Архіў навін
З ініцыятывы бацькоў з дапамогай грамадскай ініцыятывы «Вучымся па-беларуску» ствараюцца новыя беларускамоўныя групы ў дзіцячых садках Мінска: у Заводскім (м-н Шабаны), Фрунзенскім (пр. Пушкіна – вул. Адоеўскага) і Кастрычніцкім (вул. Ленінградская) раёнах.
Для пачатку працы груп неабходна іх дакамплектаванне.
Беларускамоўныя групы – гэта:
– магчымасць для вашага дзіцяці з маленства апроч рускай ведаць таксама і родную беларускую мову;
– паспяховае далейшае вывучэнне беларускай мовы ў школе;
– дапамога ў правядзенні нацыянальных святаў і конкурсаў для дзетак;
– бясплатныя беларускамоўныя кнігі і музычныя дыскі для вас і вашых дзяцей;
– магчымасць дадатковага навучання беларускім нацыянальным спевам і танцам;
– бясплатныя курсы па вывучэнні беларускай мовы для ўсіх жадаючых бацькоў.
Прыём заявак – з 16 па 24 верасня; з 23 студзеня па 14 лютага; з 20 сакавіка па 27 сакавіка
Мінскі дзяржаўны палац дзяцей і моладзі запрашае ў 2013 – 2014 навучальным годзе да ўдзелу ў гарадскіх мерапрыемствах па беларускай філалогіі:
• Беларуская мова:
1. Для вучняў 9 класаў: «Скарбы мовы: да 90-годдзя з дня нараджэня М.В.Бірылы» (Тэма: «Лексічнае багацце беларускай мовы»).
• Беларуская літаратура:
1. Для вучняў 6 – 11 класаў: Літаратурная гасцёўня «Думаць вершы».
2. Для вучняў 10 – 11-х класаў: «Знак таленту», прысвечаны 90-годдзю з дня нараджэння Васіля Быкава.
18 верасня
«Выкладанне грамадскіх дысцыплін у школах Беларусі: ад крытыкі да канструктыўнай альтэрнатывы» – прэзентацыя падручніка і круглы стол: Мінск, канферэнц-зала гатэля «Еўропа» (вул. Інтэрнацыянальная, 28). 18 верасня 2013 г., 19.00 – 21.30.
Выкладанне грамадскіх дысцыплін у беларускіх школах, параўнальна з іншымі прадметамі, сутыкаецца з асаблівымі праблемамі. Спажываныя ў адукацыйным працэсе падручнікі па грамадазнаўстве з’яўляюцца наўпростым адлюстраваннем ідэалагічных пастулатаў, якія беларуская ўлада спрабуе навязаць грамадству.
Адзіны спосаб супрацьстаяць гэтаму – забяспечыць школьнікаў альтэрнатыўнымі тлумачэннямі і ідэямі, а затым дазволіць ім выбраць тое, што для іх бліжэй.
Першая сустрэча ў сераду 18 верасня 
Вінцук Вячорка і Пётра Садоўскі запрашаюць на чарговы цыкл моўных сустрэч у «Арт Сядзібе». Што гэтым разам? Будзем пісаць тэксты, чытаць беларускую прозу і вершы, шукаць моўныя перліны.
Першая сустрэча адбудзецца ў сераду 18 верасня. Пачатак у 17.30. Вядзе лекцыю Пётра Садоўскі. Адрас: вул. Першамайская, 20 – 21 (асобны ўваход каля другога пад’езда).
Лекцыі будуць праходзіць на працягу верасня і кастрычніка кожную сераду. Уваход вольны.
Навучанне з 30 верасня 
Правы дзіцяці – сапраўдная каштоўнасць дэмакратычнага грамадства. Яны ўздзейнічаюць на кожны аспект нашага жыцця. У парушэннях правоў дзіцяці хаваюцца карані практычна ўсіх праблем сучаснага свету. Менавіта таму варта надаваць як мага больш увагі вывучэнню правоў дзіцяці ў школе.
У рамках праекта «Пр@вы дзіцяці – з інтэрнэту ў школу» групай беларускіх настаўнікаў падрыхтаваны два дыстанцыйныя курсы па правах дзіцяці: «ВЯЛІКІЯ правы маленькіх дзяцей (актыўныя метады ў прававым выхаванні)» і «Пра што маўчаць нашыя дзеці (гвалт і правы дзіцяці)».
Курсы прызначаны для настаўнікаў школ, класных кіраўнікоў, сацыяльных педагогаў, супрацоўнікаў СПЦ, а таксама студэнтаў, прадстаўнікоў няўрадавых арганізацый, моладзевых лідэраў – усіх, хто хоча цікава і эфектыўна навучаць правам дзіцяці.
