Архіў навін
Блог, прысвечаны загадкам на беларускай мове – народным і аўтарскім. Рэсурс мае ўжо ладную колькасць матэрыялаў: казкі-загадкі, пытанні-загадкі, шматлікія тэматычныя падборкі, у тым ліку пра школу. Аўтары – Migalayte (Алена Мігаль) і Maria Semenova.
Яўген Лівянт, kp.by 
Якія новаўвядзенні здзіўляюць ці адштурхоўваюць.
Я ўжо пісаў пра цудоўную ідэю зрабіць з настаўнікаў дарожных рэгуліроўшчыкаў.
Але гэта не адзінае непрадуманае рашэнне ў сістэме адукацыі ў гэтым навучальным годзе. У канцы гэтага навучальнага года ў беларускіх школах упершыню будзе праходзіць абавязковы выпускны экзамен па замежнай мове. Але да гэтага часу ў школьнікаў і настаўнікаў няма білетаў для экзамену. Міністэрства адукацыі толькі што апублікавала рэкамендацыі па правядзенні экзамену.
19 снежня 
Прэзентацыя дзвюх кампакт-кружэлак школьных вершаў «Няма прыгажэй ад маёй Беларусі» адбудзецца 19 снежня а 19-ай гадзіне ў кнігарні «логвінаЎ» (Незалежнасці 37а).
Сабраныя пад адной вокладкай творы начыталі й наспявалі Зінаіда Бандарэнка, Зміцер Бартосік, Генадзь Бураўкін, Лявон Вольскі, Анатоль Вярцінскі, Сяргей Дубавец, Юрась Жыгамонт, Сяржук Сокалаў-Воюш, Таццяна Беланогая, Адась Матафонаў, Таццяна Грыневіч-Матафонава.
Падчас прэзентацыі выступяць удзельнікі праекта.
Апошні тэрмін прыёму заявак – 15 снежня 
Цэнтр супрацы моладзі ў Гдыні (Польшча), разам з гдыньскай гарадской радай, ладзіць навучальныя візіты ды стажы для моладзі – студэнтаў ды прадстаўнікоў грамадскіх арганізацыяў. Увесну 2013 года навучальны візіт адбудзецца 4–15 сакавіка.
Мэта праекта – паказаць удзельнікам развіццё Польшчы з моманту падзення камунізму. Усю гэтую інфармацыю ўдзельнікі атрымліваюць падчас нефармальных сустрэч з палітыкамі, прадстаўнікамі грамадскіх арганізацый, польскімі студэнтамі ды інш.
Фізіка: Распрацоўкі да ўрокаў у 10 класе 
Аўтар: Ігар Сасімовіч, ДАСШ №3 г. Глыбокае.
Як так здарылася, што ў сацыяльна-арыентаванай дзяржаве дагэтуль няма адэкватнага падручніка для вывучэння аднаго з самых складаных этапаў школьнай фізікі – фізікі-10, напэўна, не ведаюць нават і ў Мінадукацыі. Першыя ўражанні ад сутыкнення з выкладаннем магу выразіць толькі адным кароткім словам: «Жах!». Паспрабую памагчы вучням (сваім і не толькі), чым змагу.
PowerPoint- і відэапрэзентацыі да урокаў.
Прыём заявак на ўдзел адкрыты да 16 студзеня 2013 г. 
Міжнародная навукова-практычная канферэнцыя «Заалагічныя чытанні – 2013» пройдзе ў Гродне 14 – 16 сакавіка 2013 г.
Удзельнікі абмяркуюць сучасныя аспекты фаўністычных даследаванняў, маніторынгу і кадастра жывёльнага свету; актуальныя праблемы экалогіі жывёл ва ўмовах росту антрапагеннага ўздзеяння і глабальных зменаў асяроддзя іх пражывання; захаванне біяразнастайнасці, рацыянальнае выкарыстанне і ахову рэсурсаў жывёльнага свету; эколага-цэнатычную характарыстыку біятопаў як месцаў пражывання жывёл; сучасныя падыходы да выкладання заалагічных дысціплін у сярэдняй і вышэйшай школе.
Афіцыйныя мовы чытанняў: беларуская, руская, польская, англійская, украінская.
