Архіў навін
Апошні тэрмін падачы заявак – 25 сакавіка
«Майстэрня грамадзянскай актыўнасьці» запрашае да ўдзелу ў 10-месячнай адукацыйна-практычнай праграме маладых людзей ва ўзросце ад 18 да 25 год, якія пражываюць у Беларусі ды жадаюць змяніць сваё асяроддзе да лепшага.
Прыярытэт для ўдзелу ў праграме аддаецца кандыдатам з невялікім ці нулёвым досведам рэалізацыі грамадскіх ці сацыяльных праектаў.
Асноўная мэта майстэрні – развіццё і навучаньне моладзі праз здзяйсненне грамадскіх ініцыятываў. Удзельнікі праграмы атрымаюць тэарэтычную и практычную падтрымку ў рэалізацыі ўласнай ідэі, якая ўключае ў сябе цыкл з трох спецыялізаваных семінараў-трэнінгаў, суправаджэнне кожнага праекта персанальным куратарам, індывідуальна арганізаванага навучання і абмену досведам з моладдзю з розных рэгіёнаў. Арганізатары забяспечваюць пражыванне і харчаванне ў межах трох семінараў праграмы, а таксама па ўзгадненні кампенсуюць дарожныя выдаткі да месца правядзення семінараў.
Вольга Міцкевіч, Еўрарадыё 
Былы старшыня беларускіх скаўтаў Андрэй Аляхновіч расказвае пра забарону руху Мін’юстам і дае парады пачаткоўцам.
Еўрарадыё: Роўна 20 год таму было заснаванае Аб'яднанне беларускіх скаўтаў. Чаму Міністэрства юстыцыі закрыла скаўцкую арганізацыю ў 2005 годзе?
Андрэй Аляхновіч: Тады, калі вы памятаеце, была такая хваля. Шмат арганізацый зачыняліся, і ў першую чаргу быў уціск на тыя, што працавалі з моладдзю і з дзецьмі, ды на тыя, што тым ці іншым чынам засвяціліся ў перадвыбарчай кампаніі 2001 года, што праяўлялі сваю грамадзянскую пазіцыю.
24 сакавіка 
З 11.45 да 14.00 - Загуканне вясны ў мінскім Цэнтральным дзіцячым парку. Асноўнымі арганізатарамі абрадавага свята выступілі мінскі Цэнтр дадатковай адукацыі дзяцей і моладзі «Вікторыя» і Беларускі дзяржаўны ўніверсітэт культуры і мастацтваў.
З 13.00 да 16.00 - Гуканне вясны ў Строчыцах. Запрашае Беларускі дзяржаўны музей народнай архітэктуры і побыту.
З з 12:30 да 17:30 - Гуканне вясны ў Вязынцы. Запрашаюць Студэнцкае Этнаграфічнае Таварыства (СЭТ) разам з Дзяржаўным літаратурным музеем імя Я. Купалы.
Пасля афіцыйнага звароту ў Мінадукацыі, гарвыканкам і Гродзенскі універсітэт імя Я.Купалы ад 23 лютага 2012 г. з просьбай прадаставіць аудыторыю для правядзення агульнанацыянальнай дыктоўкі, мэта якой – пашырэнне ўжытку беларускай мовы сярод насельніцтва, грамадская арганізацыя атрымала адмоўны адказ.
Намеснік міністра адукацыі К.Фарына патлумачыў,што дадатковае правядзенне дыктоўкі будзе празмернай нагрузкай на вучня, хаця ў лісце ясна было напісана, што удзельнікамі гэтага мерапрыемства будуць людзі ад 7 да 70 гадоў…
Міжнародныя летнікі па вывучэнні гутарковых замежных моваў арганізуе РГА «Беларуская Асацыяцыя клубаў ЮНЕСКА» у рамках праграмы «Культура свету». Летнікі «Мост англійскай мовы і культуры», «Мост нямецкай мовы і культуры», «Мост кітайскай мовы і культуры» адбудуцца ў чэрвені-ліпені 2012 года ў Беларусі. Асаблівасцю гэтых мерапрыемстваў з'яўляецца тое, што выкладчыкамі будуць носьбіты мовы.
Групы фармуюцца на аснове пададзеных заявак. Колькасць месцаў у кожнай групе абмежаваная.
Апошні тэрмін падачы заявак – 9 красавіка
Ініцыятыўная група Клуба еўрапейскіх настаўнікаў, ГА «Адукацыйны цэнтр «ПОСТ», Асветніцкая ўстанова «Офіс еўрапейскай экспертызы і камунікацый» пры падтрымцы Асацыяцыі па міжнародных пытаннях (АМО) (Чэхія), Міжнароднага кансорцыюма «ЕўраБеларусь», Офіса за дэмакратычную Беларусь (Бельгія) і ПАГА «Рух «За Свабоду» запрашаюць усiх настаўнікаў, зацiкаўленых у актуалiзацыi ведаў па гісторыі і сучаснасці Еўрапейскага кантынента і пра культурна-гістарычныя сувязі Беларусі і Еўропы прыняць удзел у Дзевятым рэспублiканскiм конкурсе школьных каманд
«Што я ведаю пра Еўропу?».
