Архіў навін
ПРАКАПОВІЧ Ігар — настаўнік геаграфіі, краязнавец, сябра Саюзу пісьменнікаў Беларусі, Чалавек Года Віцебшчыны і яшчэ Беларускі Настаўнік Года, такім званнем вас уганаравала Таварыства Беларускай Школы.
Яна Запольская, Радыё Рацыя. 
Пастаўшчына – гэта чароўны азёрны край, але ж які краязнавец свой край не любіць, як кажуць “кожны кулік сваё балота хваліць”. Так пра родныя мясціны кажа настаўнік і краязнавец з горада Паставы, што на Віцебшчыне, Ігар Пракаповіч.
- Настаўнік геаграфіі, краязнавец, сябра Саюзу пісьменнікаў Беларусі, Чалавек Года Віцебшчыны і яшчэ Беларускі Настаўнік Года, такім званнем вас уганаравала Таварыства Беларускай Школы. Вы аўтар шматлікіх кніг, пераважна прысвечаных Паставам і Пастаўшчыне, і звяртае ўвагу той факт, што значная частка гэтых кніг адрасаваная дзецям…
– Гэта сапраўды так, таму што я працую ў школе ўжо многа-многа гадоў, з 85-га года. Вывучаючы геаграфію, ладзячы вандроўкі з вучнямі, канешне, каб праводзіць заняткі, трэба нейкая інфармацыя. Вось дзеля гэтага ў асноўным і пішуцца кнігі. Кнігі пішуцца і разам з вучнямі.
,/
1 верасня за школьныя парты селі 950 тысяч вучняў. У тым ліку 86,3 тысячы першакласнікаў. У 2008–09 навучальным годзе першакласнікаў было 87,8 тысячаў. А у 2007–2009 гг. – 91,2 тысячаў.
У Беларусі 3.531 навучальная 
ўстанова. Параўнальна з 2009 годам колькасць агульнаадукацыйных установаў скарацілася на 52.
«Кожны год знікае да 50–100 школаў — звычайна гэта школы ў вясковай мясцовасці. Так, у гарадах адкрываюцца новыя школы, але гэта школы з рускай мовай навучання», — тлумачыць намесніца старшыні Таварыства беларускай школы Тамара Мацкевіч.
Каментуючы афіцыйную статыстыку пра колькасць школаў з беларускай мовай навучання, Мацкевіч заявіла: «Гэта малакамплектныя вясковыя школы. Толькі 2% вучняў Мінску навучаюцца па-беларуску. У Мінску толькі 7 школ з беларускай мовай навучання з 250. Насамрэч і існуючыя беларускія школы толькі фармальна беларускія. Настаўнікі гавораць па-руску, выкладанне вельмі часта таксама вядзецца па-руску».
Паводле ТБШ, у 1994–95 навучальным годзе цалкам на беларускай мове навучалася 29,4% дзяцей. «Свайго максімуму гэты паказнік дасягнуў у 96–97 навучальным годзе — амаль 33% дзяцей усе прадметы вывучалі на беларускай мове», — удакладняе Мацкевіч.
Паводле Радыё Свабода
Як прайшоў Дзень ведаў у краіне
Настаўнік.інфо прапануе пазнаёміцца з першавераснёўскімі навінамі розных школаў і мястэчак
- 1 верасня ў беларускамоўнай гімназіі №23 (+ фота) >>>
- Ліцэй імя Якуба Коласа распачаў новы навучальны год >>>
- Ліцэй, лінейка, аўтазак >>>
- У Бабры навучацца па-беларуску будзе толькі Мікола Пушкін >>>
- У Бараўлянах «Дзеці два тыдні рэпеціравалі лінейку з Лукашэнкам» >>>
- Пачатак навучальнага года ў беларускіх школах Падляшша >>>
- У гімназіі г. Глыбокае адмовіліся ствараць беларускі клас. Бацькі знайшлі іншае выйсце >>>
- Новую школу адчынілі ў Віцебску >>>
- Навучальны год у Оршы пачаўся з тыдня беларускай мовы >>>
- Беларускамоўныя школы за мяжой >>>
- Беларускамоўны клас распачаў заняткі ў Бярозе >>>
- У Магілёве для адзінай вучаніцы адчынілі беларускі клас (відэа) >>>
- У Гродне сям'ю прафесара з дзецьмі забралі ў пастаунак за тое, што тыя хацелі вучыць дзіця па-беларуску >>>
Арганізацыя даследчай працы з вучнямі
Алена Радзевіч, Мінскі абласны інстытут развіцця адукацыі
Існуе выслоўе: “Кожнае дзіця можа вучыцца” - але варта задаць пытанне: як яго вучыць? Як забяспечыць вучня неабходнымі ведамі, дадаць яму гнуткасці і асабістай цікаўнасці да вучобы? Якія адукацыйныя мадэлі і тэхналогіі дапамогуць разгарнуць новыя далягляды, развіць мысленне, сфармаваць навыкі вырашэння праблем? Як падрыхтаваць вучня да працы ў грамадстве, літаральна начыненым новымі тэхналогіямі?
