Архіў навін
З нагоды Дня Еўропы ў мінскім кінатэатры «Победа» адкрываецца фестываль еўрапейскага кіно, які ўжо становіцца традыцыяй.
Фестываль арганізаваны Прадстаўніцтвам Еўрапейскага Саюза ў Беларусі і амбасадамі краін ЕС.
Праграма ўключае пятнаццаць фільмаў з трынаццаці краін.
Паказы пройдуць з 11 па 17 мая.
На выходныя дні запланаваныя паказы двух поўнаметражных мультфільмаў для дзяцей, іх бацькоў і настаўнікаў.
Уваход на ўсе паказы вольны.
Апошні тэрмін падачы заявак – 15 мая
«Офіс за дэмакратычную Беларусь» (Брусель, Бельгія) у супрацоўніцтве з Асветніцкай установай «Офіс еўрапейскай экспертызы і камунікацый» (Мінск, Беларусь) арганізуе паездку ў Тбілісі (Грузія) для беларускіх спецыялістаў у галіне вышэйшай адукацыі па праграме: «Еўрасаюз і Беларусь: дзелімся досведам».
Падчас візіту беларускія спецыялісты змогуць наладзіць кантакты з калегамі з вядучых ВНУ Тбілісі, азнаёміцца з досведам мясцовых універсітэтаў у пераходзе на Балонскую сістэму, сустрэцца з прадстаўнікамі арганізацый, якія займаюцца пытаннямі вышэйшай адукацыі.
Запрашаем да ўдзелу выкладчыкаў ВНУ, навукоўцаў і даследчыкаў, прадстаўнікоў грамадскіх арганізацый, якія займаюцца пытаннямі вышэйшай адукацыі, а таксама прадстаўнікоў Міністэрства адукацыі Рэспублікі Беларусь.
Усе падарожныя выдаткі, уключаючы квіткі і пражыванне, арганізатары візіту бяруць на сябе.
Апошні тэрмін падачы заявак – 10 мая (да 18.00)
РГА «Беларуская асацыяцыя клубаў ЮНЕСКА» абвесціла набор удзельнікаў для беларуска-гішпанскага моладзевага абмену «Volintegration».
Тэрміны правядзення: 03–12 ліпеня 2012 г. Месца правядзення: Мінск. Патрабаванні да ўдзельнікаў: 15–18 гадоў, валоданне гутарковай англійскай мовай, зацікаўленасць у валанцёрскай працы (тэма праекта: Volintegration: We make it together).
У праграме абмену: знаёмства з працай РГА БелАЮ, навучальныя трэнінгі (тэматыка: прафілактыка здаровага ладу жыцця, праца з дзецьмі з парушэннямі развіцця), сумесная валанцёрская праца, насычаная культурна-забаўляльная праграма.
Белсат ТВ
Спіс з 11 прадметаў. Рахунак – 10 тысяч рублёў за кожны іспыт... Пачалася рэгістрацыя абітурыентаў на цэнтралізаванае тэставанне. Заяву на ўдзел у цэнтралізаваным тэставанні кожны абітурыент мусіць падаць самастойна – у любы пункт рэгістравання, дзе атрымае пропуск на іспыты. Адкрые тэставанне 13 чэрвеня беларуская мова. У апошнюю чаргу дзяржава спраўдзіць веды абітурыентаў па геаграфіі – 27 чэрвеня.
Паводле намесніцы старшыні Таварыства беларускай школы, 11 прадметаў – гэта зашмат.
«Лепей, каб быў адзін тэст, але вельмі якасны. У сувязі са зменаю патрабаванняў школаў, ім патрэбныя не толькі прадметныя веды ў нейкай галіне, але яшчэ і набор кампетэнцыяў. Таму тэст, напрыклад, амерыканскі – скіраваны на выяўленне кампетэнцыі, то бок спецыялізаванасці ў сваёй галіне. Ён складаецца з чатырох частак. Там ёсць і мова, і матэматыка, і іншыя навукі, але ва ўсіх раздзелах правяраюцца не толькі веды, але і здольнасць разумець і рабіць высновы. Гэткая сістэма была б значна лепшая і для нашай школы, і для краіны ў перспектыве», – кажа Тамара Мацкевіч.
Апошні тэрмін падачы заявак – 20 мая
Бюро АБСЕ па дэмакратычных інстытутах і правах чалавека (АБСЕ/БДІПЧ) абвяшчае набор ахвотных паўдзельнічаць у трэнінгах для трэнераў, прысвечаных інавацыйным метадам навучання, асаблівасцям падрыхтоўкі і правядзення заняткаў па правах чалавека. Трэнінгі адбудуцца ва Украіне:
- Навучанне правам чалавека ў школе і па-за ёй: 9–13 ліпеня 2012 г.
