Архіў навін
Першаму класу мінскай гімназіі № 23 было загадана падпісацца на часопісы «Вясёлку», «Юный спасатель» і «Качели». Бацькоўскі сход вырашыў даслаць пісьмовы запыт у Мінадукацыі і рэдакцыі гэтых выданняў на прадмет навязання паслугаў.
Сябры супольнасці Нашыя дзеткі спрабуюць разабрацца: ці сапраўды існуе дакумент, які насамрэч абавязвае кожны клас выпісваць нейкія канкрэтныя перыядычныя выданні?
Першаму класу мінскай гімназіі № 23 было загадана падпісацца на часопісы «Вясёлку», «Юный спасатель» і «Качели». Бацькоўскі сход вырашыў даслаць пісьмовы запыт у Мінадукацыі і рэдакцыі гэтых выданняў на прадмет навязання паслугаў.
Сябры супольнасці Нашыя дзеткі спрабуюць разабрацца: ці сапраўды існуе дакумент, які насамрэч абавязвае кожны клас выпісваць нейкія канкрэтныя перыядычныя выданні?
19 лістапада
У межах Міжнароднага адукацыйнага тыдню, які праводзяць па ўсім свеце амбасады Злучаных Штатаў, у Мінску адбудуцца лекцыі аб навучальных магчымасцях у Амерыцы. 19 лістапада супрацоўнікі амбасады ЗША ў Мінску і дырэктар Цэнтра міжнароднай адукацыі і кар’еры Еўрапейскага гуманітарнага ўніверсітэта Кэвін Рэйлінг распавядуць усім ахвотным пра сістэму адукацыі ЗША, а таксама пра магчымасці для навучання, якія існуюць для студэнтаў з Беларусі.
Радыё Свабода
Спрыяць адкрыццю беларускамоўных класаў у Магілёве абяцае мясцовая ўлада. Намеснік старшыні гарвыканкама Ігар Шардыка абумовіў, аднак, пазіцыю гарадcкой вертыкалі ў гэтым пытанні наяўнасцю адпаведных ініцыятыў з боку бацькоў. Паводле чыноўніка, беларуская мова ў Магілёве запатрабаваная: «На пачатку гэтага навучальнага года ў горадзе не было ніводнага класа з беларускай мовай навучання. З'явіўся попыт бацькоў, і адкрыўся беларускамоўны клас. Пры наяўнасці ахвотных і ў наступным годзе будзе разглядацца пытанне аб магчымасці існавання такіх класаў. Улада зацікаўленая ў вырашэнні гэтага пытання».
Апошні тэрмін падачы заявак - 25 лістапада
Грамадскае аб'яднанне «Адукацыйны цэнтр «ПОСТ»» разам з Прадстаўніцтвам Еўрапейскага Саюза ў Рэспубліцы Беларусь і Фондам Конрада Адэнаўэра 28 лістапада 2010 г. праводзіць канферэнцыю «Магчымасці працы з тэмай «Еўрапейскі Саюз» у адукацыйнай дзейнасці».
Да ўдзелу запрашаюцца прадстаўнікі адміністрацый устаноў адукацыі, настаўнікі школ, выкладчыкі ВНУ, прадстаўнікі грамадскіх і іншых адукацыйных і міжнародных арганізацый, іншыя зацікаўленыя асобы.
Чытаць болей /
Апошні тэрмін падачы заявак – 31 снежня
GLITEMA EMMC – двухгадовая праграма для 
студэнтаў, выпускнікоў факультэтаў германістыкі ці іншых гуманітарных спецыяльнасцяў, звязаных з нямецкай мовай ды Нямеччынай.
Патрабуецца добрае практычнае веданне нямецкай мовы (узровень С1 у Брэмене; B2 – у Палерма ды Порта). Меркавана, у Палерма ды Порта студэнты таксама атрымаюць навыкі італьянскай ды/ці партугальскай моваў праз інтэнсіўныя праграмы вывучэння моваў.
Апошні тэрмін падачы заявак – 31 студзеня 2011 г.
Летняя стыпендыяльная праграма Чарльза Г. Коха прадугледжвае стажыроўку (грамадска-палітычны напрамак) з двума семінарамі па пабудове кар’еры і штотыднёвымі лекцыямі па палітыцы. Інтэнсіўны 10 тыдневы курс пачынаецца ў чэрвені і забяспечваецца стыпендыяй 1500 $ ды кампенсацыяй выдаткаў на пражыванне. Узрост кандыдатаў ад 18 да 30 гадоў.
Апошні тэрмін падачы заявак – 31 студзеня 2011 г.
Праграма прапануе беларускім студэнтам і навукоўцам 60 семестраў навучання ў любым дзяржаўным ці прыватным універсітэце краін-удзельнікаў Вышаградскай Групы. Кожны ахвотны можа падаць заяўку на ўдзел у адукацыйных праграмах Master’s ці Post-Master’s (аспірантура) тэрмінам ад 1 да 4 семестраў.
Прадмет: Сусветная гісторыя. Гісторыя Беларусі