Адказам на пастаўленыя пытанні можа быць выкарыстанне на ўроках і пазаўрочнай дзейнасці праектнага і даследчага падыходу ў навучанні, развіццё навыкаў дасдедчых паводзінаў вучняў. У педагогіцы і псіхалогіі “даследчымі паводзінамі” называюць падыход да навучання, які будуецца на аснове натуральнага імкнення дзіцяці да самастойнага вывучэння асяроддзя. Падрыхтоўка вучня да даследчай дзейнасці, навучанне яго ўменням і навыкам даследчага пошуку і даследчых паводзінаў з’яўляецца найважнейшай задачай адукацыі і сучаснага настаўніка.
Застаемся разам!
Ваш Nastaunik.info.
Роўна 5 год таму, 29 жніўня 2005 года, з'явілася першая навіна на нашым сайце. З тых часоў сайт папоўніўся чатырмя тысячамі артыкулаў, большасць з якіх даслалі для агульнага карыстання беларускія педагогі. Больш за 400 наведнікаў штодня завітвае да нас, каб паглядзець адукацыйныя навіны ды павітацца з нашай настаўніцай Ірай – «тварам» і «візітоўкай» нашага сайта.
Віншуем усіх аўтараў і наведнікаў!
Заставайцеся з намі!
Ваш Настаўнік.інфо
P.S. Пра гісторыю сайта можна пачытаць тут
Пакінуць сваё віншаванне
ФОТАКОНКУРС “БЕЛАРУСЬ ШМАТЛІКІХ КУЛЬТУРАЎ”
Працягваецца фотаконкурс «Беларусь шматлікіх культураў" адрасаваны вучням старэйшых класаў і студэнтам.
Ідэя конкурсу – пазнёміцца з беларускаю культураю з дапамогаю фатаграфіі. Мы хочам каб удзельнікі конкурсу на сваіх здымках прадставілі рэлігійныя і гістарычныя помнікі, абарончыя збудаванні, замкі і палацы.
Пераможца конкурсу паедзе на экскурсію ў Брусэль.
У журы конкурсу ўдзельнічаюць
Агнешка Рамашэўская-Гузы, тэлежурналістка, дырэктарка тэлеканалу «Белсат»;
Марэк Каміньскі – палярнік, падарожнік, мараплавец, пісьменнік, фатограф, прадпрымальнік;
Мацей Стаберскі – фотамастак, чалец Саюза польскіх фотамастакоў.
Конкурс адбываецца пры падтрыманні тэлеканала «Белсат» і Цэнтру Культуры Катовіцэ імя Крыстыны Бохэнэк.
Адбылася онлайн-канферэнцыя з рэдактарам Nastaunik.info
На сайце Радыё Свабода адбылася онлайн-канфэрэнцыя з Тамарай Мацкевіч, намесьніцай старшыні “Таварыства беларускай школы”, рэдактаркай сайту Nastaunik.info, каардынатаркай праграмы “Настаўнік. Школа. Грамадзтва”.
Адказы на пытанні чытайце тут.
Семінар па Еўрапейскім Саюзе
Грамадскае аб'яднанне «Адукацыйны цэнтр «ПОСТ» запрашае зацікаўленых педагогаў, настаўнікаў гуманітарных дысцыплін і класных кіраўнікоў 18–19 верасня 2010 гады прыняць удзел у інтэрактыўным семінары «Пра Еўрапейскі Саюз у школе».
Удзел у гэтай праграме дазволіць:
– даведацца пра гістарычныя перадумовы ўзнікнення і асноўныя этапы развіцця Еўрапейскага Саюза;
– зразумець структуру і спосабы функцыянавання асноўных інстытутаў Еўрасаюза;
– прааналізаваць прыярытэты сучаснай палітыкі Еўрасаюза;
– атрымаць уяўленне пра ўзаемадзеянне ЕС і РБ у рамках «Усходняга партнёрства»
– пазнаёміцца з прынцыпамі і падыходамі, формамі і метадамі працы з гэтай тэмай;
Удзельнікам семінара будуць прапанаваны камплект інфармацыйна-метадычных матэрыялаў (кампакт-дыскі, наборы паштовак, літаратура), які можна будзе выкарыстоўваць у сваёй педагагічнай дзейнасці пры правядзенні ўрокаў і пазакласных мерапрыемстваў.