Архіў навін
На рэсурсе change.org ідзе збор подпісаў пад зваротам да Міністэрства адукацыі Рэспублікі Беларусь наконт вяртання абавязковага выкладання гісторыі і геаграфіі Беларусі па-беларуску.
«Катастрафічны стан нацыянальнай мовы праяўляецца (сярод іншага) і ў тым, што абсалютная большасць школьнікаў не толькі не могуць размаўляць на беларускай мове, але нават і не разумеюць яе», – кажа ініцыятарка звароту Іна Соркіна.
Калі Вы за выкладанне гісторыі і геаграфіі Беларусі па-беларуску, далучайце свой голас!
Апошні тэрмін – 1 красавіка 
Урад Літвы прапануе 4 віды стыпендый для студэнтаў, магістрантаў і даследчыкаў з Беларусі:
1. Стыпендыі для студэнтаў, магістрантаў і аспірантаў на кароткі тэрмін у любой сферы (мінімальная працягласць навучання – 5 месяцаў, поўная працягласць навучаня не можа перавышаць 10 месяцаў).
2. Даследчая стыпендыя для аспірантаў (мінімальная працягласць навучання – 1 месяц, працягласць навучання не можа перавышаць 10 месяцаў).
3. Даследчая стыпендыя для лектараў і даследчыкаў (мінімальная працягласць – 1 месяц, поўная працягласць даследчага візіту не можа перавышаць 10 месяцаў).
4. Стыпендыі на ўдзел у летніх курсах літоўскай мовы і культуры.
Заяўкі прымаюцца на працягу ўсяго года 
Мэта праграмы малых грантаў амбасады ЗША – падтрымка развіцця грамадзянскай супольнасці.
Праграма зацікаўлена ў праектах, якія спрыяюць: грамадскаму дыялогу; ахове і падтрымцы грамадскіх інтарэсаў; сацыяльнаму развіццю і ўзмацненню мясцовых супольнасцяў; мясцоваму самакіраванню; інтэграцыі сацыяльна неабароненых груп насельніцтва; гендэрнай роўнасці; рэформам рынкавай эканомікі; захаванню культурнай і прыроднай спадчыны, у тым ліку вырашэнню экалагічных і чарнобыльскіх праблем.
Праекты, якія прадугледжваюць найбольшую колькасць карыстальнікаў, спрыяюць супрацоўніцтву з іншымі арганізацыямі, уключаюць супрацоўніцтва з мясцовымі дзяржаўнымі ўстановамі ці камерцыйнымі арганізацыямі, а таксама прадугледжваюць унёсак з іншых крыніцаў, будуць мець сур’ёзную перавагу.
Заяўкі прымаюцца ад зарэгістраваных беларускіх грамадскіх арганізацый.
Апошні тэрмін – 27 лютага 
Беларуская Асацыяцыя клубаў ЮНЕСКА ў сакавіку – красавіку 2013 г. праводзіць у Мінску курс нефармальнай адукацыі «Навучанне ў weekend».
У рамках навучальнай праграмы будуць арганізаваны тры ўзаемазвязаныя інтэрактыўныя семінары і два вэбінары паміж імі пачатковага ўзроўню па навучанні асновам эфектыўнага кіравання некамерцыйнай арганізацыяй. Паміж семінарамі будзе зладжана дзейнасць удзельнікаў па замацаванні атрыманых ведаў на базе сваіх арганізацый, а таксама арганізаваны абмен досведам у рамках Партала дыстанцыйнага навучання РГА «БелАЮ».
Выпускнікі, якія паспяхова выканалі ўсе кампаненты праграмы, атрымаюць пасведчанне аб удзеле ў курсе.
Апошні тэрмін – 3 сакавіка 
«Акадэмія Першых – 2013» запрашае да ўдзелу ў доўгатэрміновым навучальным курсе маладых людзей ад 18 да 35 год, прадстаўнікоў беларускіх грамадскіх арганізацый і ініцыятыў.
Курс складаецца з 5 семінараў (17 семінарскіх дзён), хатніх заданняў, рэалізацыі навучальных праектаў. Удзельнікі пройдуць ўсе этапы планавання і рэалізацыі ўласных праектаў, навучацца фармуляваць мэты і фармаваць каманду, пазнаёмяцца з моладзевай палітыкай Беларусі і Еўропы.
Кожны ўдзельнік, які паспяхова скончыць курс, атрымае сертыфікат.
3 сакавіка 
Давайце ўжо танцаваць, снег тапіць ды вясну чакаць! Не прапусціце выдатны шанец павесяліцца ды беларускім танцам навучыцца! Мора станоўчых эмоцый і ўтульная атмасфера гарантаваныя!
Чакаем усіх: хто ўмее танцаваць, крыху ўмее танцаваць ды зусім не ўмее танцаваць... Узрост значэння не мае (калі Вы ўжо навучыліся хадзіць)!
Сяргей Выскварка – спецыяліст па традыцыйным танцавальным этыкеце і манеры выканання танцаў, якіх ён ведае больш за 90. Мастацкі кіраўнік узорнага фальклорнага калектыву «Верабейкі» (г. Любань). Музычнае суправаджэнне – В.В.Семашкевіч.
Адрас: вул. К.Лібкнехта 82, будынак школы №60. Школьнікам уваход бясплатны!
Урок для 6 класа. Тэма: Змяненне і правапіс складаных лічэбнікаў ад пяцідзесяці да васьмідзесяці, ад двухсот да дзевяцісот, а таксама лічэбнікаў нуль, тысяча, мільён, мільярд. Даслала Таццяна Барткевіч, Глыбоцкая раённая гімназія.
Змяненне і правапіс складаных лічэбнікаў 
Урок беларускай мовы для вучняў 6 класа даслала Таццяна Барткевіч, Глыбоцкая раённая гімназія.
Тэма: Змяненне і правапіс складаных лічэбнікаў ад пяцідзесяці да васьмідзесяці, ад двухсот да дзевяцісот, а таксама лічэбнікаў нуль, тысяча, мільён, мільярд.
Мэта на мове вучняў: я буду ведаць, як скланяюцца лічэбнікі ад пяцідзесяці да васьмідзесяці, ад двухсот да дзевяцісот, буду ведаць асаблівасці правапісу гэтых лічэбнікаў; я буду ўмець правільна іх скланяць, вымаўляць, спалучаць з назоўнікамі; я змагу выканаць практыкаванне, у якім трэба будзе паставіць лічэбнік у патрэбным склоне і правільна запісаць яго.