Архіў навін
CEC ArtsLink, Inc прапануе гранты і стажыроўкі ў ЗША для творчых асобаў, якія працуюць у галінах: танцы, музыка, тэатр, літаратура, арт-менеджмент. Апошні тэрмін падачы заявак – 1 лютага 2011 г. 
Цэнтр імя Шорэнштэйна (The Shorenstein Center) прапануе прайсці стажыроўку цягам аднаго семестра ў Гарвардзе. Могуць удзельнічаць журналісты, палітыкі і навукоўцы, якія даследуюць пытанні ўплыву прэсы на грамадскую палітыку. Стыпендыя складае 30 тысяч даляраў і выдаецца чатырма плацяжамі. Заяўкі можна падаваць на восеньскі семестр 2011 г. ці вясновы семестр 2012 г.
Алесь Дашчынскі, Радыё Свабода
Учора ў рамках беларуска-нямецкай сустрэчы «Мінскі форум» быў прэзентаваны беларуска-нямецкі слоўнік. Ён падрыхтаваны Мікалаем Кур'янкам, Лявонам Баршчэўскім і Томасам Вайлерам і выйшаў у выдавецтве Змітра Коласа.
Спадар Кур'янка на прэзентацыі распавёў пра 18-гадовую гісторыю стварэння слоўніка, які перажыў дзве рэформы правапісу — нямецкай і беларускай моваў. Слоўнік такога памеру (70 тысяч словаў і выразаў) выйшаў упершыню.
8 – 22 лістапада
Навукова-метадычная ўстанова «Нацыянальны інстытут адукацыі» праводзіць інтэрнэт-семінар «Міжпрадметныя сувязі як сродак павышэння эфектыўнасці вывучэння прадметаў прыродазнаўчага цыклу, матэматыкі і інфарматыкі».
Найбольш актуальныя матэрыялы могуць быць апублікаваны ў прадметных часопісах і іншых выданнях. Для ўдзелу ў працы семінара запрашаюцца аўтары навучальных выданняў па прадметах прыродазнаўчага цыклу, матэматыцы і інфарматыцы; выкладчыкі вышэйшых навучальных устаноў; метадысты Акадэміі паслядыпломнай адукацыі, Мінскага гарадскога інстытута развіцця адукацыі, абласных інстытутаў развіцця адукацыі, раённых (гарадскіх) вучэбна-метадычных кабінетаў; кіраўнікі метадычных аб'яднанняў настаўнікаў-прадметнікаў; настаўнікі (выкладчыкі) агульнаадукацыйных школ, ліцэяў і гімназій; навучэнцы агульнаадукацыйных устаноў і іх бацькі, прадстаўнікі грамадскасці.
Чытаць болей /
Сайты беларускіх універсітэтаў: Ці ведаў Купала кітайскую мову?
Сямён Печанко, Наша Ніва
Адгадайце, якую яшчэ моўную версію, акрамя англійскай і кітайскай, мае сайт Гродзенскага дзяржаўнага ўніверсітэта імя Янкі Купалы.
У Беларусі некалькі ўніверсітэтаў носяць імёны беларускіх пісьменнікаў і асветнікаў. Мазырскі дзяржаўны педагагічны ўніверсітэт імя І.П. Шамякіна, Гомельскі дзяржаўны ўніверсітэт імя Францыска Скарыны, Беларускі дзяржаўны педагагічны ўніверсітэт імя М. Танка ў Мінску, Гродзенскі дзяржаўны ўніверсітэт імя Янкі Купалы. Класікі, чыімі імёнамі названыя ўніверсітэты, зрабілі неацэнны ўнёсак у развіццё беларускай мовы. Было б натуральным, каб родная мова заняла свой пачэсны пасад у жыцці ўніверсітэтаў, і не толькі тых, што носяць годныя імёны. У тым ліку і віртуальным жыцці — на афіцыйных сайтах ВНУ. Што ж мы маем у рэальнасці?