- Адстойванне і пашырэнне правоў чалавека праз грамадскі ўдзел: 16–20 ліпеня 2012 г.
Да ўдзелу ў абодвух трэнінгах запрашаюцца настаўнікі сярэдніх школ, ВНУ, іншых навучальных установаў, прадстаўнікі юрыдычных клінік, актывісты грамадскіх аб’яднанняў, якія зацікаўленыя ў набыцці новых ведаў і ўменняў для ўдасканалення сваёй адукацыйнай дзейнасці ў сферы пашырэння правоў чалавека.
27, 30 красавіка
У мінскім клубе «Йо-ма-йо» (ДК МТЗ, вул. Даўгабродская 24) пройдуць творчыя сустрэчы-канцэрты з Алегам Хаменкам (27 красавіка) і Аляксандрам Памідоравым (30 красавіка).
Удзельнікаў чакаюць размова пра музыку, жыццё, конкурсы з каштоўнымі прызамі, акустычны выступ у кампаніі сяброў!
Уваход вольны!
Апошні тэрмін падачы заявак – 30 чэрвеня 
Запрашаем настаўнікаў сярэдніх школ, а таксама ўсіх, хто працуе на ніве адукацыі і жадае паглыбіць свае веды ды падзяліцца ўласным досведам, да ўдзелу ў семінарах па тэме «Эфектыўныя метады матывацыі і ацэнкі. Актыўная ацэнка».
Плануецца правесці:
І. 18–19 ліпеня 2012 г. : семінар-знаёмства з метадам актыўнай ацэнкі (для настаўнікаў усіх прадметаў усіх школьных узроўняў, метадыстаў);
ІІ. 20–21 ліпеня 2012 г. : cемінар-падтрымку для для настаўнікаў і метадыстаў, якія маюць досвед выкарыстання метаду актыўнай ацэнкі.
Найбольш зацікаўленым і заангажаваным будзе прапанаваны ўдзел у адукацыйнай вандроўцы ў Варшаву напрыканцы праграмы.
Наша Ніва
У чэрвені пачнецца набор у першыя класы ў школах.
Калі вы хочаце аддаць дзіця ва ўжо існую беларускамоўную школу, улічыце, што часам у школе набіраюць у класы з рознымі замежнымі мовамі (напрыклад, у гімназіі №23 традыцыйна «А» клас — з англійскай, а «Б» — з кітайскай). Каб выбраць дзіцяці тое, што вы лічыце патрэбным, звяртайцеся ў школу як найраней, каб падаць заяву ў першы ж дзень прыёму дакументаў, інакш усе месцы могуць аказацца занятыя.
Калі вы хочаце стварыць беларускамоўны клас у найбліжэйшай да вас школе, вам прыйдзецца згуртаваць аднадумцаў. У гэтай справе ўсё залежыць ад вас. Аддзелы адукацыі і адміністрацыі школаў паспрыяюць вам, калі вы будзеце не адны. Шукайце таварышаў і супольцеся.
19 лютага 2012 года ў Магілёве адбылося першае «Беларускае пяціборства для дарослых». Даказваць вартасць свайго інтэлекту сабралiся 55 спаборнікаў узростам ад першакласніка да пенсіянера, некаторыя прыходзілі сем’ямі. За 25 хвілін спаборнікі павінны былі развязаць матэматычную задачу і адказаць на пытанні з геаграфіі Беларусі, гісторыі Беларусі, мовы і літаратуры…
Як гэта было? – глядзіце фотарэпартаж Надзеі Бацілавай у апрацоўцы Міхася Булавацкага.
Апошні тэрмін падачы заявак – 1 чэрвеня 
Беларуская моладзь (18 – 35 гадоў), якая вучыцца за мяжой ці ў Беларусі, запрашаецца да ўдзелу ў United Students’ of Belarus Rally – штогадовым злёце студэнтаў, які адбудзецца ў Літве 29 жніўня – 2 верасня 2012 г. USB Rally дае магчымасць сустрэцца з беларусамі, якія навучаюцца за мяжой, паздзельнічаць у лекцыях ды майстар-класах, абмяняцца досведам ды кантактамі і далучыцца да нефармальнай сеткі студэнтаў.
Сёлета Belarus Rally будзе прысведчана тэме развіцця прадпрымальніцкіх кампетэнцый у беларускай моладзі. Арганiзатары бяруць на сябе пражыванне, харчаванне, транспартныя выдаткі, вiзавую падтрымку ўдзельнікаў.