Навучанне бясплатнае, дыстанцыйнае, не патрабуе прысутнасці ў інтэрнэце ў пэўны час. Пры ўмове паспяховага праходжання курсу і выканання фінальнага задвання ўдзельнікі атрымаюць сертыфікат міжнароднага ўзору.
Апошні тэрмін – 15 сакавіка 2014 г. 
Праграма ААН па навакольным асяроддзі абвясціла конкурс на тэму харчовых адкідаў для дзяцей з усяго свету ва ўзросце 6 – 14 гадоў.
Кожны можа падаць адзін альбо некалькі малюнкаў па падтэмах: «Захаваем планету, не выкідаючы ежу» і «Выкідаючы ежу, мы забруджваем планету».
Першая прэмія – $2000, другая – $1000. Яшчэ па адным пераможцы абяруць у кожным рэгіёне ($1000). Усім пераможцам і іх суправаджаючым сплацяць паездку на цырымонію ўзнагароджання.
Малюнак фарматаў А3 ці А4 можна выканаць у любым стылі і тэхніцы: алоўкам, акварэль і г.д. Ён павінен заяўляцца ўпершыню.
5 кастрычніка 
Сёлета наша свята адбудзецца ў суботу, 5 кастрычніка. Запрашаем аматараў народных і бардаўскіх песень, танцаў, гульняў.
Плануем гэты фэст прысвяціць гадавіне паўстання 1863 года – 150 год таму ў нашым краі адбываліся такія падзеі, што 22 сям’і з Суціна былі сасланыя ў Томскую губерню.
Збор у 12 гадзін каля Талькаўскага клуба.
Ці методыка Актыўнай ацэнкі дзейсная толькі падчас працы са слабымі вучнямі? Ці «НаШтоБуЗУ» абмяжоўвае мысленне дзяцей і іх крэатыўнасць? Гэтыя сумневы і выклікі актыўнай ацэнкі каментуе эксперт Цэнтра грамадзянскай адукацыі Данута Стэрна:
Падчас працы з вучнямі па методыцы актыўнай ацэнкі, сапраўды, прасцей заўважыць вынікі слабейшых вучняў. Так адбываецца таму, што паспяховаць гэтых вучняў знаходзіцца пад асаблівым наглядам настаўнікаў і бацькоў, а значыць, і вынікі заўважыць прасцей.
Настаўнікам, якія баяцца абмежавання мацнейшых вучняў, я б прапанавала прымяненне некалькіх тэхнік, якія дапамагаюць у працы з вучнямі рознага узроўня падрыхтоўкі.
Апошні тэрмін – 17 верасня 
Да ўдзелу ў адукацыйным візіце ў адну з першых грамадскіх школаў Польшчы ў Новым Сончы запрашаецца моладзь ва ўзросце 15 – 20 гадоў. Паездка адбудзецца з 20 па 30 верасня 2013 г.
10 хлапцоў і дзяўчат з Беларусі і з Польшчы прымуць удзел у адукацыйных мерапрыемствах, скіраваных на падвышэнне адукацыйнага ўзроўню ў такіх тэмах, як самапрэзентацыя, камунікацыя, правядзенне перамоваў. Таксама плануецца багатая азнаямленчая праграма, сустрэчы з прадстаўнікамі бізнесу, мясцовага самакіравання, грамадскiх арганізацыяў і культуры.
Арганізатары пакрываюць выдаткі на харчаванне, праезд, пражыванне, суправаджэнне двума апекунамі і каардынатарам.
Дадатковых сродкаў на адукацыю, спынення ліквідацыі школ і адмовы ад масавых звальненняў настаўніка дамагаецца настаўніцкая «Салідарнасць» – польскі прафсаюз, які зарганізаваў настаўнікаў на сённяшнюю супольную маніфестацыю перад будынкам Міністэрства нацыянальнай адукацыі. Сярод патрабаванняў удзельнікаў акцыі – карэктаванне адукацыйный рэформы.
Маніфестацыя Секцыі нацыянальнай асветы і выхавання «Салідарнасці» адбываецца ў рамках агульнапольскіх Дзён пратэсту, якія будуць працягвацца да 14 верасня.
«Адукацыя – каштоўнасць усёй нацыі і яе трэба ўспрымаць не як радок бюджэту, а як важныя і неабходныя інвестыцыі ў будучыню маладога пакалення. Мы не можам дазволіць, каб недальнабачныя і непрадуманыя змены вялі да далейшага зніжэння якасці навучання», – напісалі настаўнікі ў петыцыі да міністра адукацыі Польшчы Крыстыны Шуміляс.