Роля вучэбнага прадмета «Выяўленчае мастацтва» : Семінар у Нацыянальным інстытуце адукацыі
У Нацыянальным інстытуце адукацыі пройдзе рэспубліканскі семінар «Роля вучэбнага прадмета «Выяўленчае мастацтва» ў далучэнні вучняў да крыніц нацыянальнай культуры»
Запрашаюцца ўсе ахвотныя.
Адрас: г. Мінск, вул. Караля, 16: ауд. 302. 4 лістапада 2010 г., пачатак а 10-й.
Летапіс ТБШ №23 
У чарговым нумары Летапіса ТБШ:
- Алесь Лозка: Здымкі фільмаў «Жаніцьба Цярэшкі" і «Рэфарматар»;
- Ганна Шпілеўская: Маральна-этычнае і палавое выхаванне сродкамі фальклору: праграма факультатыўных курсаў для школьнікаў старэйшых класаў і навучэнцаў сярэдніх спецыяльных адукацыйных устаноў;
- Конкурс ТБШ па стварэнні вучэбных праграм факультатываў і гурткоў па беларускай культуры ў параўнанні з культурамі народаў свету.
Апошні тэрмін падачы заявак – 15 снежня 2010 г.
Millennium Youth Camp-2011 – летнік для моладзі (1992 – 1995 гадоў нараджэння), які адбудзецца ў Фінляндыі 11 – 17 чэрвеня 2011 г.
Асноўныя тэмы летніка: змена клімату; узнаўляльныя прыродныя рэсурсы і энергія; водныя рэсурсы; інфармацыйныя і каммунікацыйныя тэхналогіі; прыкладная матэматыка. Летнік бясплатны для ўдзельнікаў, кампенсуюцца выдаткі на праезд. Працоўная мова – англійская.
Настаўнікі другога гатунку, ці Аб тым, як у Беларусі налічваюцца пенсіі педагогам
Станіслаў Холеў, Народная Воля
Паводле законаў Рэспублікі Беларусь настаўнікі, якія адпрацавалі 25–30 гадоў на педагагічнай працы, маюць права на пенсiю за выслугу гадоў за працу з асаблівымі ўмовамі. Год працы ў школе ім залічваецца за год педагагічнага стажу.
Вось і я, маючы 30 гадоў спецыяльнага педагагічнага стажу (з 01.09.1980 г. па 31.08.2010 г.), вырашыў у верасні 2010 года аформіць сабе пенсію за выслугу гадоў. Але аказалася, што, працуючы бесперапынна 30 гадоў у сярэдняй школе № 90 Кастрычніцкага раёна г.Мінска настаўнікам геаграфіі, я не зарабіў неабходнага педагагічнага стажу. У даведцы, пададзенай у аддзел сацыяльнага забеспячэння Адміністрацыі Маскоўскага раёна, за 2009–2010 гг. мне паказалі вось такі педагагічны стаж:
з 01.01.2009 г. па 25.05.2009 г.,
з 19.10.2009 г. па 31.12. 2009 г.,
з 10.01.2010 г. па 12.01.2010 г.,
з 19.01.2010 г. па 27.03.2010 г.,
з 05.04.2010 г. па 31.05.2010 г.
11 лістапада
Моладзевы адукацыйны клуб “NEWLINE”; Моладзевае грамадскае аб’яднанне «Гісторыка», ДУА «Гімназія № 10 г. Маладзечна», ДУА «Політэхнічная гімназія № 6 г. Мінска» - запрашаюць школьнікаў і студэнтаў узяць удзел у інтэрактыўнай інтэрнэт-гульні, прысвечанай 245-годдзю з дня нараджэння Міхала Клеафаса Агінскага.
Могуць удзельнічаць: каманды навучальных устаноў, моладзевых грамадскіх арганізацый і аб’яднанняў; групы сяброў; індывідуальна – старшакласнікі і студэнты, педагогі-пачаткоўцы.