусім не з-за грошай.
«Цяпер быць прынцыповым настаўнікам і высвятляць адносіны з вучнем – галаўны боль. Гэта датычыць і паводзінаў, і ацэнак вучняў. Любая прынцыповасць прыводзіць да праблем у школе для настаўніка».
Неўзабаве дэдлайн!
28 лютага – Дзверы ў дыпламатыю: Міжнародны конкурс школьных вэбсайтаў
28 лютага – The College of Europe: Навучанне ў Варшаве для маладых гісторыкаў
1 сакавіка – Конкурс на стыпендыю Кіркланда: 2011/12 навучальны год
1 сакавіка – European Cultural Foundation: гранты на супольныя культурныя праекты
generation.by 
Такую заяву зрабіў міністр адукацыі і навукі, моладзі і спорту Украіны Дзмітрый Табачнік. Чыноўнік прапанаваў адмяніць сістэму адзнак па школьным прадмеце «фізічная культура»: «Чаму раней былі трагедыі? Таму што хтосьці спрабуе з секундамерам параўноўваць, за колькі секундаў дзіця прабяжыць 30 метраў, 60 метраў».
Па новым дзяржаўным стандарце пачатковай школы Украіны фізкультуры будзе адводзіцца больш гадзінаў, і ацэньванне будзе ладзіцца з улікам прысутнасці школьніка на паветры, у руху, у хадзьбе. Дзецям, якія займаюцца ў спартыўных школах ці секцыях у вольны час, гэта будзе залічвацца як занятак па фізкультуры.
24 – 26 лютага 
З 24 па 26 лютага ў сталічным Палацы моладзі (Старавіленскі тракт, 41) пройдзе 9-я спецыялізаваная выстава «Адукацыя і кар’ера».
У выставе возьмуць удзел установы прафесійна-тэхнічнай адукацыі, цэнтры занятасці, установы пазашкольнага выхавання і навучання, вытворцы канцылярскіх тавараў. У педагогаў, вучняў і іх бацькоў будзе магчымасць азнаёміцца з новымі інфармацыйнымі тэхналогіямі ў навучанні, праграмамі дыстанцыйнага навучання, мультымедыйнымі сродкамі навучання, праграмамі профільнага навучання, новымі вучэбнымі дапаможнікамі і навуковай літаратурай, дзіцячай літаратурай, слоўнікамі, энцыклапедыямі і даведнікамі.
Наталля Жаўрыд, Інфа-Кур’ер 
Пераможца раённага конкурсу “Настаўнік года” – Іна Серадзінская, выкладчыца беларускай мовы і літаратуры слуцкай школы № 13.
Калі ўсе дзеткі ў тры-чатыры гадка гулялі з лялькамі ў дочкі-маці, то я з лялькамі гуляла ў школу. А затым, у пятым класе, да нас у школу прыйшла маладая настаўніца беларускай мовы і літаратуры. Яна мне вельмі спадабалася менавіта тым, што была адкрытая з намі. Яе ўрокі былі вельмі цікавыя. І тады я зразумела, што хачу быць падобнай на яе.
Апошні дзень прыёму заявак – 31 сакавіка 
GFPS разам з фундацыяй “Памяць, адказнасць, будучыня” і фундацыяй газеты “Цайт” прапануе беларускім студэнтам і магістрантам стыпендыі на: зімовы семестр 2011–2012 (кастрычнік 2011 – люты 2012); навучанне ў нямецкай ВНУ.
Абавязковыя ўмовы: беларускае грамадзянства; статус студэнта беларускай ВНУ альбо ЕГУ; на пачатак стыпендыі студэнт павінен быць ужо на трэцім курсе.
Апошні дзень прыёму заявак – 11 сакавіка 
Рэспубліканскае грамадскае аб’яднанне «Беларуская Асацыяцыя клубаў ЮНЭСКА» сумесна з Інтэрнэт-праектам KARIERA.BY ў сакавіку-траўні 2011 года праводзіць у Мінску курс нефармальнай адукацыі «Навучанне ў weekend».
У рамках праграмы будуць зладжаны тры семінары пачатковага ўзроўню, прысвечаныя асновам эфектыўнага кіравання некамерцыйнай арганізацыяй. Паміж семінарамі будзе зарганізавана практычная праца ўдзельнікаў на замацаванне ведаў і ўменняў.
Уладзімір Колас, Народная Воля 
Калісьці, яшчэ ў савецкія часы, калі ліцэй толькі пачынаўся, я запрасіў да вучняў Васіля Быкава. І спытаў, што ён можа параіць маладым людзям, якія, апынуўшыся, напрыклад, у войску, ці на дзяржаўнай пасадзе, атрымаюць злачынны загад: забіць ці асудзіць бязвіннага чалавека. Я чакаў, што Быкаў, які геніяльна распрацаваў у сваіх творах сітуацыю маральнага выбару, дасць нашым ліцэістам нейкую эфектную і пераканаўчую параду, універсальную інструкцыю паводзін у цяжкіх жыццёвых сітуацыях.