Конкурс 2012 года будзе прысвечаны тэме «Еўрапейскія аб’яднанні: учора, сёння, заўтра».
Конкурсныя заданні арыентаваныя на вучняў 8–11 класаў, каманда складаецца з 5 вучняў і кіраўніка. Падрыхтоўка да конкурса і выкананне заданняў адборачнага тура і фінала могуць быць выкарыстаны настаўнікамі для паглыблення ведаў па гісторыі Беларусі і Еўропы, а таксама ў якасці пазакласнай выхаваўчай працы для настаўнікаў, зацікаўленых у выхаванні любові, гонару і патрыятычных пачуццяў да сваёй краіны.
Апошні тэрмін падачы заявак – 31 мая 
Стыпендыі даюцца на навучанне на базавых універсітэцкіх курсах (бакалаўрыят), ці для студэнтаў, якія ўжо скончылі ВНУ ў сваёй роднай краіне, на навучанне па магістэрскай ступені.
Дапамога прапануецца пераважна ахвотным навучацца ў галінах тэхналогіі, прыродазнаўчых навук, эканомікі.
Стыпендыя ўключае: аплату за навучанне, пакрыццё выдаткаў на пражыванне і падручнікі да 12 000 еўра на акадэмічны год. Пры неабходнасці дадаткова выдзяляецца падарожны грант да 1 000 еўра на год.
Стыпендыятам акажуць падтрымку і дапамогу ў атрыманні візы, страхоўкі, моўных курсаў і пошуку жытла.
Ірына Асташкевіч, Звязда 
«Пайшла аднойчы літара «у» ў краму, купіла сабе абаранак. Адкусіла палавінку, а больш есці не захацела. Так атрымалася «Ў» (у нескладовае). Менавіта так уяўляе гісторыю з’яўлення ўнікальнай літары беларускага алфавіта чацвёртакласнік гомельскай гімназіі № 51 Вячаслаў Ермакоў.
Хлопчык, як і іншыя школьнікі малодшых класаў гэтай установы адукацыі, прыняў удзел у праекце «Згодна з правілам новым пішам у нескладовае». Між іншым, менавіта дзеці падказалі выкладчыкам тэму, якая будзе прадстаўлена на гарадскім фестывалі творчых праектаў. Дарэчы, у мінулыя гады вучні гімназіі № 51 ужо станавіліся пераможцамі: з праектамі пра залежнасць ад мабільнага тэлефона, пра шкоду фаст-фуду і пра стварэнне дзіцячай пляцоўкі. Апошняя прапанова, прынамсі, была адразу рэалізавана ў адным з двароў.
Андрэй Русаў, adukacyja.info 
Сумоўе з’яўляецца апошняй прыступкай у працэсе адбору паспяховых заявак. Таму запрашэнне на яго атрымліваюць толькі тыя кандыдаты, якія трапілі ў шорт-ліст па выніках папярэдніх этапаў.
Гэтая працэдура мае некалькі асаблівых функцый. Напрыклад, на сумоўі прыёмная камісія можа здабыць дадатковую інфармацыі аб патэнцыяльным студэнце. Але ж яго асноўнай мэтай з’яўляецца ацэнка асабістых якасцяў кандыдата. Пры дапамозе інтэрв’ю даецца адзнака камунікатыўным здольнасцям, уменню слухаць, хутка і гібка думаць, стылю паводзінаў у стрэсавай сітуацыі, сталасці апліканта. Магчыма, што члены прёмнай камісіі будуць шукаць падцверджанне таго пазітыўнага ўражання, якое аказаў на іх пакет дакументаў, дасланы для паступлення. Таму на сумоўі асаблівая ўвага надаецца супярэчнасцям паміж словамі кандыдата і тым, што напісана ў дасланых паперах.
Уладзімір Арлоў. Адкуль наш род (аўдыёкніга) 
Апавяданні з гісторыі Беларусі для малодшых школьнікаў.
Аўдыёкнігу склалі займальныя і пазнавальныя апавяданні з гісторыі Беларусі.
Сярод герояў — князі Усяслаў Чарадзей і Вітаўт Вялікі, асветнікі Еўфрасіння Полацкая і Кірыла Тураўскі, першадрукар Францішак Скарына і канцлер Леў Сапега, ваяводы Канстанцін Астрожскі і Ян Кароль Хадкевіч, правадыры паўстанцаў Тадэвуш Касцюшка і Кастусь Каліноўскі.