Апошні тэрмін падачы заявак – 26 сакавіка 2013 г., 12:00 паводле брусельскага часу 
Конкурс заявак праграмы вышэйшай адукацыі «Tempus IV» шукае сумесныя праекты з падыходам «знізу ўверх», скіраваныя на інстытуцыйную мадэрнізацыю і рэформы, а таксама на структурныя захады, закліканыя спрыяць развіццю і рэфармаванню сістэмаў вышэйшай адукацыі ў краінах-партнёрах.
Мэта конкурсу – прасоўванне шматбаковай супрацы паміж вышэйшымі навучальнымі ўстановамі, органамі ўлады і арганізацыямі з краін-чальцоў ЕС і краін-партнёраў з упорам на рэфармаванне і мадэрнізацыю вышэйшай адукацыі.
Па конкурсе могуць фінансавацца як нацыянальныя, так і шматнацыянальныя праекты. Максімальная працягласць праекта складае 24 месяцаў або 36 месяцаў. Мінімальны грант для сумесных праектаў і праектаў структурных захадаў складзе 500.000 еўра. Максімальная сума гранта – 1,5 млн. еўра.
Белдзяржфілармонія 19.00 
Творцы патрэбны краіне. Каб стваралі Цуды. Каб будавалі Вежы. Каб хацелі жыць дзеля Айчыны. Каб іх можна было выганяць з краіны і знішчаць іх творы. Каб яны, не гледзячы ні на што, вярталіся на радзіму і будавалі новыя Вежы і стваралі новыя Цуды.
Люцыян Таполя – герой паэмы Максіма Танка – створыць Цуд, перажыве выгнанне, збудуе Вежу ў прэм’ерным творы Ларысы Сімаковіч.
12 снежня на сцэне Вялікай залы Белдзяржфілармоніі – rondo-опера «ЛЮЦЫЯН ТАПОЛЯ» . Выканаўцы: Ян Жанчак, Дыяна Трыфанава, Ігар Задарожны, Ларыса Сімаковіч, фальклор-тэатр «Госціца», Дзяржаўная акадэмічная харавая капэла Рэспублікі Беларусь імя Р.Шырмы (мастацкі кіраўнік – народная артыстка Беларусі Людміла Яфімава), Нацыянальны акадэмічны народны аркестр Беларусі імя І.Жыновіча (мастацкі кіраўнік і галоўны дырыжор – народны артыст Беларусі Міхаіл Казінец).
29 і 30 снежня 
Сёлета Ялінка «Нашых дзетак» адбудзецца 29 снежня ў Тэатры юнага гледача (Фрунзэ, 5). Спачатку будзе свята, а за ім – спектакль «Вясёлы Роджар».
Яліначка для самых маленькіх сёлета пройдзе ў кавярні Лофт (Броўкі, 22), меркавана 29 і 30 снежня.
Інфармацыю наконт квіткоў можна атрымаць праз тэл.: Ялінка – (029) 632 27 43 (пажадана ў непрацоўны час); Яліначка – (029) 784 63 13, (029) 911 78 87, ці праз форум «Нашых дзетак».
Перыяд падачы прац: 6 лістапада 2012 – 31 сакавіка 2013 г. 
Мінскі дзяржаўны Палац дзяцей і моладзі абвяшчае інтэрнэт-конкурс «Славутыя землякi».
Удзельнікамі могуць быць навучэнцы сярэдняга і старэйшага школьнага ўзросту пад кіраўніцтвам выкладчыкаў. Праект прызначаны для дзвюх узроставых груп: 5–8 класы (група А), 9–11 класы (група Б).
Праект рэалізуецца праз серыю гульняў-конкурсаў, якія дазваляюць лепш пазнаёміцца з культурнай спадчынай, выбітнымі людзьмі, традыцыямі краіны, убачыць самабытнасць і ацаніць унёсак беларускага народа ў сусветную культуру. Найлепшыя працы змогуць паўдзельнічаць у міжнародным абмене.
Праект «Славутыя землякi» праводзіцца ў тры этапы, кожны з якіх прысвечаны беларусам, славутым у пэўнай сферы дзейнасці: • вядомыя спортcмены; • вядомыя дзеячы навукі і мастацтва; • вядомыя гістарычныя дзеячы.