Архіў навін
Наталля Ільініч, настаўніца гісторыі Талькаўскай школы Пухавіцкага р-на, можа страціць працу, а дзеці – любімую настаўніцу. Яе кантракт сканчаецца 27 студзеня, але 11 студзеня дырэктар Талькаўскай школы Наталля Віктараўна Меркуль паведаміла, што кантракт на новы тэрмін заключаны не будзе. На пытанне па якой прычыне, дырэктарка адказала — «Я баюся».
Наталля Ільініч лічыць, што кіраўніцтва школы атрымала загад пазбавіцца ад настаўніцы з дэмакратычнымі поглядямі.
Наталля Ільініч – прапрацавала ў Талькаўскай школе 25 год, мае шмат узнагародаў за добрую працу, публікацыі ў педагагічных і краязнаўчых выданнях, разам з дзецьмі вядзе краязнаўчы сайт talka.info. Нядаўна пра яе пісала газета «Звязда».
Аўтар дапаможнай прэзентацыі – Н.Жаўняк, гомельская гімназія №10. Выкарыстанне прэзентаванага метаду спрыяе дасягненню такіх мэтаў, як: фарміраванне і развіццё творчых здольнасцей вучняў; развіццё ўмення ставіць праблемы і самастойна іх рашаць; фарміраванне пачуцця індывідуальнай адказнасці за прынятае рашэння; развіццё камунікатыўных уменняў і навыкаў.
Прэзентацыя «Развіццё даследчай кампетэнцыі як адзін з элементаў урока (беларускай літаратуры)"
Аўтар: Н.Жаўняк, гомельская гімназія №10. Выкарыстанне прэзентаванага метаду спрыяе дасягненню такіх мэтаў, як:
- фарміраванне і развіццё творчых здольнасцей вучняў;
- развіццё ўмення ставіць праблемы і самастойна іх рашаць;
- фарміраванне пачуцця індывідуальнай адказнасці за прынятае рашэння;
- развіццё камунікатыўных уменняў і навыкаў...
Апошні тэрмін падачы заявак - 30 студзеня 
Еўрапейскі гуманітарны ўніверсітэт запрашае навучэнцаў старэйшых класаў, ахвочых да ведаў у абсягу сацыяльных навук, на дыстанцыйны курс «Дэмакратыя і правы чалавека: дыялог культур».
Курс падрыхтаваны як альтэрнатыва афіцыйнаму прадмету «Грамадазнаўства» і складаецца з шырокага спектра гуманітарных ведаў, якія старшакласнікі не могуць атрымаць у Беларусі праз ідэалагічныя перашкоды.
Арганізацыйны сход – 4 лютага
Бясплатныя заняткі па беларускай мове, літаратуры, гісторыі для вучняў 7-х, 8-х, 9-х класаў сярэдняй школы з вопытнымі выкладчыкамі ў Таварыстве беларускай мовы. Заняткі грунтуюцца вакол асноўных пунктаў праграм для пералічаных класаў, але і выпускнікам могуць быць карысныя.
Арганізацыйны сход адбудзецца 4 лютага 2011 года ў 17 гадзін у памяшканні ТБМ па адрасе: вул. Румянцава, 13 (праезд да ст. метро «Плошча Перамогі»). Тэл. для даведак: (29) 639–27–15.
Неўзабаве дэдлайн!
14 студзеня – Global UGRAD 2011–2012: Праграма студэнцкага абмену
15 студзеня – Стыпендыяльная праграма Krzyzowa (Kreisau)
15 студзеня – Еўрапейцы за мір: Праграма супрацы з нямецкімі школамі
17 студзеня – Валанцёрскія праекты ў Польшчы для беларускай моладзі: 7 праграм
17 студзеня – Развіццё альтэрнатыўнага турызму: Валанцёрскі праект у Балгарыі
22 студзеня 
Рэсурсная праграма навучальных гурткоў праводзіць чарговы штогадовы фестываль. Праграма сёлеташняга фэсту будзе складацца з прэзентацый і майстар-класаў лідэраў, якія праводзілі свае гурткі ў 2010 г.
Падчас фестывалю будуць адабраны найбольш цікавыя гурткі і майстар-класы, пераможцы атрымаюць прыз – паездку ў Швецыю.
Алена Драздоўская, Раніца 
Ці задавалі вы сабе калі-небудзь пытанне: “Як займаюцца вашы аднагодкі ў школах іншых краін?” А вось сябры Асацыяцыі беларускіх гайдаў мелі выдатную магчымасць даведацца аб дацкай школе: на працягу візіту ў Данію яны наведалі адну са школ у невялікім гарадку Вібю.
— Данія — адна з самых развітых у сацыяльным плане краін, — расказвае Вольга Віхарава, адказная за сувязі з грамадскасцю Асацыяцыі беларускіх гайдаў. — І адукацыйная сістэма тут вельмі прагрэсіўная. Нягледзячы на тое, што яна ў нечым падобная на нашу (напрыклад, там таксама абавязковая дзевяцігадовая адукацыя), адрозненняў значна больш.
Радыё Свабода
У Магілёве ў дзясяты раз адбылося інтэлектуальнае спаборніцтва для школьнікаў «Беларускае пяціборства». Традыцыйна ў ім удзельнічаюць вучні старэйшых класаў. Яны спраўджвалі свае веды па пяці школьных дысцыплінах. Усе заданні — на беларускай мове. Адказваць спаборнікі павінны таксама па-беларуску. Якасць мовы ўлічваецца падчас падвядзення вынікаў.
Пяціборства ўсе гады арганізуюць сябры Таварыства беларускай мовы. Праходзіць яно ў Магілёўскім дзяржаўным універсітэце імя Куляшова. На яго запрашаюцца ўдзельнікі школьных алімпіядаў. Сёлетняе Пяціборства атрымалася самым масавым, зазначае яго ініцыятар Міхась Булавацкі.