Архіў навін
Даведка: у Эстоніі 560 школаў, працуюць 14, 5 тыс. настаўнікаў, вучацца 138 тыс. вучняў. Чаму трэба выкарыстоўваць ІКТ для актыўнага навучання? На гэта пытанне нам адказала Ане Вілемс, супрацоўніца Тартускага ўніверсітэта...
Наталля Ільініч 
Даведка: у Эстоніі 560 школаў, працуюць 14, 5 тыс. настаўнікаў, вучацца 138 тыс. вучняў.
Чаму трэба выкарыстоўваць ІКТ для актыўнага навучання?
На гэта пытанне нам адказала Ане Вілемс, супрацоўніца Тартускага ўніверсітэта:
• «Кошты на ўсе тавары растуць, а кошты электроннага абсталявання – наадварот, зніжаюцца.
• Існуе шмат бясплатных інструментаў.
• ІКТ – прылады для ўсіх, прычым становяцца ўсё больш простымі ў выкарыстанні.
• Пры гэтым трэба памятаць, што ІКТ самі па сабе не з’яўляюцца мэтай навучання, гэта толькі сродак для падтрымкі эфектыўнага навучання. Тэхналогіі толькі тады добрыя, калі добра падрыхтаваныя настаўнікі»...
Пачатак заняткаў ад 1 лістапада 
Шаноўныя сябры! Калі Вы любіце родную мову і жадаеце дасканала пісаць і размаўляць на ёй, – запрашаем Вас на курсы беларускай мовы з глыбокім вывучэннем новых правілаў арфаграфіі і пунктуацыі, якія будуць дзейнічаць з 1 лістапада 2012 года, у Гродзенскай абласной навуковай бібліятэцы імя Я. Ф. Карскага.
Беларусь пакуль што адзначае настаўніцкае свята, паводле савецкай завядзёнкі, у першую нядзелю кастрычніка. Сёння ж у нас – нагода на хвілінку спыніцца ды задумацца.
Годнай дарогі ды яснасці ў душы вам, дарагія калегі! Нашая будучыня ствараецца намі сёння.
Восеньскі блюз ад Юрыя Несцярэнкі – да Сусветнага дня настаўніка.
Апошні тэрмін рэгістрацыі – 9 лістапада
Пасольства Чэшскай Рэспублікі ў Мінску паведамляе аб прадастаўленні наступных стыпендый для навучання ў Чэхіі ў 2013 – 2014 навучальным годзе:
- 5 стыпендый для вучобы па праграме падрыхтоўкі бакалаўраў / магістраў на чэшскай мове. Праграма прызначана для выпускнікоў сярэдніх школ і прадугледжвае год наведвання курсаў па вывучэнню чэшскай мовы з наступнай здачай уступных іспытаў у вышэйшую навучальную ўстанову. Перавага ў прадастаўленні стыпендыі будзе аддавацца кандыдатам, якія жадаюць вывучаць грамадскія навукі, прыродазнаўчыя навукі і сельскую гаспадарку.
- 1 стыпендыя для вучобы па праграме падрыхтоўкі магістраў (для студэнтаў, якія здалі экзамены на ступень бакалаўра) і для навучання ў аспірантуры на англійскай мове (па спецыяльнасцях сельскай гаспадаркі, грамадскіх або прыродазнаўчых навук, эканомікі і інфарматыкі).
Ганна Рыбчынская, kp.by 
Гутарка з выбітным французскім хімікам, які нядаўна прыязджаў у Мінск, пра тое, як захапіць школьнікаў навукай, пра тое, што аб’ядноўвае навукоўцаў і мастакоў і як змяняецца жыццё пасля Нобелеўскай прэміі.
...Усе хочуць быць банкірамі і зарабляць грошы? Разумею. У старэйшай школе, калі маладыя людзі пачынаюць задумвацца пра сваю будучыню, навука здаецца ім не самым фінансава прывабным варыянтам. Значна лепш уздымацца па кар’ернай лесвіцы, атрымліваць добры заробак, мець вагу ў грамадстве, стаць паспяховым чалавекам... Але ў такога жыцця не дужа шмат свабоды. А навука – гэта найперш свабода, творчасць, фантазія! Таму я раю ўсім школьнікам добранька падумаць, што для іх важней: зрабіць паспяховую кар’еру або даць волю ўяўленню...
Даслала Ларыса Жаўнярчук, Пружаны. Апісанне досведу выкарыстання праектна-даследчай тэхналогіі на ўроках. Прыклады выкананых праектаў:
- Праект па тэме «Ужыванне складаназалежных сказаў у вусных і пісьмовых выказваннях тэкстаў розных стыляў», з праблемай «СНІД – наша агульная бяда» (9 клас);
- Праект па тэме «Утварэнне складаных сказаў з рознымі спосабамі сувязі частак, уключэнне іх у тэксты вусных і пісьмовых паведамленняў», з праблемай «Ахова і фарміраванне здароўя вучняў» (9 клас);
- Праект з праблемай «Напісанне тэкстаў навуковага стылю. Напісанне рэферата на лінгвістычную тэму» (10 клас);
- Праект з праблемай «Засваенне тэмы «Галоўныя і даданыя члены сказа»» (5 клас).
Методыка-дыдактычная распрацоўка
Даслаў Сяргей Гарбацэвіч, выкладчык ІІФНіМА БНТУ, на конкурс «Адукацыя для свабоды. Ноўтбук актыўнаму настаўніку».
Распрацоўка прызначана для педагогаў, якія выкладаюць прадметы прыродазнаўча-матэматычнага цыкла, скіравана на выхаванне свабоды думкі, свабоды прыняцця абгрунтаваных рашэнняў як пры правядзенні доследаў на уроках фізікі, так і пры паводзінах у соцыуме.
«Выхаванне свабоды асобы пры выкладанні фізікі на прыкладзе свабоды волі электрона»
Даслаў Сяргей Гарбацэвіч, выкладчык ІІФНіМА БНТУ, на конкурс «Адукацыя для свабоды. Ноўтбук актыўнаму настаўніку».
Методыка-дыдактычная распрацоўка прызначана для педагогаў, якія выкладаюць прадметы прыродазнаўча-матэматычнага цыкла, скіравана на выхаванне свабоды думкі, свабоды прыняцця абгрунтаваных рашэнняў як пры правядзенні доследаў на уроках фізікі, так і пры паводзінах у соцыуме.
Апошні тэрмін падачы заявак – 5 кастрычніка 
Моладзевая арганізацыя «Фаланстэр» з 15 кастрычніка пачынае другі сезон клуба рыторыкі – The Falanster’s Speakers Club, дзе мы будзем разам вучыцца мастацтву слухаць, думаць і размаўляць англійскай мовай. У другім сезоне асноўны ўпор зробім на тэорыю і практыку красамоўства. Асобным блокам будзе ісці пераклад тэкстаў з беларускай і рускай моваў на англійскую і наадварот.
Акрамя практыкі публічных выступаў і пісьмовых перакладаў, клуб стане пляцоўкай сацыяльнага эксперыменту альтэрнатыўнага падыходу да адукацыі.
Сустрэчы будуць праходзіць панядзелакамі з 19.00 да 21:00 па адрасе: вул. Захарава 77а.